នារាត្រីនេះ កម្មវិធី Miss Universe Cambodia 2025 នឹងរៀបចំវគ្គផ្ដាច់ព្រ័ត្រនៃកម្មវិធីហើយ ក្រោយពន្យារពេល ដោយសារប្រទេសកម្ពុជាត្រូវបានទាហានថៃឈ្លានពានកាលពី ២៤ កក្កដា ឆ្នាំ២០២៥ កន្លងទៅ ដែលធ្វើឲ្យទឹកចិត្តមហាជន ក៏ដូចជាសិល្បករជួបរឿងឈឺចាប់ជាច្រើន។

ក្រោយស្ថានការណ៍ជាតិបានប្រសើរខ្លះហើយ ស្ថាប័ន Miss Universe Cambodia ដែលគ្រប់គ្រងដោយលោក ឈួង យីឆូយ ក៏ត្រូវបញ្ចប់បេសកកម្មខ្លួនដែរ ដើម្បីស្វែងរកបេក្ខភាពដ៏អស្ចារ្យ ដើម្បីបន្តគ្រងមកុដ Miss Universe Cambodia សម្រាប់ឆ្នាំនេះ បន្តពីអ្នកនាង ប្រាសាទ ដាវីន។
នៅថ្ងៃ ១២ ខែកញ្ញា ឆ្នាំ ២០២៥ នេះដែរ ក៏មានប្រទេស១ទៀតក្នុងតំបន់អាស៊ីអាគ្នេយ៍យើងរៀបចំវគ្គផ្ដាច់ព្រ័ត្រដែរ នោះគឺប្រទេសម៉ាឡេស៊ី ព្រមទាំងប្រទេស១ទៀតស្ថិតនៅភូមិភាគអឺរ៉ុបខាងកើត ជាសាធារណរដ្ឋបេឡារូស ដែលឈានទៅរកឃើញបេក្ខភាពដ៏ល្អឥតខ្ចោះគ្រងមកុដបវរកញ្ញាឯកចក្កវាឡ។ គិតមកត្រឹមថ្ងៃ ១២ ខែកញ្ញា ឆ្នាំ ២០២៥ នេះកម្មវិធី Miss Universe 2025 បានរកឃើញម្ចាស់មកុដពីប្រទេស ៨៤ រួចហើយ និងនៅសល់ ១៥ ប្រទេសទៀត (៣ ប្រទេសទៀតរកឃើញយប់នេះ)។
គួរបញ្ជាក់ថា Miss Universe 2025 គឺជាឆ្នាំទី ៧៤ ដែលរៀបចំកម្មវិធីនេះឡើង ហើយឆ្នាំនេះគ្រោងនឹងប្រារព្ធនៅ Impact Challenger Hall ក្នុងទីក្រុង Pak Kret ខេត្ត Nonthaburi ប្រទេសថៃ នៅថ្ងៃ ២១ខែវិច្ឆិកា ឆ្នាំ ២០២៥។ កញ្ញា Victoria Kjær Theilvig មកពីប្រទេសដាណឺម៉ាកគឺជាម្ចាស់មកុដ Miss Universe 2024 ហើយនាងនឹងបញ្ចប់ព្រឹត្តិការណ៍ ដោយផ្ទេរមកុដថ្មីដល់ម្ចាស់បន្ទាប់៕
រូបភាព៖ Miss Universe Cambodia























Account
Security
Favourite Content