ប៉ុន្មាន​ម៉ោង​មុន​នេះ តារា​ស្រី​ពហុ​ជំនាញ​អ្នកនាង ខាត់ សុឃីម ស្រាប់តែ​បង្ហោះ​សារ​លើ​គណនី​ហ្វេសប៊ុក​ផ្ទាល់​ខ្លួន ដែល​ជា​ការ​ជូន​ដំណឹង​ទៅ​ដល់​នារី​ក្មេង​ៗ​ ដើម្បី​កុំឲ្យ​ទទួល​ផ្កា​ពី​កូន​ប្រុស​ច្បង​របស់​ខ្លួន នា​ថ្ងៃ ១៤ កុម្ភៈ ដែល​ជា​ទិវា​នៃ​ក្ដី​ស្រលាញ់។

អ្នកនាង ខាត់ សុឃីម បាន​បង្ហោះ status ថា «ក្មួយៗ! កុំយកផ្កា​កាក​ៗ​របស់​កូន​មីង គ្មាន​តម្លៃ​ទេ ក្មួយ ចាំ​យក​ផ្កា​ស្លា​របស់​មីង​វិញ»។ មួយ​ឃ្លា​ខ្លី តែ​មាន​ន័យ​គ្រប់គ្រាន់​សម្រាប់​តម្រង់ទិស​ក្មេង​ៗ​ជំនាន់​ក្រោយ​នេះ ធ្វើឲ្យ​មហាជន​ពេញ​ចិត្ត​ស្ដូក និង​គាំទ្រ​ការ​លើក​ឡើង​របស់​តារា​ស្រី​ដែល​មាន​សមត្ថភាព​គ្រប់​ផ្នែក​នៃ​សិល្បៈ។

ត្បិត​តែ​មើល​ទៅ​ដូចជា​ការ​កំប្លែង​លេង​ក៏​ពិត​មែន តែការ​លើកឡើងរបស់​​ម្ចាស់​បទ «កម្សត់​បង​អើយ» ​ជា​សារ​ដាស់​តឿន​មួយ កុំឲ្យ​ក្មេង​ៗ​យល់ និង​ប្រព្រឹត្ត​ខុស​នា Valentine’s Day។ ទោះ​ជានិយាយ​ពី​កូន​ប្រុស​ខ្លួន​ក៏​ពិតមែន តែ​ក៏​ជា​ការ​ក្រើន​រំលឹក​ដល់​ក្មេង​ៗ​គ្រប់​រូប​ផង​ដែរ ឲ្យចេះ​ដឹង​ និង​យល់​ពី​តម្លៃ​ខ្លួនឯង ព្រម​ទាំង​ការពារ​ប្រពៃណី​ខ្មែរ​ដ៏​ផូរផង់​ផង​ដែរ។

អ្នក​លេង​បណ្ដាញ​សង្គម​បាន​នាំគ្នា share បន្ត​ status ល្អ​របស់ អ្នកនាង​ដែល​ជា​ការ​តាស់តឿន​កុំឲ្យ​នារី​វ័យ​ក្មេង ឈ្លក់វង្វេង​ត្រឹម​ផ្កា​មួយ​ទង ឬ​មួយ​បាច់ ហើយ​ធ្វើ​អ្វី​មិន​គប្បី​​ថ្ងៃ ១៤ កុម្ភៈ​ខាង​មុខ​នេះ។ តារា​ចម្រៀង​ស្រី​ល្បី​ដោយសារ​ទេពកោសល្យ​សម្បូរ​បែប​រូប​នេះ តែង​ផ្ដល់​ដំបូន្មាន​ល្អ​ៗ​ដល់​យុវជន​ជំនាន់​ក្រោយ ឲ្យ​ចៀសវាង​អ្វី​មិន​ល្អ និង​បង្ក​ភាព​សោកសៅ​ទៅ​ថ្ងៃ​ក្រោយ។

Skyz ដែលជា​កូន​ប្រុស​វ័យពេញ​កំលោះ​ឯណោះ​វិញ ក៏​បាន share បន្ត​ពី​អ្នក​នាង ខាត់ សុឃីម ផង​ដែរ ដោយ​មាន​ជា​ការ​ឆ្លើយឆ្លង cmt លេង​សើច​បង្អាប់​គ្នា​រវាង​គ្រួសារ​អ្នកនាង ស្វាមី ព្រម​ទាំង​កូន​ប្រុស​ច្បង​វ័យ​ជិត​២០ ឆ្នាំ​រូប​នេះ​ផង​ដែរ៕

រូបភាព៖ khat Sokhim