ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
បន្ទាប់ពីមានការរិះគន់យ៉ាងធ្ងន់ធ្ងរពីសំណាក់អ្នកប្រើប្រាស់បណ្តាញសង្គមហ្វេសប៊ុក ពិសេសក្រុមអ្នកស្រឡាញ់សត្វចិញ្ចឹម ត្រង់ឈុតឆាកការសម្ដែងរបស់ នាយ គ្រឿន ដែលបានយួរកសត្វឆ្មាហើបផុតពីដី បង្ហាញពីការប្រមាថអាយុជីវិតរបស់សត្វឆ្មា ពេលនេះក្រុមការងារផលិតកម្ម 9Colors Production បានចេញលិខិតសូមទោសមហាជនជាសាធារណៈហើយ។
តាមការរៀបរាប់ក្នុងលខិតសូមអភ័យទោស 9Colors Production បានសូមអធ្យាស្រ័យពីទស្សនិកជនទាំងអស់ចំពោះកំហុសឆ្គងដោយអចេតនារបស់តារាកំប្លែងខ្លួន គឺនាយគ្រឿន ដែលបានកើតឡើងអំឡុងពេលសម្ដែងជាមួយសត្វឆ្មានៅក្នុងកម្មវិធី 168យប់។ មិនតែប៉ុណ្ណោះ ថែមទាំងលើកឡើងបន្តថា សំណេររបស់នាយគ្រឿន គឺគ្មានចេតនាធ្វើបាបសត្វនោះទេ សង្ឃឹមថាទស្សនិកជនទាំងអស់នឹងយោគយល់អធ្យាស្រ័យចំពោះកំហុសឆ្គងដោយអចេតនានេះ។
សូមជម្រាបថា តារាកំប្លែងសំដីចាក់ទឹកមិនលេច នាយ គ្រឿន បានធ្វើឱ្យទស្សនិកជនខឹងសម្បារជាខ្លាំង បន្ទាប់ពីរូបលោកសម្តែងឈុតឆាកកំប្លែងមួយក្នុងកម្មវិធី «១៦៨យប់» Ep17 ដោយលោកបានបានយួរកសត្វឆ្មាហើបផុតពីដី ដែលនេះជាទង្វើមិនសមរម្យ ហើយក្រុមអ្នកអ្នកស្រឡាញ់សត្វចិញ្ចឹម បានចាត់ទុកទង្វើនេះជាការប្រមាថអាយុជីវិតរបស់សត្វឆ្មា។
បន្ទាប់ពីកើតមានការរិះគន់ហើយនោះ តារាកំប្លែងមានប្រភពមកពីខេត្តស្វាយរៀងនេះ បានបង្ហោះសារសុំទោសទៅកាន់មហាជនអ្នកគាំទ្រថា ៖ «សូមអភ័យទោសបងប្អូនខ្ញុំដឹងខុសហើយនូវការសម្ដែងលេងយួរឆ្មាភ្លេចខ្លួន នឹកឃើញថាក្រឡៅករឆ្មាធំដែរ យួរមួយភ្លែតវាមិនអី សត្វឆ្មាខ្ញុំមិនស្រលាញ់ក៏ខ្ញុំមិនស្អប់ដែរ បើម្ចាស់ឆ្មាមិនសប្បាយចិត្តប្ដឹងឬឱ្យខ្ញុំសូមទោសឆ្មាក៏ខ្ញុំព្រម តែខ្ញុំអន់ចិត្តមានបងប្អូន ប្រមាថជីវិតខ្ញុំតែមិនអីទេខ្ញុំធ្វើបុណ្យបានខ្លះដែរ បើមានជាតិក្រោយសូមកើតជាសត្វទៅនៅភពផ្សេង»។
មិនយូរប៉ុន្មានក្រោយការបង្ហោះរបស់ នាយ គ្រឿន ទំព័រហ្វសប៊ុកផ្លូវការ 9Colors Production ក៏បានចេញមុខមកសូមទោសមហាជនជាសាធារណៈដូចអ្វីដែលបានឃើញនៅខាងលើនេះ៕
Account
Security
Favourite Content