កម្មវិធី Miss Supranational Cambodia 2025 បានរកឃើញបេក្ខភាពដែលឈ្នះវគ្គជម្រុះរូបថត ដើម្បីឈានជើងចូលរួមវគ្គ Supra Gate Audition ហើយកាលពីពេលថ្មីៗកន្លងទៅនេះ។ ក្នុងនោះមានទាំងបេក្ខភាព Miss Supranational Cambodia ឆ្នាំមុនៗ ហើយក៏មានបេក្ខភាពថ្មីសន្លាង ដែលគួរឲ្យចាប់អារម្មណ៍ផងដែរ។
សម្រាប់បេក្ខភាពថ្មី Miss Supranational Cambodia 2025 ដែលទទួលបានការចាប់អារម្មណ៍ខ្លាំង នាថ្ងៃបង្ហាញខ្លួនវគ្គ Supra Gate Audition ជាកូនកាត់ខ្មែរអាមេរិកឈ្មោះ Sydney Marith វ័យ ១៩ ឆ្នាំដ៏ស្រស់ស្អាត។ Sydney Marith បានជ្រើសរើសឈុត Jumpsuit ពណ៌ខ្មៅអត់មានដៃ តែមានស្បៃព័ទ្ធទៅក្រោយកបន្ថែម ព្រមជាមួយស្នាប់ដៃ ដែលជារបស់ខ្មែរបុរាណ ពិតជាពិសេស។
ត្បិតតែថ្មៅថ្មីក៏ពិតមែន តែ Sydney Marith ឆ្លាតវៃ អាចឆក់បានការចាប់អារម្មណ៍ ដោយមកជាមួយសមត្ថភាពទាំងព្រម ការឆ្លើយសំណួរ ហើយនិយាយជាភាសាអង់គ្លេស រហូតអ្នកតាមដានវិស័យបវរកញ្ញាលាន់មាត់ថា បវរកញ្ញាកូនកាត់រូបនេះមានភាគរយខ្ពស់ខ្លាំងមែនទែន ក្នុងការឈ្នះមកុដ Miss Supranational Cambodia 2025។ ដោយសារតែជាកូនកាត់ខ្មែរ និងអាមេរិក ស្រស់ស្អាតខ្លាំងមែនទែន ទឹកមុខមានមន្ដស្នេហ៍ រាងរៅខ្ពស់ស្រឡះ ជាពិសេសសម្បុរស្បែកសណ្ដែកបាយជាខ្មែរអង្គរ។
បវរកញ្ញាកូនកាត់រូបនេះ នាងគឺជានារីក្លាហានងាយចុះចម្រុងជាមួយអ្នកដទៃ មានភាពកំប្លែងស្ងួត ហើយគ្រាន់តែចូលដល់កងប្រកួតភ្លាម មានភាពស្និទ្ធស្នាលជាមួយបេក្ខភាពដទៃភ្លែត។ មិនតែប៉ុណ្ណោះ Marith ក៏ជាបេក្ខភាពគួរឲ្យស្រលាញ់ខ្លាំងផងដែរ ដោយនាងមានសកម្មភាពជាច្រើន Update លើបណ្ដាញសង្គមហ្វេសប៊ុកផ្ទាល់ខ្លួន តាំងពីហាត់ដើរ Catwalk ការហាត់រៀនសរសេរ និងនិយាយខ្មែរបន្ថែម។
Marith បានទៅហាត់រៀន Catwalk នៅប្រទេសឥណ្ឌូណេស៊ីបានមួយរយៈ ប៉ុន្តែនាងពិតជាចាប់បានយ៉ាងឆាប់រហ័ស។ ចូលមកដល់ Miss Supranational Cambodia 2025 Marithរួសរាយ មានថាមពលពេញលេញ ដោយត្រៀមខ្លួនរួចជាស្រេច។
Miss Supranational Cambodia 2025 ចម្រាញ់បានបេក្ខនារីសរុប ១៥ រូប ដែលម្នាក់ៗសុទ្ធតែមានរូបសម្រស់ និងចំណេះដឹងល្អ៕
រូបភាព៖ Sydney Marith, Gregogery និង Supranational Cambodia