កាលពីល្ងាចថ្ងៃ ២១ ខែវិច្ឆិកា ម្សិលមិញ ពេលទៅទទួលបវរកញ្ញាចក្រវាលកម្ពុជាអ្នកនាង ប្រាសាទ ដាវីន ដែលបំពេញភារកិច្ចចប់នៅឆាក Miss Universe 2024 មានសិល្បកររួមអាជីព និងហ្វេនជាច្រើនកកកុញពេញព្រលានយន្តហោះអន្តរជាតិភ្នំពេញ ហើយក្នុងនោះតារាស្រី សុគា គឹមលាង ហៅ Kon Ant ក៏បានទៅទទួលរៀមច្បងដោយក្ដីអំណរដែរ។ គ្រាន់តែទទួលរៀមច្បងចប់ Kon Ant ក៏ប្រកាសដំណឹងល្អមួយភ្លាម។



នាដការូបនេះ បានបង្ហោះក្រោយទៅទទួល Miss Universe Cambodia ប្រាសាទ ដាវីន ថា «រាល់ការប្រឹងប្រែងខិតខំ និងបទពិសោធន៍របស់ខ្ញុំ នឹងធ្វើឲ្យ Universe ទទួលស្គាល់កូនខ្មែរកាន់តែច្បាស់ថា ប្រទេសតូចតែបេះដូងធំ គឺ Kon Ant Cambodia»។ Status នោះបានធ្វើឲ្យបំណងអ្នកគាំទ្រជាច្រើនដែលតែងតែចង់ឲ្យអ្នករាំរបាំដ៏ល្បីរូបនេះ ចូលប្រកួតក្នុងវិស័យបវរកញ្ញាពិតជាដូចបំណងហើយ។
អ្នកគាំទ្រយល់ឃើញថា ធីតាឯកសង្ក្រាន្ត ២០១៨ គួរតែប្រឡូកវិស័យបវរកញ្ញា ព្រោះនាងមានទាំងចំណេះដឹង រូបសម្បត្តិ ទេពកោសល្យសិល្បៈ ការងារសង្គម ព្រមទាំងសមត្ថភាពទំនាក់ទំនងដែលនរណាក៏ស្រលាញ់ចូលចិត្តកញ្ញា នៅពេលបានក្បែរ។ ចំណុចកាន់តែពិសេសមួយទៀតរបស់ គីមលាង គឺការរៀបចំខ្លួន មិនថាបែបបុរាណ ឬសម័យ គឺស្រស់ស្អាតគ្រប់ពេល។



កាលពីអំឡុងឆ្នាំ ២០២៣ សុខគា គីមលាង ធ្លាប់ឲ្យតម្រុយនៃការចូលរួមប្រកួតបវរកញ្ញារួចម្ដងមកហើយ តែក៏មិនបានដាក់ពាក្យកម្មវិធីប្រកួតប្រជែងសម្រស់ណាមួយវិញ ក៏ព្រោះមូលហេតុផ្ទាល់ខ្លួនមួយចំនួន។ ដោយកាលណោះ នាងលើកឡើងថា នាងពិតជាសូមទោសចំពោះហ្វេនៗដែលតែងតែជំរុញឲ្យនាងចូលប្រកួតបវរកញ្ញា។ មូលហេតុដែលនាងមិនអាចដាក់ពាក្យប្រកួតបវរកញ្ញាបាន គឺដោយសារនាងមានការរវល់ជាមួយមុខជំនួញ និងការងារផ្ទាល់ខ្លួនមួយចំនួនទៀត ជាហេតុធ្វើឲ្យនាងគ្មានពេលវេលាគ្រប់គ្រាន់ក្នុងការចំណាយលើការប្រកួតបវរកញ្ញា។ Kon Ant បានបន្តកាលគ្រានោះថា ទោះមិនបានដាក់ពាក្យប្រកួតក្នុងឆ្នាំនេះ (២០២៣) តែនាដកាដែលរះលើវិស័យសិល្បៈទាំងបុរាណ និងសម័យរូបនេះ ជឿជាក់ថានាងពិតជាអាចធ្វើបាន ព្រោះនាងមានសមត្ថភាពគ្រប់ផ្នែកទាំងអស់ ប៉ុន្តែអ្វីដែលគ្មាន គឺពេលវេលា សម្រាប់ខ្លួនឯងក្នុងប្រឡង។ ម៉្យាង កាលណោះនាងក៏ចង់ឆ្លៀតឱកាសរកចំណូលឲ្យបានច្រើនជាមុនសិន។
ឆ្នាំក្រោយជាឱកាសដែល សុខគា គីមលាង មានពេលគ្រប់គ្រាន់ ហើយនាងក៏បានត្រៀមខ្លួនរួចជាស្រេចដែរហើយ ទើបប្រកាសជាសាធារណៈចូលរួមប្រកួត Miss Universe Cambodia បែបនេះ។ អ្នកគាំទ្រ និងមិត្តរួមអាជីពឯណោះ ពិតជារំភើបនិងដំណឹងល្អនេះ ហើយនាំគ្នាផ្ដល់កម្លាំងចិត្តឲ្យអនាគតបេក្ខភាព Miss Universe Cambodia 2025 ព្រៀងព្រាត៕



រូបភាព៖ Kon Ant























Account
Security
Favourite Content