ដ្បិតថា ជូលី បានបញ្ចប់ការសិក្សាថ្នាក់ទី១២ របស់សាលាអន្តរជាតិមួយក្នុងស្រុកហើយក្ដី កូនស្រីតារាសម្ដែងជើងចាស់អ្នកនាង ចន ច័ន្ទលក្ខិណា កំពុងត្រៀមខ្លួនប្រឡងយកសញ្ញាប័ត្របាក់ឌុបមួយទៀតដែលការប្រឡងធ្វើឡើងនៅថ្ងៃស្អែកនេះហើយ។

ក្នុងនាមជាម្ដាយអ្នកនាង ចន ច័ន្ទលក្ខិណា បានសរសេរសារលើកទឹកចិត្តកូនស្រី និងបានជូនពរនាងឱ្យទទួលបានពិន្ទុល្អនៅក្នុងការប្រឡងស្អែកនេះ។ នៅក្នុងសារតារាសម្ដែង ចន ច័ន្ទលក្ខិណា បានរៀបរាប់បន្ថែមថាការពិតកូនស្រីអ្នកនាងបានជាប់បាក់ឌុបសាលាអន្តរជាតិហើយតែនាងចង់ប្រឡងយកសញ្ញាប័ត្រខ្មែរ ពិតណាស់គឺនាងចង់ប្រឡងយកបទពិសោធន៍។
តាមរយៈសារបង្ហោះនេះដែរបណ្ដាអ្នកប្រើប្រាស់បណ្ដាញសង្គមជាច្រើនបានចូលទៅខមិនលើកទឹកចិត្តនិងជូនពរកូនស្រីអ្នកនាង ចន ច័ន្ទលក្ខិណា ឱ្យទទួលបានលទ្ធផលល្អក្នុងការប្រឡងបាក់ឌុបនាស្អែកនេះ។ ពិតណាស់ការប្រឡងសញ្ញាប័ត្រមធ្យមសិក្សាទុតិយភូមិធ្វើឡើងក្នុងរយៈពេល ២ ថ្ងៃ គឺថ្ងៃ ២៨ និង ២៩ ខែសីហា ឆ្នាំ ២០២៥។






គួរឱ្យដឹងដែរថា នី ហង្សាជូលី គឺជាកូនស្រីរបស់អ្នកនាង ចន ច័ន្ទលក្ខិណា និងអតីតស្វាមីលោក យុត្ថារ៉ា ឆានី។ ទោះចែកផ្លូវគ្នាច្រើនឆ្នាំហើយក្ដីតែអ្នកទាំងពីរនៅតែផ្ដល់ភាពកក់ក្ដៅដល់កូនស្រីនិងតែងបង្ហាញវត្តមានរួមគ្នានៅក្នុងកម្មវិធីពិសេសៗរបស់ ជូលី ដូចជាការទទួលសញ្ញាប័ត្របញ្ចប់ការសិក្សាថ្នាក់ទី១២នៅសាលានិងក្នុងពិធីខួបកំណើតជាដើម៕
រូបភាព ៖ FB Chanlakhena Chorn & Yuthara Chhany និង INDRA Production























Account
Security
Favourite Content