កាលពីថ្ងៃទី ២០ ខែ ធ្នូ ឆ្នាំ ២០២៣ ផលិតកម្ម YG បានសម្រេចប្រកាសពីការបញ្ចប់កុងត្រា និងការចាកចេញរបស់តារាខេប៉ុបដ៏ល្បី G-Dragon។

ការប្រកាសនេះធ្វើឡើងក្រោយ លេចពាក្យចចាមអារ៉ាមជាច្រើនជុំវិញករណីតារាប្រុសរូបនេះចាកចេញពីផលិតកម្ម YG និងត្រៀមខ្លួនចូលទ្រំថ្មីឆាប់ៗ។ ជាមួយគ្នាដែរ ផលិតកម្ម YG បានលើកឡើងទាក់ទងនឹងការចាកចេញរបស់ G-Dragon ថា៖ “នេះគឺជាផលិតកម្ម YG Entertainment។ G-Dragon គឺជាអ្នកតំណាងម្នាក់ក្នុងចំណោមសិល្បកររបស់យើង ហើយគ្រប់ពេលវេលាជាមួយរូបលោកចាប់តាំងពីការបង្ហាញខ្លួនដំបូងជាមួយ BIGBANG ក្នុងឆ្នាំ ២០០៦ វាគឺជាកិត្តិយសមួយ“។

ផលិតកម្ម YG ក៏សូមជូនពរឱ្យ G-Dragon ទទួលបានជោគជ័យក្នុងការចាប់ផ្តើមថ្មីរបស់គាត់។ ដូច្នេះសូមឱ្យអ្នកគាំទ្រមានការលើកទឹកចិត្ត និងគាំទ្រឱ្យបានច្រើន។
គួរបញ្ជាក់ថា ដំណឹងកុងត្រារបស់តារាប្រុស G-Dragon និងផលិតកម្ម YG ផុតកំណត់គឺត្រូវបានផ្សព្វផ្សាយចាប់តាំងពីខែ មិថុនា ឆ្នាំ ២០២៣ ប៉ុន្ដែផលិតកម្ម YG នៅបន្ដលើកឡើងថានឹងបន្ដជ្រោមជ្រែងដល់តារាប្រុស G-Dragon។ ការលើកឡើងដូច្នេះទំនងជាផលិតកម្ម YG និង G-Dragon ស្ថិតក្នុងដំណាក់កាលចចារបន្ដកុងត្រា។ ក្រោយចាកចេញពីផលិតកម្ម YG តារាប្រុស G-Dragon ត្រូវគេរំពឹងថាអាចនឹងចូលរួមសហការជាមួយផលិតកម្ម Galaxy Corporation៕
























Account
Security
Favourite Content