បវរកញ្ញា និងជាកូនខ្មែរ១រូបទៀតហើយដែលបានទៅដើរម៉ូដនៅកម្មវិធី New York Fashion Week ២០២៥ កាលពីពេលថ្មីៗនេះ។ នោះគឺកញ្ញា មាន សុវណ្ណារចនា បេក្ខភាព Miss Cosmo Cambodia 2025 ដ៏លេចធ្លោប្រចាំកម្មវិធី។


បើទោះជាព្រឹត្តិការណ៍ New York Fashion Week 2025 ទើបបញ្ចប់ហើយក៏ដោយ តែតារាម៉ូដែល និងជាបវរកញ្ញាទៅពីប្រទេសកម្ពុជា១រូបទៀតដែរទើបបង្ហោះឲ្យដឹងថានាង បានដើរនៅ Runway ដ៏ល្បីលំដាប់ពិភពលោកមួយនោះគឺ មាន សុវណ្ណារចនា ត្រូវបានខាងដើរឲ្យអ្នក design Krissy King របស់ The Bureau Fashion Weekដែលជាអ្នកផលិតកម្មវិធី Fashion Week ដ៏ល្បីល្បាញទូទាំងពិភពលោក។
សុវណ្ណារចនា មើលទៅពិតស្វាហាប់ជាមួយជំនាញដើរម៉ូដដ៏ល្អរបស់ខ្លួន និងរូបរាងសមជាមួយសម្លៀកបំពាក់។ មិនតែប៉ុណ្ណោះ តារាម៉ូដែលវ័យក្មេងរូបនេះទទួលបានការចាប់អារម្មណ៍ពីសំណាក់អ្នកចូលរួមទស្សនា។


គួរបញ្ជាក់ផងដែរថា កម្មវិធី New York Fashion Week 2025 នេះ ពីខាងកម្ពុជាមានប្រេនខ្មែរ១បានទៅចូលរួមដែរ នោះគឺ ALmée Couture ដែលមានម៉ូដែលខ្មែរ ៣ គឺ មាលា ដារ៉ា និង ស្រីពី បានទៅដើរលើឆាក New York Fashion Week ហើយ រចនា ត្រូវបានអ្នក design បរទេសអញ្ជើញឲ្យដើរប្រេនផ្សេង។
សម្រាប់ មាន សុវណ្ណារចនា ក្រោយក្លាយជាបេក្ខភាពលេច្លោរបស់ Miss Cosmo Cambodia 2025 រួចមក កញ្ញាកាន់តែមមាញឹកនឹងការងារដើរម៉ូដ ទាំងក្នុង ហើយក៏ក្រៅប្រទេសដែរ៕

រូបភាព៖ Savannah Richana Mean























Account
Security
Favourite Content