ក្រោយធ្វើពហិការមិនចូលរួមប្រកួតក្នុងកម្មវិធី Miss Planet International 2024 ពេលនេះកញ្ញា ដេត ស្រីនាឌ បានប្រកាសគោលជំហរយ៉ាងមុតមាំ ក្នុងការចូលប្រឡូកក្នុងវិស័យបវរកញ្ញាជាថ្មីម្ដងទៀតនាឆ្នាំថ្មី ២០២៥ នេះ។

កាលពីថ្ងៃទី៣១ ខែ ធ្នូ ឆ្នាំ ២០២៤ កន្លងទៅ ដេត ស្រីនាឌ បានបង្ហោះសារមួយ ដែលបង្ហាញពីឆន្ទៈរបស់នាងក្នុងការចូលប្រឡូកក្នុងវិស័យបវរកញ្ញាម្ដងទៀត។ កញ្ញាបានរៀបរាប់យ៉ាងច្បាស់ៗ ថា «ក្នុងឆ្នាំ២០២៥នាងខ្ញុំនឹងជ្រើសរើសការបង្ហាញឆន្ទៈរបស់ខ្ញុំចំពោះវិស័យបវរកញ្ញាក្នុងកម្មវិធី MISS ណាមួយដើម្បីចូលប្រកួត»។ មិនតែប៉ុណ្ណោះ កញ្ញាក៏បានសុំឱកាស និងការយោគយល់ពីសំណាក់បងប្អូនមហាជន ដើម្បីឱ្យនាងបានបង្ហាញឆន្ទៈ និងគោលដៅរបស់ខ្លួនថែមទៀតផង។ បន្ថែមពីលើសំណេរមួយនេះ ស្រីនាឌ បានបន្ថែមទៀតថា «ខ្ញុំដួលនៅត្រង់ណា ខ្ញុំនឹងខំប្រឹកក្រោកឈរនៅកន្លែងនោះ»។




រំលឹកកាលពីប៉ុន្មានខែមុន ដេត ស្រីនាឌ បានធ្វើពហិការមិនចូលរួមប្រកួតក្នុងកម្មវិធី Miss Planet International 2024 ខណៈដែលកម្ពុជាធ្វើជាម្ចាស់ផ្ទះដោយផ្ទាល់ ហើយការសម្រេចចិត្តភ្លាមៗមួយនេះបានធ្វើឱ្យមហាជនស្ទើរទូទាំងប្រទេសបង្ហាញការខកចិត្តចំពោះកញ្ញាយ៉ាងខ្លាំង។
យ៉ាងណាមិញ ចំពោះការប្រកាសចូលប្រឡូកក្នុងវិស័យបវរកញ្ញាម្ដងទៀតនេះដែរហាក់មិនសូវទទួលបានការគាំទ្រ ថែមទាំងទទួលបានខមិនប្រតិកម្មយ៉ាងច្រើនទៀតផង។ មិនតែប៉ុណ្ណោះហ្វេន Page ជាច្រើនក៏មិនគាំទ្រនូវការសម្រេចចិត្តវិលត្រឡប់របស់ ដេត ស្រីនាឌ ដូចគ្នា៕
ប្រភពរូបភាព ៖ FB Det Sreyneat























Account
Security
Favourite Content