ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
ដូចប្រិយមិត្តបានជ្រាបហើយថា ព្រះកាយច័ន្ទ ជាតារាសម្តែងល្បីឈ្មោះម្នាក់ដែលវិវត្តន៍ខ្លួនចេញពីនាដការីរបាំបុរាណ។ ច្រើនឆ្នាំមកនេះ នាងបានចូលរួមសម្តែងរឿងភាគខ្មែរជាច្រើន ធ្វើឱ្យនាងមានឈ្មោះបោះសំឡេងក្នុងរង្វង់សិល្បៈខ្មែររហូតដល់សព្វថ្ងៃ។ ប៉ុន្តែប៉ុន្មានឆ្នាំចុងក្រោយនេះ ព្រះកាយច័ន្ទ មើលទៅហាក់ស្ងប់ស្ងាត់ការងារសិល្បៈជាងមុន ដោយនាងមិនសូវមានការងារសិល្បៈណែនដៃដូចមុនទេ បន្ទាប់ពីនាងបើក ព្រះកាយច័ន្ទ ក្លឹប ទទួលបង្រៀនកុមារលើជំនាញរាំរបាំបុរាណ ថ្នាក់រៀនដើរម៉ូដ និងកែដំណើរ ថ្នាក់រាំ K-pop Class ថ្នាក់សម្តែង និងថា្នក់ចម្រៀងជាដើម។
ក្រោយមើលឃើញថា តារាស្រីរូបនេះរៀងស្ងាត់ការងារសិល្បៈជាងមុន ហ្វេនៗអ្នកគាំទ្រនាងស្រាប់តែចេញមកបង្ហោះសារដ៏វែងអន្លាយ រៀបរាប់ពីទំហំចិត្ត និងការខិតខំប្រឹងប្រែងបង្ហាត់បង្រៀនក្មេងៗជំនាន់ក្រោយដោយមិនខ្លាចហត់នឿយ នៅឡើយតែត្រូវរងការរិះគន់ពីបុគ្គលមួយចំនួនទៀត។
ទំព័រហ្វេសប៊ុកផ្លូវការ PreshKay Chan fans ជាក្រុមអ្នកគាំទ្រតារាស្រី ព្រះកាយច័ន្ទ បានរៀបរាប់ថា «បងច័ន្ទអេីយ បងល្អពេកហេីយ ការងារសិល្បៈខ្លួនឯងឡេីងស្ងាត់ មិនផ្ទុះដូចគេ មិនឡូយឆាយដូចគេ តែបែជាយកពេលមកជួយក្មេងជំនាន់ក្រោយទៅវិញទទួលស្គាល់ថាការបង្ហាត់នេះបង់លុយមែន តែសួរថាគាត់អាចក្លាយជាសេដ្ឋីទេ?
អ្នកខ្លះនិយាយថាបេីមិនគិតពីប្រយោជន៍ផ្ទាល់ខ្លួន តេីហាត់បង់លុយធ្វេីអី? មិនបង្ហាត់ក្មេង free ទៅ? ចម្លេីយងាយៗ គាត់ហាត់រៀនខាងសិល្បៈរាប់ឆ្នាំ ប្រុងឱ្យគាត់ទៅលក់ពេជ្រហ៎ រៀនជំនាញអី ធ្វេីការងារជំនាញហ្នឹង យល់?
ព្រោះវាជាញេីសឈាមគាត់។ គាត់មានឈាមជាអ្នកសិល្បៈ។ គាត់ធំធាត់ឡេីងក្នុងត្រកូលជាអ្នកសិល្បៈ រកចំណូលចំអែតក្រពះដោយសារសិល្បៈ(ជីដូនអ្នកល្ខោនហ្លួង, ឪពុកអ្នកល្ខោនបាសាក់, បងប្រុសអ្នករបាំប្រពៃណី, ខ្លួនឯងជាតារាសម្តែង វិវត្តចេញពីនាដការិនី) ដូច្នេះគាត់មានសិទ្ធិក្នុងការប្រេីប្រាស់សិល្បៈមកបង្កេីតជាអាជីព ព្រោះវាសុទ្ធតែជាជំនាញដែលចេញពីសាលាសិល្បៈស្រុកខ្មែរ ហេីយមានឈ្មោះថាសិល្បករអាជីព។ តែទោះសព្វថ្ងៃបងមិនល្បីខ្ទរខ្ទារយ៉ាងណា មិនចេះអែបអបគេ មិនចេះទ្រគេយ៉ាងណា ក៏បងព្រះកាយច័ន្ទនៅតែមានក្តីសុខព្រោះគាត់បាននឹងកំពុងបំពេញកាតព្វកិច្ចជាសិល្បការនីខ្មែរដ៏ល្អមួយរូប ទោះមហាជនអ្នកគាំទ្រតារាខ្មែរមួយចំនួនធំឥលូវមិនដែលយកភ្នែកមេីល តែបងជាគ្រាប់ពេជ្រក្នុងកែវភ្នែកយាយតា អ៊ុំពូមីង បងប្អូនដែលជាអ្នកមានបេះដូងស្រឡាញ់គាំទ្រវិស័យសិល្បៈខ្មែរពិតប្រាកដ។ កុំស្រឡាញ់នរណាម្នាក់ដោយសារតែឃេីញគេមានធនធាន ឆេីតឆាយ កុំរំលងនរណាម្នាក់ទាំងដែលគេមានចិត្តស្មោះ។ កុំចាំបាច់ទាល់តែមានលុយរាប់លាន ទេីបអាចថែសិល្បៈដូនតាខ្មែរបាន។ កុំចាំបាច់ទាល់ឡូយឆាយ បានពាក់ម្កុដ ជាន់ឆាកអន្តរជាតិទេីបមានតួនាទីជាអ្នកនាំសិល្បៈឱ្យគេស្គាល់ មិនចាំបាច់ប្រឹងនាំសិល្បៈខ្មែរទៅស្រុកក្រៅឱ្យបរទេសស្គាល់ទេ ព្រោះសព្វថ្ងៃបរទេសគេកំពុងសិក្សាពីប្រទេសយេីងណាស់ ប្រវត្តិសាស្ត្រដឹងជាងម្ចាស់ប្រទេសទៀត ងាកមកមេីលក្នុងស្រុកឯងវិញផងម្ចាស់ដេីមស្គាល់អ្វីដែលជារបស់ខ្លួនឯងអស់ឬនៅ? បានធ្វេីអ្វីខ្លះសម្រាប់សហគមន៍ខ្លួនឯង សង្គមជាតិខ្លួនឯង? បានធ្វេីអ្វីខ្លះដេីម្បីសិល្បៈរបស់ជាតិខ្លួនឯង? បេីខ្លួនធ្លាក់ខ្លួនក្រ លែងល្បី មិនមានឥទ្ធិពល តេីអាចនៅបន្តថែសិល្បៈហ្នឹងតទៅទៀតបានទេ? #ព្រះកាយច័ន្ទ a very simple artist, but she is my super star»។
ពេលឃើញសារលើកទឹកចិត្តដ៏មានអត្ថន័យនេះ កូនស្រីដែលមានឪពុកជាអ្នកល្ខោនបាសាក់ បានបង្ហាញអារម្មណ៍រំភើបពន់ពេក និងបានចែករំលែកសំណេរនោះ ភ្ជាប់ជាមួយ Caption ថា « Thank you so much admin You made me cry»។
សូមជម្រាបថា ឆាប់ៗនេះប្រិយមិត្តទស្សនិកជន នឹងបានទស្សនាស្នាដៃរឿងភាគថ្មីមួយ ដែលតារាស្រី ព្រះកាយច័ន្ទ ចូលរួមសម្តែង ចំណងជើង «ស្នេហា Cover» ជាស្នាដៃតែងនិពន្ធរបស់ អ្នកស្រី ពាន់ ភួងបុប្ផា អ្នកនិពន្ធជើងចាស់ដ៏ល្បីល្បាញ លើកញ្ចក់ទូរទស្សន៍ភីអិនអិន។
ក្រឡេកទៅមើលការបង្ហាត់បង្រៀនកូនសិស្សវិញ អ្នកគ្រូ ព្រះកាយច័ន្ធ ពិតជាបំពេញតួនាទីបានយ៉ាងល្អ ដោយបានបង្រៀនកូនសិស្សចេះចំណេះជំនាញសិល្បៈផ្សេងៗ។ កន្លងមក កូនសិស្សក្រោមការបង្ហាត់បង្រៀនរបស់ ព្រះកាយច័ន្ទ ធ្លាប់ត្រូវផលិតករក្នុងស្រុកជ្រើសរើសឱ្យសម្តែងក្នុងភាពយន្តជាច្រើនហូរហែរ រីឯខ្លះទៀតក៏បានចូលរួមប្រកួតបវរកញ្ញា ហើយបានជាប់លទ្ធផលល្អថែមទៀតផង ទើបធ្វើឱ្យអ្នកគ្រូស្រីរូបនេះមានទឹកចិត្តបង្រៀនពួកគេពេញទំហឹង ទោះខ្លួនឯងមិនសូវមានការងារសិល្បៈច្រើនដូចមុនក៏ដោយ៕
Account
Security
Favourite Content