ចូលរួមមហោស្រពភាពយន្តទីក្រុងកានជាលើកដំបូង បវរកញ្ញាចក្រវាលឡាវឆ្នាំ២០២២ កញ្ញា Payengxa Lor បានទាក់ទាញការចាប់អារម្មណ៍ជាច្រើននៅពេលដែលនាងជ្រើសរើសឈុតបែបប្រពៃណីរបស់ជនជាតិដើមភាគតិច។


នៅក្នុងពិធីសម្ពោធបញ្ចាំងភាពយន្ត “Asteroid City” ដែលស្ថិតក្នុងក្របខ័ណ្ឌនៃមហោស្រពភាពយន្តទីក្រុងកានលើកទី ៧៦ កាលពីថ្ងៃទី២៣ ខែឧសភា បវរកញ្ញា Payengxa Lor បានទទួលជោគជ័យក្នុងការទាក់ទាញចំណាប់អារម្មណ៍ប្រព័ន្ធផ្សព្វផ្សាយអន្តរជាតិជាមួយនឹងសម្លៀកបំពាក់កែច្នៃបែបប្រពៃណីជនជាតិម៉ុង។


ផ្អែកតាមប្រពភពព័ត៌មានពី Missosology បវរកញ្ញារូបនេះបានកើត និងរស់នៅក្នុងរាជធានីវៀងចន្ទន៍ ក្នុងត្រកូលគ្រួសារដែលមានដើមកំណើតជាជនជាតិម៉ុង។ ដូច្នេះហើយបានជានាងចង់លើកតម្កើងតម្លៃវប្បធម៌របស់ប្រជាជនខ្លួនលើឆាកអន្តរជាតិ។
កើតនៅឆ្នាំ២០០១ Payengxa Lor គឺជាបេក្ខនារីអាស៊ីអាគ្នេយ៍តែមួយគត់ដែលបានឡើងដល់វគ្គ Top 16 នៃកម្មវិធីបវរកញ្ញាចក្រវាលឆ្នាំ ២០២២ ដោយបានវ៉ាដាច់គូប្រជែងក្នុងតំបន់ខ្លាំងៗដូចជាថៃ ហ្វីលីពីន និងវៀតណាម។ មុនពេលចូលរួមក្នុងការប្រលងសម្រស់នេះ Lor គឺជាគ្រូបង្រៀនភាសាអង់គ្លេស អ្នកស្ម័គ្រចិត្ត ជាអ្នកនិយាយលើកទឹកចិត្ត និងជាម្ចាស់មេដាយប្រាក់ក្នុងកីឡាតេក្វាន់ដូ ៕




























Account
Security
Favourite Content