ថ្មីៗនេះអង្គការយូណេស្កូបានប្រកាសថា ខេត្តបាត់ដំបងរបស់ប្រទេសកម្ពុជា បានចូលរួមជាបណ្ដាញទីក្រុងច្នៃប្រឌិតរបស់អង្គការយូណេស្កូ នៅថ្ងៃទី៣១ ខែតុលា ឆ្នាំ ២០២៣ កន្លងទៅម្សិលមិញនេះ។ ។
អង្គការសហប្រជាជាតិប្រចាំកម្ពុជា ក៏បានបង្ហោះសារអបអរសាទរខេត្តបាត់ដំបង ដែលត្រូវបានចូលរួមជាបណ្ដាញទីក្រុងច្នៃប្រឌិតរបស់អង្គការយូណេស្កូផងដែរ។ ការកំណត់របស់គឺថាបាត់ដំបងជាទីក្រុងប្រកបដោយភាពច្នៃប្រឌិតនៃអាហារដ្ឋាន គឺជាសក្ខីភាពមួយចំពោះកិច្ចខិតខំប្រឹងប្រែង និងការប្ដេជ្ញាចិត្តយូរអង្វែងរបស់ខេត្តនេះ ក្នុងការទាញយកវប្បធម៌ និងភាពច្នៃប្រឌិត សម្រាប់ការអភិវឌ្ឍន៍ទីក្រុងប្រកបដោយនិរន្តរភាព។
អង្គការសហប្រជាជាតិប្រចាំកម្ពុជា ក៏បានបង្ហោះសារអបអរសាទរខេត្តបាត់ដំបង ដែលត្រូវបានចូលរួមជាបណ្ដាញទីក្រុងច្នៃប្រឌិតរបស់អង្គការយូណេស្កូផងដែរ។ ការកំណត់របស់គឺថាបាត់ដំបងជាទីក្រុងប្រកបដោយភាពច្នៃប្រឌិតនៃអាហារដ្ឋាន គឺជាសក្ខីភាពមួយចំពោះកិច្ចខិតខំប្រឹងប្រែង និងការប្ដេជ្ញាចិត្តយូរអង្វែងរបស់ខេត្តនេះ ក្នុងការទាញយកវប្បធម៌ និងភាពច្នៃប្រឌិត សម្រាប់ការអភិវឌ្ឍន៍ទីក្រុងប្រកបដោយនិរន្តរភាព។
កាលពីថ្ងៃទិវាទីក្រុងពិភពលោក ទីក្រុង ៥៥ បាន ចូលរួមជាមួយបណ្ដាញទីក្រុងច្នៃប្រឌិតរបស់អង្គការយូណេស្កូ (UCCN) បន្ទាប់ពីមានការចាត់តាំងដោយអគ្គនាយកអង្គការយូណេស្កូ Audrey Azoulay។ ទីក្រុងថ្មីៗរួមទាំងបាត់ដំបងរបស់កម្ពុជា ត្រូវបានទទួលស្គាល់ចំពោះការប្តេជ្ញាចិត្តយ៉ាងមុតមាំរបស់ពួកគេ ក្នុងការទាញយកវប្បធម៌ និងភាពច្នៃប្រឌិតជាផ្នែកនៃយុទ្ធសាស្ត្រអភិវឌ្ឍន៍របស់ពួកគេ និងការបង្ហាញការអនុវត្តប្រកបដោយភាពច្នៃប្រឌិត ក្នុងការរៀបចំផែនការទីក្រុងដែលផ្តោតលើមនុស្ស។
ការដាក់បញ្ចូលខេត្តបាត់ដំបងជាទីក្រុងច្នៃប្រឌិតរបស់អង្គការយូណេស្កូ ក្នុងប្រភេទម្ហូបអាហារបែបសិល្បៈ មិនត្រឹមតែបង្ហាញពីមុខម្ហូបដ៏ពិសេសរបស់ខ្លួនប៉ុណ្ណោះទេ ប៉ុន្តែថែមទាំងមានឥទ្ធិពលលើវិស័យម្ហូបអាហារ ដើម្បីបង្កើនការអភិវឌ្ឍន៍ក្នុងស្រុក និងការផ្លាស់ប្ដូរវប្បធម៌ពិភពលោកថែមទៀតផង។
លោក Sardar Umar Alam តំណាងអង្គការយូណេស្កូបានមានប្រសាសន៍ថា “យូណេស្កូសូមអបអរសាទរដល់កម្ពុជាចំពោះសមិទ្ធផលលើកដំបូងដែលមិនធ្លាប់មាននេះ។ ការទទួលស្គាល់ក្រុងបាត់ដំបងជាទីក្រុងច្នៃប្រឌិតម្ហូបអាហារបែបសិល្បៈនេះ គឺជាការសរសើរដល់ទ្រព្យសម្បត្តិវប្បធម៌របស់ទីក្រុង ហើយនឹងមានសារៈសំខាន់ក្នុងការលើកកម្ពស់វប្បធម៌ និងភាពច្នៃប្រឌិត និងលើកកម្ពស់កំណើនសេដ្ឋកិច្ច ព្រមទាំងប្រាក់ចំណូលទេសចរណ៍របស់សហគមន៍“។
ប្រភពរូបភាព៖ UNESCO
នៅឆ្នាំ ២០២៣ អង្គការយូណេស្កូកម្ពុជាបានផ្ដល់ជំនួយបច្ចេកទេសដល់រាជរដ្ឋាភិបាលកម្ពុជា និងសម្របសម្រួលសកម្មភាពកសាងសមត្ថភាពសម្រាប់ការផ្សព្វផ្សាយបណ្តាញទីក្រុងច្នៃប្រឌិតរបស់អង្គការយូណេស្កូ (UCCN) ដែលរៀបចំដោយសាលាក្រុងបាត់ដំបង រួមជាមួយក្រសួងទេសចរណ៍ និងក្រសួងវប្បធម៌ និងវិចិត្រសិល្បៈ នៅបាត់ដំបង។
មុខម្ហូបក្នុងស្រុក រួមមាន ណែមបាត់ដំបង (ត្រីទន់) ប្រហុកបាត់ដំបង អាម៉ុកបាត់ដំបង ក្រឡាញ់បាត់ដំបង (អង្ករដំណើបក្នុងបំពង់ឬស្សី) សង្វាក់បាត់ដំបង បុកល្ហុងបាត់ដំបង កន្ទុយហេសបាត់ដំបង អង្ករសំរូបបាត់ដំបង ទឹកក្រូចបាត់ដំបង គឺជាអាហារដែលពេញនិយមជាងគេ។ មុខម្ហូបជាបេះដូងនៃជីវិតប្រចាំថ្ងៃរបស់ប្រជាជនក្នុងខេត្តបាត់ដំបង៕
រូបភាពក្រ AKP