គ្រប់គ្នាប្រហែលនៅចាំបាន ស្រីស្អាត ប៊ុន្លឿម ពេជម្នី ហៅ សេលីណា ជាជយលាភីលេខ២ ធីតាឯកសង្រ្កាន្តរដូវកាលទី១។ ក្រោយចប់ការប្រកួតឆ្នាំ ២០២០ សេលីណា បានបន្តធ្វើការងារសិល្បៈរហូតមកដល់បច្ចុប្បន្ន ដោយនាងមានហាងឆេងខ្ពស់គួរសម ពិសេសគឺការថតប្រូម៉ូតផ្សព្វផ្សាយផលិតផលតែម្តង។ ក្រៅពីនោះ នាងក៏បង្ហាញខ្លួនក្នុងកម្មវិធីសិល្បៈរបស់ទូរទស្សន៍ក្នុងស្រុកជាញឹកញាប់ផងដែរ និងធ្លាប់បានចូលរួមមសម្តែងរឿងដុំ-ភាគឱ្យផលិតកម្មក្នុងស្រុក រួមទាំងភាពយន្តជីវិតជាដើម។


មិនត្រឹមមានរូបសម្រស់ស្រស់ស្អាត និងអាចដើរបង្ហាញម៉ូដបានល្អប៉ុណ្ណោះទេ សេលីណា ថែមទាំងមានទឹកដមសំនៀងពីរោះរណ្តំទៀតផង ដោយកន្លងមកគេតែងប្រទះឃើញស្រីស្រស់នេះច្រៀងចម្រៀង Cover បទល្បីៗបង្ហោះលើបណ្តាញសង្គម និងបានឡើងច្រៀងមកម្មវិធីខ្លះសម្ពោធផលិតផលមួយចំនួនទៀត។ គួរឱ្យភ្ញាក់ផ្អើលជាងនេះទៀតនោះ តារាស្រីមានប្រភពមកពីខេត្តសៀមរាបរូបនេះ ក៏មានសមត្ថភាពអាចរាំបានយ៉ាងល្អ ដោយថ្មីៗកន្លងទៅនេះនាងបានរាំ Dance Cover លក្ខណៈ Kpop លើបទ «BABYMONSTER» របស់ក្រុម 2NE1 MASHUP បានយ៉ាងរស់រវើក ធ្វើឱ្យអ្នកគាំទ្រស្រឡាំងគ្រប់គ្នា។



សូមជម្រាបថា សោភារូបស្រស់ កញ្ញា ប៊ុន្លឿម ពេជម្នី ហៅ សេលីណា បានចូលរួមដើរបង្ហាញម៉ូដក្នុងពិធីបើកព្រឹត្តិការណ៍ស៊ីហ្គេមលើកទី៣២ (32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ ២០២៣ កាលពីថ្ងៃទី៥ ខែឧសភា ឆ្នាំ ២០២៣ កន្លងទៅ ដោយនាងធ្វើបានយ៉ាងល្អក្នុងដើរបង្ហាញម៉ូដជាមួយតារាម៉ូដែលរៀមច្បង រហូតមានការលើកសរសើរទៀតផង។
សមត្ថភាព រូបស្រស់ស្អាត បូករួមលក្ខណៈសម្បិត្តិល្អរបស់នាង ធ្វើឱ្យអ្នកស្នេហាវិស័យសម្រស់នៅកម្ពុជា ចង់ឱ្យនាងសាកល្បងដាក់ពាក្យប្រកួតកម្មវិធីសម្រស់ណាមួយ តែនេះអាចក្លាយជាការពិត ឬយ៉ាងត្រូវរង់ចាំមើលការសម្រេចចិត្តរបស់ សេលីណា៕



















































Account
Security
Favourite Content