កញ្ញា កុយ អេនណា ទើបបញ្ចប់បេសកកម្មដើរពីភ្នំពេញ ទៅសៀមរាប ក្នុងរយៈចម្ងាយជាង៣០០ គីឡូម៉ែត្រកាលពីពេលថ្មីៗនេះ។ ក្នុងដំណើរថ្មើរជើងលើកដំបូងទៅកាន់ខេត្តសៀមរាប ក្រោមប្រធានបទ “ដើរដោយក្តីសង្ឃឹម ដើរដើម្បីទេសចរណ៍” បវរកញ្ញារូប នេះបានចំណាយពេល ១៨ ថ្ងៃ។


ក្រោយចប់បេសកកម្មដើរពីភ្នំពេញ ទៅសៀមរាប អេនណា បានទម្លាយឲ្យដឹងថា នាងនឹងមានបេសកកម្មបន្តទៀតក្នុងគោលដៅផ្សេងពីខេត្តសៀមរាប។ ប៉ុន្តែអ្វីដែលអាចដឹងច្បាស់មួយទៀត គឺកញ្ញា និងតារាសម្ដែង ឆឹម សក្កដា ត្រៀមចេញដំណើរទៅប្រទេសកូរ៉េ នាខែក្រោយនេះហើយ។
តារាសម្ដែងប្រុស ឆឹម សក្កដា បានបង្ហោះលើហ្វេសប៊ុកកាលពីយប់ថ្ងៃ ២៤ ខែកញ្ញា ឆ្នាំ ២០២៥ ថា “អបអរសាទរប្អូនស្រី Koy Anna បញ្ចប់បេសកកម្មដ៏អស្ចារ្យដោយជោគជ័យ ហើយពួកយើងក៏មានបេសកកម្មថ្មីមួយទៀតនៅប្រទេសកូរ៉េខែក្រោយនេះ🇰🇭រួមគ្នាដើម្បីកម្ពុជា”។

នៅពីក្រោមការបង្ហោះលើបណ្ដាញសង្គម ឆឹម សក្កដា ក៏ឃើញមានការបញ្ចេញមតិយោបល់របស់ កុយ អេនណា ដូចគ្នា។ តែនៅមិនទាន់ដឹងថា នោះជាបេសកកម្មផ្ទាល់ខ្លួន ឬអ្នកទាំង ២ ចេញទៅតំណាងពីខាងសមាគមសិល្បករខ្មែរ ឡើយ ដោយម្នាក់ៗនៅរង់ចាំការប្រកាសផ្តាល់ពីតារាប្រុសស្រីមួយគូនេះ៕
រូបភាព៖ Koy Anna និង Chhoem Sakada























Account
Security
Favourite Content