Pharrell Williams ទទួលបាននាមជា Knight of the Legion of Honor ដែលជាការទទួលស្គាល់ជនស៊ីវិលលំដាប់ខ្ពស់បំផុតរបស់ប្រទេសបារំាង ទៅលើស្នាដៃការងារដែលលោកបានធ្វើការជាមួយនឹងយីហោប្រណីតរបស់បារាំង Louis Vuitton ។

កាលពីថ្ងៃទី១៤ ខែកក្កដា ជាថ្ងៃបុណ្យជាតិរបស់ប្រទេសបារាំង Pharrell Williams បានទទួលតំណែងជា Knight of the Legion of Honor ជាមួយនឹងបុគ្គលសំខាន់ៗ ៥៨៩ រូបទៀត តាមរយៈឥទ្ធិពលរបស់លោកទៅលើវប្បធម៌ពិភពលោក ជាពិសេសស្នាដៃរបស់នៅក្នុងវិស័យច្នៃប្រដិត្ឋ និងផលិតផលប្រណីតរបស់ប្រទេសបារាំង។
ក្រោយពីបានទទួលតំណែងជានាយកច្នៃប្រតិដ្ឋសំលៀកបំពាក់បុរសរបស់ Louis Vuitton កាលពីឆ្នាំ ២០២៣ បុរសពហុជំនាញ មាននាមជា សិល្បករ តារារ៉េប អ្នកនិពន្ធបទចម្រៀង ផលិតករ អ្នករចនា និងសហគ្រិនរូបនេះ បាននាំយកមុខមាត់ថ្មីមកឱ្យយីហោដែលមានកេរ្តិ៍ឈ្មោះជាប៊្រេនលំដាប់ប្រណីត ដោយបានរួមបញ្ចូលសម្លៀកបំពាក់បែប Streetwear រួមទាំងបានយកប្រព័ន្ធផ្សព្វផ្សាយ និងឥទ្ធិពលរបស់តារាមកប្រើប្រាស់ បង្កើនភាពលេចធ្លោនៃម៉ាក Louis Vuitton ក្នុងយុគសម័យថ្មី។
ក្រៅតែពីតំណែងនេះ តារាប្រុសវ័យ ៥២ឆ្នាំ ក៏បានចូលរួមជាមួយនឹងក្រុមហ៊ុនមេ គឺ LVMH បញ្ចេញស្នាដៃរចនាម៉ូដបន្ថែមទៀត ដូចជា ដបទឹក Limited Edition របស់ Moët & Chandon និងកិច្ចសហការផលិតគ្រឿងអលង្ការឱ្យយីហោ Tiffany & Co. ផងដែរ។
ការទទួលងារជា Knight of the Legion of Honor នៅគ្រានេះ គឺជាវិនាទីដ៏សំខាន់របស់ Pharrell Williams នៅក្នុងវិស័យហ្វេសិន ដោយលោកបានចូលរួមជាមួយនឹងអ្នកច្នៃម៉ូដល្បីៗជាច្រើននាក់ទៀត ដែលទទួលបានងារតែមួយនេះ មិនថា Jean Paul Gaultier, Christian Lacroix និង Kim Jones សុទ្ធសឹងតែជានាយកច្នៃប្រឌិតសំលៀកបំពាក់បុរសពីយីហោប្រណីតផ្សេងទៀតដូចជា Dior និង Fendi ជាដើម៕

























Account
Security
Favourite Content