មកជាមួយគំនិតច្នៃប្រតិដ្ឋ និងស្រលាញ់ជាតិ Miss Universe Cambodia 2021 ងិន ម៉ារ៉ាឌី ច្នៃក្រចកក្នុង concept សីក្លូខ្មែរទទួលបានជយលាភីចំណាត់ថ្នាក់លេខ២ក្នុងកម្មវិធីលំដាប់អន្តរជាតិផ្នែកក្រចក Fantasy KBC Award 2025។


Miss Universe Cambodia 2021 ងិន ម៉ារ៉ាឌី បាននាំយកស៊ីក្លូបែបខ្មែរទៅបង្ហាញក្នុងកម្មវិធីប្រកួតលំដាប់អន្តរជាតិផ្នែកក្រចកវែង fantasy 5។ តាមរយៈការច្នៃក្រចកក្នុង concept សុីក្លូបែបសម័យថ្មី ដែលចាក់ដោយដៃផ្ទាល់ពីម្សៅ Acrylic ដោយទទួលបានការចាប់អារម្មណ៍ និងការសរសើរព្រោងព្រាតពីបរទេស។ មិនត្រឹមតែប៉ុណ្ណោះ ថ្វីដៃដ៏ល្អមួយនេះក៏ទទួលបានចំណាត់ថ្នាក់លេខ ២ នៅក្នុងការប្រកួតផងដែរ។
តាមរយៈការនាំយក concept ស៊ីក្លូដាក់ប្រកួតក្នុងកម្មវិធីលំដាប់អន្តរជាតិមួយនេះទទួលការសរសើររាប់មិនអស់ពីភ្ញៀវដែលបានចូលរួមនៅក្នុងកម្មវិធីជាពិសេសភ្ញៀវបរទេស ពួកគេថែមទាំងចង់សាកល្បងមធ្យោបាយធ្វើដំណើរមួយនេះពេលមានឱកាសមកលេងកម្ពុជាផងដែរ។ ចំពោះ concept មួយនេះដែរអ្នកនាងទទួលបានការបំផុសគំនិតដោយផ្ទាល់ពីអ្នកម្ដាយ ព្រមជាមួយការគាំទ្រយ៉ាងពេញទំហឹងពីស្វាមី ក្រុមគ្រួសារ ក្រុមការងារ និងគ្រូបង្វឹក។





គួរឱ្យដឹងដែរថា មូលហេតុនៃការជ្រើសយក concept ស៊ីក្លួមកដាក់ប្រកួតគឺចង់បង្ហាញដល់អន្តរជាតិពីមធ្យោបាយធ្វើដំណើរមួយរបស់ខ្មែរនៅសម័យសង្គមរាស្ត្រនិយម។ បើគិតមកដល់ពេលនេះស៊ីក្លូមានអាយុកាលចំណាស់ដែរហើយ បច្ចុប្បន្នក៏កំពុងត្រូវបានអភិរក្ស និងមានជាសមាគមស៊ីក្លូផងដែរ។ ស៊ីក្លូជាមធ្យោបាយធ្វើដំណើរមួយដ៏ពេញនិយមសម្រាប់អន្តរជាតិ ដើម្បីជិះកម្សាន្តក្នុងក្រុងភ្នំពេញ។
ការលើកយក concept ស៊ីក្លូបែបខ្មែរមកដាក់បញ្ចូលក្នុងកម្មវិធីប្រកួតអន្តរជាតិនាលើកនេះពិតជាបានធ្វើឱ្យបរទេសបានឃើញពីភាពច្នៃប្រតិដ្ឋកម្រិតខ្ពស់របស់កូនខ្មែរ បង្ហាញឱ្យបរទេសបានស្គាល់៕
រូបភាព ៖ Ngin Marady























Account
Security
Favourite Content