ថ្មីៗនេះតារាចម្រៀងស្រី Jeon So Mi បានបង្កើតម៉ាកគ្រឿងសម្អាង GLYF ដែលជាប្រេនផ្ទាល់ខ្លួន ហើយទទួលបានការចាប់អារម្មណ៍យ៉ាងច្រើនពីសំណាក់អ្នកលេងអ៊ីនធឺណេត និងអ្នកគាំទ្ររបស់នាងដោយផលិតផលដំបូងគឺគូល័រហាយឡាយ ឬ Highlighter Pallete។


ប៉ុន្តែក្រោយដាក់លក់មិនបានប៉ុន្មាន នាងក៏បានប្រឈមមុខនឹងការរិះគន់យ៉ាងចាស់ដៃនៅពេលដែលគេបានឃើញពីតម្លៃនៃផលិតផលដំបូងរបស់នាងមានតម្លៃថ្លៃលើសពីការរំពឹងទុក។ ចំពោះគូល័រហាយឡាយមួយប្រអប់នេះគឺមានតម្លៃដល់ទៅ ៤៣ ០០០ វ៉ុន ឬប្រហាក់ប្រហែល ៣២ ដុល្លារអាមេរិក។
ទន្ទឹមនឹងនេះ មនុស្សជាច្រើនបានលើកឡើងថាប្រសិនបើពួកគេចំណាយលុយជាង ៣០ ដុល្លារអាមេរិកទៅទិញគ្រឿងសម្អាងដែលជាប្រេនរបស់ម្ចាស់បទ Dumb Dumb រូបនេះ ពួកគេនឹងពិចារណាបន្ថែមប្រាក់តែបន្តិចដើម្បីទៅទិញផលិតផលគ្រឿងសម្អាងម៉ាកប្រណិតផ្សេងទៀតដូចជា Dior ឬ Chanel ជាដើមវិញ។

បន្ទាប់ពីទទួលបានការរិះគន់យ៉ាងសន្ធឹកសន្ធាប់មក តារាចម្រៀងស្រី Jeon So Mi បានសម្រេចចិត្តបញ្ចុះតម្លៃមកត្រឹម ៣៤ ៤០០ វ៉ុន ឬប្រហាក់ប្រហែល ២៥ ដុល្លារអាមេរិកវិញ។ ក្រោយពីប្រកាសដំណឹងចុះថ្លៃផលិតផលរបស់នាងហើយ មានអ្នកលេងអ៊ីនធឺណេតនៅកូរ៉េជាច្រើនបានបញ្ចេញមតិផ្សេងៗគ្នាមានទាំងល្អ និងអាក្រក់ដោយអ្នកខ្លះបាននិយាយលើកទឹកចិត្ត ចំណែកអ្នកផ្សេងទៀតក៏គិតថានេះគឺសុទ្ធសឹងតែជាចំណុចគួរកែលម្អ ៕























Account
Security
Favourite Content