អត្ថបទ The K-Pop King ដែលសារព័ត៌មាន The New Yorker បានចេញផ្សាយថ្មីៗនេះបានបង្ហាញថា តាមពិតទៅ Jung Kook ត្រូវបានអញ្ជើញឱ្យសម្តែងបទចម្រៀងល្បីរបស់ខ្លួនគឺបទ “Standing Next to You” នៅកម្មវិធី Super Bowl ជាមួយតារាចម្រៀងអាមេរិក Usher ប៉ុន្តែត្រូវបដិសេធដោយសារតែនៅពេលនោះ Jungkook ស្ថិតនៅក្នុង ដំណើរការចូលបម្រើយោធាក្នុងប្រទេសរបស់ខ្លួន។

គួរបញ្ជាក់ថា Jung Kook និង Usher ធ្លាប់បានធ្វើការរួមគ្នាសម្រាប់បទចម្រៀង “Standing Next to You” Version Remix និងធ្លាប់បានសហការថតវីដេអូចម្រៀងជាមួយគ្នារួចទៅហើយ ដូច្នេះនៅពេលដែល Usher មានឱកាសសម្តែងនៅកម្មវិធី Super Bowl កាលពីខែកុម្ភៈកន្លងទៅ លោកក៏ចង់អញ្ជើញ JungKook ឱ្យចូលរួមជាមួយគ្នាដែរ ប៉ុន្តែដោយសារការត្រូវចូលបំពេញកាតព្វកិច្ចយោធា ទើបធ្វើឱ្យ JungKook ខកខានមិនអាចទទួលសម្ដែងបាន។
ការពិតមួយទៀតដែលទើបតែត្រូវបានលាតត្រដាងតាមរយៈអត្ថបទរបស់ The New Yorker មួយនេះដែរគឺ បទចម្រៀងដ៏ល្បីរបស់ Jungkook មួយបទទៀតគឺបទ “Seven” ដំបូងឡើយផលិតករ Scooter Braun បាននិពន្ធសម្រាប់ Justin Bieber ឯណោះទេ ប៉ុន្តែក៏មិនមានការបញ្ជាក់ថាហេតុអ្វី Justin Bieber មិនបានច្រៀងបទនេះឡើយ។
បើទោះបី JungKook ពេលនេះកំពុងបម្រើយោធា ហើយគ្រោងនឹងបញ្ចប់កាតព្វកិច្ចនេះនៅខែមិថុនា ឆ្នាំ ២០២៥ ក៏ ប៉ុន្តែក្នុងចន្លោះពេលនេះ លោកនៅតែមានស្នាដៃថ្មីចេញមកសម្រាប់បណ្ដា ARMY ដែលជាអ្នកគាំទ្របានតាមដានជាមួយនឹងខ្សែភាពយន្តឯកសារ “I AM STILL” ដែលកំពុងតែចាក់បញ្ចាំងក្នុងរោងភាពយន្ត ៕


























Account
Security
Favourite Content