បន្ទាប់ពីភាពវឹកវរដែលកញ្ញា ដេត ស្រីនាឌ ប្រកាសធ្វើពហិការមិនចូលរួមប្រកួត Miss Planet International វគ្គផ្ដាច់ព្រ័ត្រនារាត្រីថ្ងៃ ២៧ ខែវិច្ឆិកា ឆ្នាំ ២០២៤ នេះរួចមក ស្ថាប័ន Miss Planet Cambodia បានចេញសេចក្ដីប្រកាសព័ត៌មានច្បាស់ការមួយហើយ។


ស្ថាប័ន Miss Planet Cambodia បានឲ្យដឹងថា កញ្ញា ខន សុវណ្ណសូនីតា ដែលជាលំដាប់រងទី១ នឹងតំណាងឲ្យកម្ពុជាចូលរួមការប្រកួត Miss Planet International 2024 ជំនួសឲ្យ ដេត ស្រីនាឌ ដោយហេតុថាម្ចាស់មកុដបវរកញ្ញាភពផែនដីមានបញ្ហាសុខភាព។
ក្នុងសេចក្ដីប្រកាសនោះ បានសរសេររៀបរាប់យ៉ាងច្បាស់ថា «យើងពិតជាសុំការអធ្យាស្រ័យដល់សំណាក់ពុកម៉ែបងប្អូនកម្ពុជា និងបណ្តាអ្នកគាំទ្រគ្រប់គ្នាថា កញ្ញា ខន សុវណ្ណសុនីតា ដែលជាលំដាប់រងទី១ នឹងបន្តការប្រកួតតំណាងឲ្យប្រទេសកញ្ញា ក្នុងនាមជាបវរកញ្ញាភពផែនដីឆ្នាំ 2024 ដោយហេតុកញ្ញា ដេត ស្រីនាថ មានបញ្ហាសុខភាពនៅគេងមន្ទីរពេទ្យមិនអាចចូលរួមប្រកួតបានជាចុងក្រោយពួកយើងសូមអរគុណដល់បណ្ដាអ្នកគាំទ្រដែលយោគយល់ និងនៅតែបន្តគាំទ្រដល់បវរកញ្ញាភពផែនដីនៃកម្ពុជាឆ្នាំ ២០២៤»។


ងាកទៅមើលការប្រកាសធ្វើពហិការរបស់ ដេត ស្រីនាឌ ដែលបង្ហោះអំឡុងពេលម៉ោង១០ ព្រឹកនាថ្ងៃនេះកន្លងទៅ កញ្ញាបានលុបចោលវិញហើយ ក្រោយមានការវែកញែក និងរិះគន់ខ្លាំងលើរូបនាង តែ ស្រីនាឌ ក៏មិនទាន់បានធ្វើការបកស្រាយអ្វីដែរ៕
រូបភាព៖ FB Khon Sovan SoNita

























Account
Security
Favourite Content