ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
តារាចម្រៀង ស៊ូ ស៊ីរីកា និងម្ដាយមីង ជុំ រស្មី ថាក្រុមគ្រួសារខ្លួនជាដើមបណ្ដឹងរឿងក្ដីបណ្ដាំមរតក ក្រោយមរណកាលលោកស្រី កែវ មន្ថា អតីតតារាចម្រៀងនាទសវត្សរ៍ ៦០-៧០ ជាង ៣ ឆ្នាំហើយនោះ នៅមិនទាន់ទទួលបានយុត្តិធម៌សមឡើយ។
ម្សិលមិញនេះជាលើកទី៤ ហើយដែល ស៊ី រីកា និងអ្នកស្រី ជុំ រស្មី អតីតតារាកំប្លែងស្រីបានមកបង្ហាញខ្លួននៅសាលាយុត្តិធម៌។ ម្ចាស់បទ “ទៅយូរពេកហើយ” និងម្ដាយមីងអះអាងថា សវនាការលើកនេះក៏មិនទាន់បញ្ចប់ការប្ដឹងផ្ដល់គ្នាទេ ព្រោះខាងតុលាការចង់ចង់ភាគីទាំង ២ ផ្សះផ្សាគ្នាឲ្យអស់លទ្ធភាពសិន ហើយការជួបជុំតទល់សម្ដីគ្នាថ្ងៃនេះ ចៅក្រមផ្ដល់យោបល់គ្រប់ភាគីទាំងធ្វើកំណត់ហេតុ ពីអ្វីដែលចង់បានតាមបណ្ដាំមរកត។
អ្នកស្រី ជុំ រស្មី បានផ្ដល់បទសម្ភាសន៍ ព្រមទាំងអះអាងថា ក្រោយដំណើរក្ដីក្ដាំប៉ុន្មានឆ្នាំមក ម្សិលមិញជាលើកទី១ខ្លួនបានជួបតទល់សម្ដីផ្ទាល់ជាមួយគូវិវាទដែលជាឪពុកចុង ព្រោះកន្លងមកមានតែការកាត់ក្ដីកំបាំងមុខ និងតំណាងមេធាវីខាងចុងចោទតែប៉ុណ្ណោះបានចូលមកជំនុំជម្រះក្នុងសវនាការ។
អ្នកស្រីថាម្សិលមិញ រឿងសឹងតែចប់ទៅហើយ បើខាងភាគីចុងចោទយល់ព្រមតាមសំណើរបស់ក្រុមគ្រួសារអ្នកស្រី។ ក្រោយមិនទាន់អាចបញ្ចប់ក្ដីបណ្ដាំមរតក អ្នកស្រីបានបញ្ជាក់ថា បើបន្តមិនចប់មិនហើយ ដោយការសម្រុះសម្រួលគ្នា ទោះជាខាងកូនដើមមិនទទួលបានចំណែក ៥០ ភាគរយនៃទ្រព្យសម្បត្តិដែលបានបែងចែក ហើយសុំត្រឹមចំណែកសមរម្យដែលអាចឲ្យអ្នកស្រី ព្រមទាំងបងប្អូនកូនក្មួយជាង ១០ នាក់ មានកន្លែងស្នាក់នៅសមរម្យទៅចុះ រឿងបន្តមានតែតុលាការទៅចុះ ។
នៅពេលមិនអាចផ្សះផ្សាគ្នាបាន គ្រប់ភាគីទាំងសងខាង មានតែចៅក្រមប៉ុណ្ណោះពិនិត្យសំណុំរឿង និងកាត់ក្ដីជូនតាមអង្គហេតុដែលបានដាក់ជូនកន្លងមក។ សវនាការម្សិលមិញអ្វីដែលអ្នកស្រី ព្រមទាំងបងប្អូនកូនក្មួយចង់បាន បើទោះមិនបានដូចបណ្ដាំមរតកក៏ដោយសុំត្រឹមផ្ទះ២ ល្វែងនៅខណ្ឌ ៧ មករា ហើយនិងដីនៅវាលវែង តែមិនទទួលបានដូចសំណូមពរ។
ចំណែកការជួបគ្នានៅសាលាយុត្តិធម៌លើកក្រោយ អ្នកស្រីបញ្ជាក់ថាមិនយូរទៀតទេ ព្រោះបានឲ្យមេធាវីសរសេរសំណូមពរឲ្យលឿនបំផុត យកមកជូនចៅក្រម។ ការដែលអ្នកស្រីពន្លឿនមេធាវី ព្រោះអ្នកស្រីមិនអាចរង់ចាំបានទៀតទេ ព្រោះកូនក្មួយជាច្រើនគ្មានផ្ទះស្នាក់នៅ ហើយត្រូវជួលគេពិតជាត្រូវចំណាយច្រើនខ្លាំង៕
Account
Security
Favourite Content