មិនធ្លាប់ឃើញបង្ហើប ឬប្រាប់អ្វីច្រើនសោះនៅលើហ្វេសប៊ុក តែសុខៗ មាស សុខសោភា ស្រាប់តែបង្ហាញមុខក្នុងស្ទូឌីយោថតសំឡេងនៅសហរដ្ឋអាមេរិក ដើម្បីថតសំឡេងដាក់ក្នុងភាពយន្តដែលត្រៀមដាក់បញ្ចាំងក្នុងកម្មវិធី Netflix ដ៏ល្បីថែមទៀតផង។

រាជិនីសំឡេងរូបនេះ បានបង្ហោះរូបភាពប៉ុន្មានសន្លឹកលើបណ្ដាញសង្គមផ្លូវការរបស់នាង និងបានអរគុណទៅដល់ក្រុមការងារទាំងអស់ ដែលបានធ្វើឲ្យនាងមានឱកាសមកដល់ទីនេះ។ តារាចម្រៀងស្រីដែលមិនស្រកស្រុតប្រជាប្រិយភាព មាស សុខសោភា បានសរសេររៀបរាប់នៅលើហ្វេសប៊ុកថា “បទពិសោធន៏នៃការថតបទចំរៀងថ្មីរបស់នាងខ្ញុំនៅក្នុងស្ទីឌីយោនៅសហរដ្ធអាមេរិចដែលត្រៀមដាក់បញ្ចូលក្នុងសាច់រឿងភាពយន្តខ្នាតធំឆាប់ៗនេះThank you Mr.Tom,Daron and Rada #studio #Netflix #cambodianfilm #film”។
ម្ចាស់បទ «ម្នាក់ឯងមិនស្លាប់» រូបនេះបានចូលទៅថតសំឡេងនៅក្នុងស្ទូឌីយោ Disher Sound ផ្ដោតសំខាន់លើ VO/ADR ក្នុងការរចនាសំឡេង និង ជាស្ទូឌីយោបញ្ចូលសំឡេងដែលមានឯកទេសខាងភាពយន្ត ទូរទស្សន៍ ពាណិជ្ជកម្ម ហ្គេម និង VR។ Disher Sound មានមូលដ្ឋាននៅ San Francisco រដ្ឋ California សហរដ្ឋអាមេរិក ក្នុងការបញ្ចូលសំនៀងទៅក្នុងបទចម្រៀងសម្រាប់ភាពយន្តខ្នាតធំ នឹងមានដាក់បញ្ចាំងឲ្យទស្សនានៅក្នុង Netflix។
អ្នកនាង មាស សុខសោភា ទើបតែទម្លាក់រូបភាពមួយចំនួនប៉ុណ្ណោះ មិនទាន់បង្ហើបពីរឿងអ្វីឲ្យពិតប្រាកដឡើយ តែអ្នកគាំទ្រ និងមហាជនជាច្រើនទៀតបានទន្ទឹងរង់ចាំយ៉ាងអន្ទះសាក្នុងស្នាដៃថ្មីរបស់តារាស្រីរូបនោះ៕




រូបភាព៖ Meas Soksophea























Account
Security
Favourite Content