ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
សុខភាពផ្លូវចិត្ដជារឿងសំខាន់មួយដែលមនុស្សគ្រប់គ្នាមិនគួរមើលរំលង និងចាំបាច់ត្រូវយកចិត្ដទុកដាក់ថែរក្សា។ សុខភាពផ្លូវចិត្ដល្អ និងរឹងមាំ អាចធ្វើឲ្យអ្នកមានជំនឿចិត្ដក្នុងការធ្វើរឿងជាច្រើន។ ថ្មីៗ នេះ ក្នុងបទសម្ភាសន៍ជាមួយទស្សនាវដ្ដី Maire Claire តួស្រីក្នុងរឿង Itaewon Class គឺ Kim DaMi បានបង្ហើបប្រាប់ពីចំណុច ៣ យ៉ាងដែលធ្វើឲ្យសុខភាពផ្លូវចិត្ដរបស់នាងមានភាពល្អប្រសើរបើទោះជានាងស្ថិតក្នុងស្ថានភាពស្ដ្រេស ឬជួបបញ្ហាច្រើន។
១.ការគេង និងសម្រាកឲ្យបានគ្រប់គ្រាន់
តារាស្រីរូបនេះបានលើកឡើងថា ការគេងមិនគ្រប់គ្រាន់ ឬមិនបានសម្រាក កាន់តែធ្វើឲ្យយើងមានសម្ពាធខ្លាំងថែមមួយកម្រិតទៀត និងធ្វើឲ្យស្ថានភាពផ្លូវចិត្ដកាន់តែចុះខ្សោយ។ ការសម្រាកបានគ្រប់គ្រាន់ អាចធ្វើឲ្យរាងកាយ និងចិត្ដដែលហត់នឿយរបស់យើងវិលត្រឡប់មកស្ថានភាពប្រសើរជាងមុន។
២.ការចំណាយពេលនៅជាមួយខ្លួនឯង
មនុស្សសព្វថ្ងៃគឺមានការប្រាស្រ័យទាក់ទងគ្នាដើម្បី សិក្សា ធ្វើការ ឬផ្សេងៗទៀត។ ពេលខ្លះការជួបមនុស្សច្រើន ក្នុងស្ថានភាពខុសៗគ្នា អាចជះឥទ្ធិពលមកលើរូបយើង។ ពេលខ្លះអ្នកទទួលរងសម្ពាធពីជុំវិញ ដូច្នេះគួរតែចំណាយពេលនៅជាមួយខ្លួនឯងខ្លះ ក្នុងការគិតពិចារណារឿងផ្សេងៗ។ អ្នកគួរដឹងពីអ្វីដែលខ្លួនស្រឡាញ់ចូលចិត្ដ និងចង់ធ្វើ ហើយផ្ដោតលើវា។ ដកឃ្លាចេញពីអ្នកជុំវិញខ្លះក៏ជារឿងល្អមួយ។ ពេលខ្លះអ្នកមិនបានយកចិត្ដទុកដាក់លើខ្លួនឯង ដោយសារតែរវល់ផ្ដោតលើអ្វីៗនៅជុំវិញ។
៣.ការស្ដាប់ចម្រៀង
ការស្ដាប់ចម្រៀងជាផ្នែកមួយធ្វើឲ្យអ្នកមានអារម្មណ៍ធូរស្រាល។ ការស្ដាប់ចម្រៀងជួយនាងច្រើនក្នុងការកាត់បន្ថយស្ដ្រេស និងមិនសូវគិតរវើរវាយច្រើន ផ្ទុយទៅវិញធ្វើឲ្យយើងកាន់តែយល់ដឹងស្គាល់ពីអត្ថន័យ។ ចម្រៀង ពិតជាអាចធ្វើឲ្យអ្នកភ្លេចពីរឿងមិនសប្បាយចិត្ដជាច្រើន ដូច្នេះសាកល្បងស្វែងរកប្រភេទចម្រៀង ឬតន្ដ្រីដែលអ្នកស្រឡាញ់ចូលចិត្ដហើយសាកល្បងស្ដាប់វា ៕
ចុះប្រិយមិត្ដយល់យ៉ាងណាដែរ?
Account
Security
Favourite Content