BAMBAM ជាសមាជិកក្រុម GOT7 មួយរូបដែលចូលចិត្ដលេងស្ទីលតុបតែងខ្លួនបែបឡូយឆាយ និងតែងលេងស្ទីលថ្មីៗ រាល់ពេលបង្ហាញខ្លួន។ ជាពិសេស តម្លៃសម្លៀកបំពាក់ និងរបស់របរប្រើប្រាស់ផ្សេងៗ របស់ BAMBAM តែងត្រូវគេកត់សម្គាល់ថាមានតម្លៃថ្លៃៗ និងជាម៉ាកប្រេនល្បីៗ ផងដែរ។



ថ្មីៗ នេះ BAMBAM បានបង្ហាញខ្លួនក្នុងកម្មវីធី “My Little Old Boy” ជាមួយតារាប្រុស HeeChul សមាជិកក្រុម Super Junior និងតារាប្រុស Lee SangMin។ បន្ទាប់ពីជជែកកម្សាន្ដគ្នាមួយសន្ទុះ អ្វីដែលធ្វើឲ្យតារាប្រុស Lee SangMin ចាប់អារម្មណ៍ និងអត់ទ្រាំមិនសួរមិនបានគឺនាឡិការបស់ BAMBAM។


លោកបានចោទសួរថា៖ តើនេះជានាឡិកាម៉ាក Swiss មែន ឬទេ? វាពិតជាប្រេនមានតម្លៃថ្លៃ និងពិបាកសូម្បីតែចង់ទិញនៅប្រទេសកូរ៉េ។ ប្រសិនបើចង់ទិញវិញ ក៏ត្រូវហ៊ានឲ្យតម្លៃថ្លៃគុណដល់ទៅ ២ ទៀត ធ្វើឲ្យតម្លៃហក់ដល់ជាង ៣០០ លានវ៉ុន ឬប្រហាក់ប្រហែល ២២៥ ០០០ ដុល្លារអាមេរិក។ ប្រសិនបើចង់បន្ថែមត្បូង ឬពេជ្រ កាន់តែមានតម្លៃថ្លៃកប់ពពក។
BAMBAM បានលើកឡើងថា៖ លោកគឺជាភ្ញៀវ VVIP ពិសេសម្នាក់ លោកអាចទិញនាឡិកានេះ ឬប្រេនផ្សេងទៀតក្នុងតម្លៃបញ្ចុះ ២០ ភាគរយ។ BAMBAM បន្ថែមថា៖ នេះជានាឡិកាដែលលោកបានទិញនៅពេលដែលក្រុម GOT7 បានឈ្នះពានជាលើកដំបូង។


មែនទែនទៅ នេះក៏មិនមែនជានាឡិកាតែមួយរបស់ BAMBAM ដែលមានតម្លៃថ្លៃខ្ទង់រាប់សិបម៉ឺនដុល្លារឡើយ។ កន្លងមក BAMBAM ក៏ធ្លាប់ត្រូវបានឃើញគេប្រទះឃើញពាក់នាឡិកាម៉ាក Richard Mille RM ដែលនាឡិកានេះមានតម្លៃចាប់ពី ២៥ ម៉ឺនដុល្លារ ដល់ ៧០ម៉ឺនដុល្លារអាមេរិក។ BAMBAM ក៏មាននាឡិកាប្រេនថ្លៃៗ ផ្សេងទៀតដូចជា Rolex, Audemars Piguet និង Franck Muller ដែលនាឡិកាទាំងនោះមានតម្លៃចាប់ពី ១ ម៉ឺនដុល្លារដល់ខ្ទង់ជិត ៦ ម៉ឺនដុល្លារអាមេរិក៕























Account
Security
Favourite Content