កាលពីថ្មីៗកន្លងទៅនេះ គណនី Tik Tok ផ្លូវការ ព្រាប សុវត្ថិ បានបង្ហោះវីដេអូមួយ ដែលកំពូលតារាចម្រៀងរូបនេះ បានចុះទៅជួយមើលកូនប្រុសពៅ សុវត្ថិ សិរីវុឌ្ឍ ថត MV បទចម្រៀងថ្មី បន្ទាប់ពីកំលោះសង្ហា សិរីវុឌ្ឍ ខកខានបញ្ចេញស្នាដៃបទចម្រៀងថ្មីរយៈពេលប្រមាណ ២ ឆ្នាំមកហើយ។
គេពុំទាន់ដឹងថា ស្នាដៃបទចម្រៀងថ្មីរបស់ប្រុសពៅ សុវត្ថិ សិរីវុឌ្ឍ មានចំណងជើងអ្វីឡើយ តែបទថ្មីនេះអាចនឹងមានការចូលរួមបកស្រាយពី លោក ព្រាប សុវត្ថិ ដែលជាឪពុកផងដែរ។


អ្វីដែលគួរឱ្យចាប់អារម្មណ៍ខ្លាំងនោះ បទថ្មីរបស់ សុវត្ថិ សិរីវុឌ្ឍ មានការចូលរួមសម្តែងដោយកំពូលសម្រស់ ២ រូប គឺ តារាម៉ូដែលកូនកាត់ខ្មែរ-បារាំង Mélia Constantin និងបវរកញ្ញាខ្មែរ-រុស្សី ឌៀប សុហ្វៀរ៉ា ជាម្ចាស់ជយលាភី 2nd Runner-up Little Miss junior idol world 2022។
ម្នាក់ជាកូនកាត់ខ្មែរ-បារាំង រីឯម្នាក់ទៀតជាកូនកាត់ខ្មែរ-រុស្សី មកប៉ះគ្នាក្នុង MV កំលោះសង្ហា សុវត្ថិ សិរីវុឌ្ឍ ធ្វើឱ្យ ហ្វេនៗនាំគ្នាស្រែក វ៉ាវ ព្រោះមិននឹកស្មានថា កូនកាត់ទាំង ២ រូប នឹងត្រូវសម្តែងប៉ះគ្នាបែបនេះឡើយ។

បើនិយាយពីសម្រស់វិញនោះ គឺឆ្វាចខ្លាំងតែម្តង ដោយសារអ្នកទាំងពីរជាកូនកាត់ដូចគ្នា គ្រាន់តែមួយកាត់បារាំង ម្នាក់ទៀតកាត់រុស្សី បូករួមការតុបតែងខ្លួនបែប Pink Pink គួរឱ្យស្រលាញ់ទៀតនោះ ធ្វើឱ្យគ្រប់គ្នាមិនអាចទាញក្រសែភ្នែកចេញពីរាជនីសម្រស់ទាំងពីរនេះឡើយ។




យ៉ាងណាមិញ មានការលើកឡើងថា ការជ្រើសយកកំពូលសម្រស់ទាំង ២ មកថត MV ថ្មីនេះ ជាយុទ្ធសាស្រ្តថ្មីមួយ ដើម្បីជួយបង្កើនប្រជាប្រិយភាពបទចម្រៀង ព្រោះថា Melia និង សុហ្វៀរ៉ា សុទ្ធតែតារាស្រីល្បីឈ្មោះក្នុងរង្វង់សិល្បៈនាពេលបច្ចុប្បន្ន។ ដូច្នេះ ការយកអ្នកទាំងពីរមកបញ្ជូលក្នុង MV នឹងជួយឱ្យបទនោះកាន់តែឆាប់ផ្ទុះការគាំទ្រខ្លាំង ម៉្យាងនេះក៏ជាការជួយយឹតយោងគ្នារវាងវិស័យចម្រៀង និងវិស័យបវរកញ្ញា ដែលបច្ចុប្បន្នកំពុងមានសន្ទុះយ៉ាងខ្លាំងក្លា។
យ៉ាងណាមិញ នៅមិនទាន់ដឹងថា បទចម្រៀងថ្មីនេះនឹងទម្លាក់លើទីផ្សារថ្ងៃណានៅឡើយទេ ខណៈហ្វេនៗកំពុងរង់ចាំមើលស្នាដៃបទថ្មីរបស់ សុវត្ថិ សិរីវុឌ្ឍ យ៉ាងអន្ទះសារ!























Account
Security
Favourite Content