តារាសម្ដែងស្រីថៃ Kitty Chicha ដែលជាតួស្រីក្នុងរឿងភាគល្បី “Girl From Nowhere” បានធ្វើឲ្យអ្នកគាំទ្រជាច្រើនមានការព្រួយបារម្ភយ៉ាងខ្លាំង ក្រោយរូបរាងរបស់នាងប្រែប្រួល ស្គមមើលសឹងតែមិនចង់ស្គាល់។

ថ្មីៗនេះតារាស្រីវ័យ ៣០ ឆ្នាំរូបនេះបានចូលកម្មវិធីទទួលពានរង្វាន់ Starsaiff និងបានបង្ហោះរូបជាច្រើនសន្លឹក ដើម្បីជាការថ្លែងអំណរគុណដល់កម្មវិធី និងអ្នកគាំទ្ររបស់ខ្លួន។ ប៉ុន្ដែអ្វីដែលធ្វើឲ្យអ្នកគាំទ្ររបស់នាងហាក់មានការព្រួយបារម្ភខ្លាំងនោះគឺរូបរាងរបស់នាងហាក់ស្គមខុសធម្មតា រហូតដល់ធ្វើឲ្យក្លាយជាប្រធានបទត្រូវគេលើកយកមកពិភាក្សាពេញបណ្ដាញសង្គម។



អ្នកគាំទ្ររបស់ Kitty Chicha បានលើកឡើងថា នាងជាប្រភេទមនុស្សដែលមានរាងស្គមតូចតាំងតែពីដើម ប៉ុន្ដែមួយរយៈពេលចុងក្រោយនេះរូបនាងកាន់តែស្គមខុសធម្មតាជាហេតុធ្វើឲ្យអ្នកគាំទ្រអត់ទ្រាំមិនបារម្ភចំពោះសុខភាពរបស់នាងមិនបាន។ តែទោះជាយ៉ាងណា ក៏មានក្រុមអ្នកគាំទ្រនាងមួយចំនួនទៀតលើកឡើងថា ការសម្រកគីឡូបន្ថែមគឺដើម្បីថតរឿងថ្មីប៉ុណ្ណោះ សុខភាពរបស់នាងគឺមិនមានបញ្ហាទេ។




តារាសម្ដែងស្រីថៃ Kitty Chicha ចាប់ផ្ដើមអាជីពជាអ្នកសិល្បៈតាំងពីឆ្នាំ ២០១៣ មកម្ល៉េះ ប៉ុន្ដែរូបនាងទើបទទួលការគាំទ្រយ៉ាងច្រើន និងមានភាពល្បីល្បាញខ្លាំងក្រោយបង្ហាញមុខក្នុងរឿង “Girl From Nowhere” ក្នុងឆ្នាំ ២០១៨។ កេរ្ដិ៍ឈ្មោះរបស់នាងក៏ចាប់ផ្ដើមរីកសាយបន្ដបន្ទាប់ក្រោយរឿងនេះបញ្ចេញរដូវកាលទី ២ ក្នុងឆ្នាំ ២០២១ ខណៈរដូវកាលទី៣ ត្រូវរំពឹងថានឹងអាចចេញនៅឆ្នាំ ២០២៤ ខាងមុខ៕
























Account
Security
Favourite Content