បើទោះបីជាវិស័យសិល្បៈខេប៉ុបអស្ចារ្យគួរឱ្យស្ងើចសរសើរមែន ប៉ុន្តែនៅក្នុងនោះតារាខេប៉ុបជាច្រើនក៏បានជួបប្រទះនឹងអតីតកាលខ្មៅងងឹតដោយត្រូវបានគេរិះគន់លើរូបរាងដែលជាចំណែកមួយប៉ះពាល់ទៅដល់ផ្លូវចិត្តរបស់ពួកគេខ្លាំងមែនទែន។
១. TWICE Jihyo


កាលពីមុនតារាចម្រៀងស្រី Jihyo ត្រូវបានគេរិះគន់យ៉ាងខ្លាំងទៅលើរូបរាងរបស់នាង។ ធ្លាប់មានអ្នកលេងអ៊ីនធឺណេតម្នាក់បាន comment ថា Jihyo មានរូបរាងធាត់អាក្រក់មើលខ្លាំងណាស់។ បើទោះបីជាមានការរិះគន់យ៉ាងក៏ដោយ ក៏នាងនៅតែរក្សាភាពរឹងប៉ឹង ហើយព្យាយាមតស៊ូជាមួយមតិអវិជ្ជមានទាំងនោះ។ លើសពីនេះ នាងក៏បានសង្កត់ធ្ងន់ថា “សម្រស់គឺមិនកំណត់ទំហំ និងរូបរាងនោះទេ”។
២. Red Vlevet Wendy


ចំពោះ Wendy ជាសមាជិកក្រុមតារាចម្រៀងស្រី Red Vlevet ក៏ធ្លាប់ជាប់ប្រទះនឹងការរិះគន់ទៅលើរូបរាងរបស់នាងដែរ។ ប៉ុន្តែនាងបានជ្រើសរើសភាពអត់ធ្មត់ និងទំនុកចិត្តលើខ្លួនឯងដែលធ្វើឱ្យនាងមានភាពតស៊ូ និងកាន់តែមានភាពរីកចម្រើនក្នុងការងារសិល្បៈជាងមុន។ ដូច្នេះនាងជឿជាក់ថា “ភាពស្រស់ស្អាតបំផុតរបស់មនុស្សយើងគឺភាពជឿជាក់លើខ្លួនឯង”។
៣. BLACKPINK Jisoo


មុនពេលមានសម្រស់ស្រស់ស្អាតដូចអប្សរ Jisoo ក៏ធ្លាប់ត្រូវបានអ្នកលេងអ៊ីនធឺណេតសើចចំអកថានាងមានរូបរាងមិនស្អាត មិនសក្ដិសម និងមានស្បែកខ្មៅស្រអាប់ផងដែរ។ ផ្ទុយទៅវិញ នាងនៅតែរក្សាភាពវិជ្ជមានបើទោះបីជានាងរងការរិះគន់យ៉ាងចាស់ដៃយ៉ាងណាក៏ដោយ ហើយ Jisoo ថែមទាំងជឿជាក់ថា “រូបរាងកាយមិនមែនជាអ្នកកំណត់ទេពកោសល្យនោះទេ”។
៤. MAMAMOO Hwasa

មិនខុសពី Jisoo នោះទេ Hwasa ក៏ត្រូវបានគេរិះគន់ថាមានរូបរាងដែលសក្ដិសមជាតារាខេប៉ុបដែរដែលមើលទៅដូចជាផ្លែសារី។ ប៉ុន្តែដែលគួរឱ្យសរសើរនោះគឺនាងមិនបានខ្វល់ពីពាក្យសម្ដីទាំងនោះឡើយ ហើយបែរជាបង្ហាញភាពរឹងមាំ និងហ៊ានប្រឈមមុខដោយមិនមានភាពអៀនខ្មាសនោះទេ។ Hwasa នឹងមិនអនុញ្ញាតភាពអវិជ្ជមានទាំងនោះគ្រប់គ្រងបានឡើយ ហើយថែមទាំងបន្តបញ្ចេញទើបកោសល្យជាមួយទំនុកចិត្ត និងភាពជាខ្លួនឯងទៀតផង។
៥. TWICE Tzuyu


មិនមែនមានតែ Jihyo ប៉ុណ្ណោះទេដែលត្រូវគេរិះគន់លើរូបរាង សូម្បីតែ Tzuyu ក៏ត្រូវបានគេវាយតម្លៃមិនល្អដែរ បើទោះជានាងមានរាងស្គមស្អាតពីធម្មជាតិក៏ដោយចុះ។ ប៉ុន្តែនាងមិនបានខ្វល់ច្រើន ហើយក៏ខិតខំប្រឹងប្រែងដើម្បីអ្នកគាំទ្រនាងបន្តទៀត។
ដូច្នេះស្ដង់ដាសម្រស់ដែលស្ថិតនៅលើមាត់បែបនេះគឺជាបន្ទុកដ៏ធ្ងន់មួយដែលដាក់សម្ពាធយ៉ាងខ្លាំងសម្រាប់តារាខេប៉ុបជាច្រើន ៕






















Account
Security
Favourite Content