ថ្មីៗនេះ ពេជ្រ វត្តីសារ៉ាវឌ្ឍី បានឡាយជជែកគ្នា និងបកស្រាយពីបញ្ហានាងមិនសូវពាក់សក់ឡើយ តាំងពីអំឡុងប្រឡង Miss Grand Cambodia និង Miss Grand International 2022 មកម្ល៉េះ។ 5th Runner up Miss Grand International 2022 បានបញ្ជាក់ថានៅពេលនាងពាក់សក់ នាងតែងប្រាប់គេថា នាងឈឺក្បាលពិបាកទ្រាំណាស់។


ចំពោះមូលហេតុគឺមកពីនាងធ្លាប់ជួបគ្រោះថ្នាក់ក្រឡាប់ឡាន ៣ ៤ ជុំ ហើយបោកត្រូវផ្នែកក្បាលមួយចំហៀង។ ក្នុងនោះនាងបញ្ជាក់ថា នាងមិនមែនជាអ្នកបើកឡានឡើយ ហើយមូលហេតុធ្វើឲ្យក្រឡាប់មកពីងងុយដេក និងត្រូវចុះទៅតាមខេត្តពេលយប់។ ការដែលហ្វេនសួរពីបញ្ហាពាក់សក់នោះ ក្រោយពីឃើញនាងពាក់សក់ចូលរួមកម្មវិធីជប់លៀងមួយរបស់អ្នកសិល្បៈកាលពីពេលថ្មីៗនេះ។
ព្រោះតែទទួលរងប៉ះពាល់បែបនោះហើយ ទើបនាងមិនដែលពាក់សក់សោះឡើយ បូករួមទាំងការប្រឡង Miss Grand Cambodia 2022 បន្តរហូតដល់ Miss Grand International ទៀត គឺនាងប្រើសក់ពិតៗរបស់ខ្លួនធ្វើម៉ូដនេះ ម៉ូដនោះ ដោយមិនមានការពាក់សក់ឡើយ រហូតទាល់តែចូលមកដល់វគ្គ Final ក្នុងថ្ងៃប្រកួត Miss Grand International 2022 ទើបនាងពាក់សក់។


និយាយដល់គ្រាប្រកួតនោះ នាងបានបញ្ជាក់ថា បេក្ខភាព Miss Grand ប្រទេសជាច្រើនបានពាក់សក់ ព្រោះវាមើលទៅធ្វើឲ្យស្អាតជាងមុន ហើយសម្រាប់នាងក៏បានជ្រើសរើសការពាក់សក់នោះដែរ នាថ្ងៃចុងក្រោយ៕


























Account
Security
Favourite Content