ការពិតពិសេស ៨ យ៉ាងពីតួឯកប្រុស Lee Jong Suk ដែលអ្នកគាំទ្រមិនសូវបានដឹង

Lee Jong Suk ជាតារាសម្ដែងប្រុសជួរមុខនៃប្រទេសកូរ៉េខាងត្បូងដែលមិនអាចរាប់រំលងបាននោះទេ។ អស់រយៈពេលជាង ១៥ ឆ្នាំទៅហើយដែលតារាប្រុសរូបនេះបានឈរជើងនៅក្នុងវិស័យ ហើយកាន់តែមានកេរ្តិ៍ឈ្មោះល្បីល្បាញសុសសាយទាំងក្នុង និងក្រៅប្រទេស។

បច្ចុប្បន្នលោកក៏ជាមិត្តប្រុសដែលពោរពេញទៅដោយភាពកក់ក្ដៅ និងផ្អែមល្ហែមរបស់តារាចម្រៀងស្រី IU ផងដែរ។ ចង់ដឹងថាថាតើតារាប្រុសសង្ហារូបនេះមានការពិតយ៉ាងណាខ្លះ តោះ! មកតាមដាននៅខាងក្រោមនេះ៖

១. ចាប់ផ្ដើមអាជីពដំបូងជាតារាម៉ូដែលឆ្នាំ ២០០៥

នៅក្នុងវ័យ ១៥ ឆ្នាំតារាប្រុស Lee Jong Suk បានចាប់ផ្ដើមអាជីពជាតារាបង្ហាញម៉ូដនៅ Seoul Collection walkway ក្នុងឆ្នាំ ២០០៥ ដែលធ្វើឱ្យលោកក្លាយជាតារាម៉ូដែលប្រុសមានវ័យក្មេងបំផុតក្នុងកម្មវិធីនេះ។ ចាប់តាំងពីពេលនោះមក លោកក៏បានបង្ហាញខ្លួននៅក្នុងកម្មវិធីបង្ហាញម៉ូដជាបន្តបន្ទាប់។

២. ចាប់ផ្ដើមជាតារាសម្ដែងនៅឆ្នាំ ២០១០

នៅក្នុងឆ្នាំ ២០១០​ តារាម៉ូដែលប្រុសរូបនេះក៏បានចាប់ផ្ដើមបោះជំហានចូលក្នុងវិស័យសិល្បៈជាតារាសម្ដែងដំបូងនៅក្នុងរឿង Prosecutor Princess ដោយលោកបានគ្រងតំណែងជាតួរង។ ចំពោះមូលហេតុដែលលោកចង់ក្លាយជាតារាសម្ដែងគឺបន្ទាប់ពីបានមើលរឿង Full House ហើយ កំពូលតារាចម្រៀង និងសម្ដែង Rain ក៏បានក្លាយជាអាយដលក្នុងដួងចិត្តលោកតែម្ដង។ នៅក្នុងបទសម្ភាសជាមួយ KBS លោកក៏បានប្រាប់លោកមិនមែនត្រឹមតែចង់ក្លាយជាតារាសម្ដែងបន្ទាប់ពីមើលនោះហើយទេ ពោលគឺលោកចង់សម្ដែងឱ្យល្អ និងឡូយដូច Rain ដែរ។

៣. ជាកូនបងក្នុងគ្រួសារ

តារាសម្ដែងប្រុស Lee Jong Suk មានបងប្អូន ៣ នាក់ដោយលោកជាកូនប្រុសច្បង។ លោកធ្លាប់និយាយនៅក្នុងបទសម្ភាសជាមួយ Estar Entertainment ថាបើទោះបីលោកជាកូនប្រុសច្បងពិតមែន ប៉ុន្តែលោកមានអារម្មណ៍ថាប្អូនប្រុសរបស់លោកមានភាពចាស់ទុំជាងលោកណាស់។ លោកក៏បានបន្ថែមទៀតថា កាលលោកនៅក្មេងម្ដាយរបស់លោកមិនអាចទុកលោកចោលម្នាក់បានឡើយព្រោះលោកច្បាស់ជាយំយ៉ាងខ្លាំងជាមិនខាន។

៤. ជាមនុស្សស្ងៀមស្ងាត់ ឬ Introvert

បើទោះបីលោកជាតួសម្ដែងពិតមែន ប៉ុន្តែជាមនុស្សស្ងៀមស្ងាត់តាំងពីក្មេងមកម្ល៉េះដោយក្នុងបទសម្ភាសជាមួយ Estar Entertainment លោកបានប្រាប់ថាអំឡុងពេលរៀនថ្នាក់បឋមសិក្សា និងមធ្យមសិក្សាលោកមិនដែលលើកដៃឆ្លើយសំនួរនោះទេ។ ក្រោយមកលោកក៏បានបន្ថែមពេលនេះលោកក៏អាចចេះនិយាយលេងបានច្រើនជាងមុនបើប្រៀបទៅនឹងកាលពីមុនដែលធ្វើឱ្យម្ដាយរបស់លោកសប្បាយចិត្តមែនទែន។

៥. ជាអ្នកហ្វឹកហាត់ដើម្បីក្លាយជាតារារ៉េបមុនពេលក្លាយជាអ្នកសម្ដែង

តាំងពីមុនពេលក្លាយជាតារាសម្ដែង តារាប្រុសវ័យ ៣៤ ឆ្នាំរូបនេះត្រូវបានហ្វឹកហ្វាត់ដើម្បីបង្ហាញខ្លួនជាតារារ៉េបនៅក្នុងផលិតកម្ម SM Entertainment។ លោកបានទទួលការហ្វឹកហាត់រយៈ ៣ ខែសម្រាប់ក្រុមតារាចម្រៀងដែលតាមពាក្យចចាមអារ៉ាមហៅថា Real។ ប៉ុន្តែលោកក៏បានចាកចេញភ្លាមៗបន្ទាប់ពីក្រុមហ៊ុនបានបំពានពាក្យសន្យាថាឱ្យលោកបង្ហាញមុខជាតារាសម្ដែងផងដែរ។

៦.​ Kim Woo Bin ជាមិត្តជិតស្និទ្ធបំផុត

Lee Jong Suk និង Kim Woo Bin គឺជាមិត្តល្អជាមួយគ្នាចាប់តាំងពីក្លាយជាតារាម៉ូដែលមកម្ល៉េះ។ លើសពីនេះ ពួកគេទាំងពីរក៏ធ្លាប់បានសម្ដែងជាតួមិត្តល្អនៅក្នុងរឿង School 2013 ផងដែរ។ បើទោះបីជាមានការប្រកួតប្រជែងគ្នានៅក្នុងវិស័យនេះក៏ដោយ ក៏ពួកគេទាំងពីរបានភ្នាល់គ្នាថាអ្នកណាធ្វើបានល្អជាងត្រូវប៉ាវអ្នកម្ខាងញ៉ាំអាហារទៀតផង។

៧. ជាមនុស្សចូលចិត្តកាហ្វេ

លោកជាមនុស្សម្នាក់ដែលចូលចិត្តញ៉ាំកាហ្វេជាជាងគ្រឿងស្រវឹង។ លោកចូលចិត្តទៅហាងកាហ្វេដើម្បីជជែកលេងជាមួយមិត្ត ហើយលោកថែមទាំងបានបើកហាងកាហ្វេផ្ទាល់ខ្លួនមួយដែលមានឈ្មោះថា Café 89Mansion ទៀតផង។ ប៉ុន្តែជាអកុសល ដោយសារជំងឺកូវីដ ១៩ រាតត្បាតខ្លាំង ទើបលោកត្រូវបង្ខំចិត្តបិទហាងជារៀងរហូតនៅថ្ងៃទី១៤ ខែកញ្ញា ឆ្នាំ២០២០ ដែលចំថ្ងៃកំណើតលោកតែម្ដង។ អ្នកគាំទ្រជាច្រើនពិតជាសោកស្ដាយចំពោះដំណឹងនេះមែនទែន ប៉ុន្តែក៏សង្ឃឹមថាលោកអាចនឹងបើកដំណើរហាងកាហ្វេម្ដងទៀត។

៨. ចូលចិត្តបើកចំហចំពោះទំនាក់ទំនងស្នេហា

នៅកម្មវិធី Rain Effect ក្នុងឆ្នាំ ២០១៤ លោកបាននិយាយថាប្រសិនបើមានទំនាក់ទំនងស្នេហា លោកនឹងបើកចំហចំពោះរឿងនេះ ហើយប្រកាសជាសាធារណៈផងដែរ។ លោកគិតថាវាប្រសើរជាជាងការលេចឮតាមព័ត៌មានចចាមអារ៉ាម ឬរូបថតអាស្រូវដែរ។ ជាក់ស្ដែងយើងអាចមើលទៅការប្រកាសជាសាធារណៈរវាងទំនាក់ទំនងរបស់លោកជាមួយកំពូលតារាចម្រៀង IU បានផងដែរ ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

អាជីព HyunA រងការរង្គោះរង្គើកាន់តែខ្លាំង ក្រោយប្រកាសរៀបការជាមួយ Yong Junhyung

តារា​ចម្រៀងខេប៉ុប HyunA កំពុងប្រឈម​​ការ​រិះគន់ខ្លាំង​ពី​អ្នក​គាំទ្រ​ បន្ទាប់​ពីមាន​ការ​ប្រកាសថានាងនឹង​រៀប​ការ​នៅ​ខែ​តុលា​ ជាមួយមិត្តប្រុស Yong Junhyung ជាអតីតតារាខេប៉ុប

ម្ចាស់បទ «នឹក» បកស្រាយឈ្មោះ Kwan ជារឿងនឹកស្មានមិនដល់

អ្នក​គាំទ្រ​បាន​ស្គាល់​ម្ចាស់​បទ «នឹក» Kwan ត្រឹម​ជា​ឈ្មោះ​ហៅ​ក្រៅ​ប៉ុណ្ណោះ និង​កម្រ​មាន​អ្នក​ដឹង​ឈ្មោះ​ពិត​ឡើយ លើកលែង​តែ​មិត្ត​រួម​អាជីព​​ស្និទ្ធជាមួយ។ អ្នក​គាំទ្រ​ចាប់ផ្ដើម​ស្គាល់​ឈ្មោះ​ពិត​របស់

ស្រមោលខ្មៅស្ទើរពេញមួយជី​វិត! Kim JaeJoong ត្រូវអ្នកគាំទ្ររោគចិត្ដលួចចូលផ្ទះបំពានខ្លួនប្រាណ

Kim JaeJoong ជាតារាប្រុសខេប៉ុបដែលល្បីល្បាញម្នាក់ លោកធ្លាប់ជាអតីតសមាជិកក្រុមចម្រៀងល្បី TVXQ និងជាសមាជិកក្រុមចម្រៀង JYJ នាពេលបច្ចុប្បន្ន។

ញាក់ណាស់! ទេព បូព្រឹក្ស ទម្លាក់រូប១សន្លឹកឱ្យតម្រុយបទថ្មី

ត្រឹម​រូប​មួយ​សន្លឹក​របស់​កំពូល​តារា​ចម្រៀង​លេច​ធ្លោ​ ទេព ​បូព្រឹក្ស​ ក៏​អាច​ទាក់​ចិត្ត​មហាជន​ និង​ហ្វេន​ឱ្យ​ចូល​ខមិន​សរសើរ​​ និង​ទស្សន៍ទាយ​​ ​MV​​ ដែល​អ្នក​នាង​នឹង​ទម្លាក់​នា​ពេល​ឆាប់​ៗ​ខាង​

កំពុងលេចធ្លោខ្លាំង តែ Byeon WooSeok ប្រឈមអស់ឱកាសកាន់ប្រេនល្បីៗ ដោយសាររឿងមួយនេះ

តារាសម្ដែងប្រុសកូរ៉េ Byeon WooSeok បានក្លាយជាតារាសម្ដែងប្រុសដ៏លេចធ្លោក្នុងម្នាក់ក្នុងឆ្នាំ ២០២៤។ បន្ទាប់ពីសម្ដែងរឿងភាគកូរ៉េ “Lovely Runner” អាជីពសិល្បៈរបស់លោកប្រែប្រួលស្ទើរ ១៨០ ដឺក្រេ មិនដល់រយៈពេល ៣ ខែផង បណ្ដាញសង្គមអ៊ីនស្ដាក្រាមរបស់លោក ឡើងពីអ្នកចុចតាមដាន ១ លាននាក់រហូតដល់ជិត ១១លាននាក់ដែលវាចំនួនយ៉ាងច្រើនមួយ។

ទីបំផុតជម្លោះដ៏ក្ដៅគគុករវាង​ ចន ច័ន្ទលក្ខិណា និង​ ម៉េង កែវពេជ្ជតា បានបញ្ចប់ហើយ

គិត​មក​ទល់​ពេល​នេះ​ ជម្លោះ​ដ៏​រ៉ាំរ៉ៃ​រវាង​សិល្បករ​ជើង​ចាស់ ២ រូប ​គឺអ្នក​នាង ​ចន ​ច័ន្ទ​លក្ខិណា​ និងតារា​ចម្រៀង ម៉េង ​កែវ​ពេជ្ជតា ​ដែលអូស​បន្លាយ​​អស់​រយៈ​ពេល​ជា​ច្រើន​ឆ្នាំ​​​​​ រហូត​ឈាន​ដល់​ការ​ប្ដឹងផ្ដល់​ដ៏​

Rosé នឹងបញ្ចេញចម្រៀង សម្រាប់រឿងភាគរបស់តារាប្រុស Lee Minho “Pachinko”

រឿងភាគល្បីរបស់ Apple TV+ គឺ “Pachinko” ដែលចូលរួមសម្ដែងដោយតារាប្រុសល្បី Lee Minho, Kim Min Ha និង Yoon YeoJung ត្រូវបានរាយការណ៍ថា នឹងត្រឡប់មកកំដរអារម្មណ៍

កម្សត់ពេក! បេក្ខនារីម្នាក់ធ្វើឱ្យ Judge កម្មវិធី Cambodian Idol រដូវកាលទី៥ រំជួលចិត្តស្រក់ទឹកភ្នែក

បេក្ខនារី​ដែល​មក​ពី​ខេត្ត​បាត់​ដំបង​​ម្នាក់​​បាន​ធ្វើ​ឱ្យ Judge ទាំង​ ៤ ក្នុង​កម្មវិធី​ប្រឡង​ចម្រៀង​លំដាប់​ពិភពលោក​ ​Cambodian Idol រដូវកាល​ទី​៥ រំជួល​ចិត្ត​ ស្រក់​ទឹក​ភ្នែក​ម៉ាត់​ៗ​​

មកស្គាល់កូនខ្មែរកាត់អ៊ុយក្រែនដ៏សង្ហា លឹម រ៉ូម៉ា ពីក្រោយរូបប្រាសាទស្អាតៗ ជួយផ្សព្វផ្សាយកម្ពុជាទៅពិភពលោក

លឹម រ៉ូម៉ា គឺជាយុវជនរូបសង្ហាមួយរូប ដែលមានឆន្ទះដ៏មុតមាំក្នុងការចូលរួមចំណែកលើកស្ទួយវិស័យទេសចរណ៍ក្នុងប្រទេសកម្ពុជា តាមរយៈការផលិតមាតិការូបភាព និងវីដេអូដ៏មានគុណភាពផ្សព្វផ្សាយនៅលើបណ្ដាញសង្គម

ជីមី បកស្រាយរឿងរៀបការស្ងាត់ៗមិនហៅភ្ញៀវ​អធិកអធមចូលរួមពិធីជយមង្គល

ក្រោយ​បែក​ធ្លាយ​ថា​តារា​ស្រី​រាង​ស្រឡូន​ស្អាត ជីមី ម៉េង និង​គូស្នេហ៍​ដែល​ស្រលាញ់​គ្នា​ជាង ៦​ឆ្នាំ​ចូល​រោងការ​ស្ងាត់​ៗ​កាលពី​សប្ដាហ៍​មុន​នោះ​រួច​មក ព្រឹក​នេះ​ម្ចាស់​ផលិតផល​ផល​ថែរក្សា​ស្បែក​ដ៏​ល្បី​បាន​