រឿងរ៉ាវម្ចាស់ពាន The Voice Cambodia រដូវកាលទី១ ប៊ុត សីហា បានធ្វើឲ្យកក្រើកសិល្បៈជាថ្មី ក្រោយត្រូវប៉ូលិសចាប់ខ្លួន ពាក់ព័ន្ធគ្រឿងញៀន ដែលនោះមិនមែនជាលើកទីដំបូងរបស់ម្ចាស់បទ “គ្មានអ្នកណាកែប្រែចិត្តបង ”។

សមត្ថកិច្ចបានធ្វើការឃាត់ខ្លួនតារាចម្រៀងរូបនោះនៅចំណុចភូមិត្រាំខ្នា ឃុំស្នំក្រពើ ស្រុកគងពិសី ខេត្តកំពង់ស្ពឺ។ ក្នុងប្រតិបត្តិការនោះដែរប៉ូលិសក៏បានធ្វើការឃាត់ខ្លួនបក្ខពួក ប៊ុត សីហា ម្នាក់ទៀតដែរ។
គួរបញ្ជាក់ផងដែរកាលពីថ្ងៃ ២១ ខែកុម្ភៈ ឆ្នាំ ២០១៨ អតីតតារាចម្រៀងរបស់ផលិតកម្មហង្សមាសរូបនោះ ក៏ត្រូវបានសមត្ថកិច្ចធ្វើការឃាត់ខ្លួនម្ដងរួចមកហើយ ពាក់ព័ន្ធករណីប្រើប្រាស់គ្រឿងញៀន។ តែកាលនោះ ប៊ុត សីហា ត្រូវសមត្ថកិច្ចឃាត់ខ្លួនបាននៅទីតាំងមុខសាលាបឋមសិក្សាពងទឹក សង្កាត់ពងទឹក ខណ្ឌដង្កោ រាជធានីភ្នំពេញ។ ក្រោយស្ងប់ស្ងាត់មួយរយៈលោកក៏ត្រូវបានគេផ្ដល់ឱកាសឲ្យមានការងារធ្វើជាហូរហែ តែបានត្រឹមមួយឆាវ ក៏ត្រូវជួបរឿងដដែលៗនេះទៀត។


មិនត្រឹមតែរឿងអាស្រូវគ្រឿងញៀននេះឡើយ កាលពីប៉ុន្មានខែមួយ ប៊ុត សីហា ក៏ផ្ទុះព័ត៌មានជំពាក់ប្រាក់គេមិនសងដែរ រហូតខាងដើមចោទបង្ហោះរូបពេញបណ្ដាញសង្គម៕























Account
Security
Favourite Content