ថ្ងៃនេះ មូលនិធិអ្នកចម្បាំងឈាមខ្មែរ បានកំពុងបន្តបេសកកម្មរបស់ខ្លួនយ៉ាងសកម្មក្នុងការរៀបចំក៏ដូចជាដឹកជញ្ជូនគ្រឿងឧបភោគបរិភោគជូនទៅកាន់ពលរដ្ឋភៀសសឹកកម្ពុជានៅតាមតំបន់ភៀសសឹកជុំវិញខេត្តសៀមរាប។

តាមការឱ្យដឹងពី ជី ដេវីត និងអ្នកនាង ទេព បូព្រឹក្ស នាថ្ងៃទី ១២ ខែ ធ្នូ ឆ្នាំ ២០២៥ ប្រមាណជា ៣ ម៉ោងមុននេះឡានដឹកទំនិញធុនធំច្រើនគ្រឿងបានកំពុងត្រៀមចេញដំណើរទៅកាន់តំបន់ជនភៀសសឹកហើយ។ សម្រាប់ជើងទី២នេះត្រូវដឹកចេញទៅកាន់តំបន់ភៀសសឹក ២កន្លែងដែលមានពលរដ្ឋស្នាក់អាស្រ័យប្រមាណ ១ពាន់គ្រួសារ។ នេះបើតាមរបាយការណ៍ដែលអ្នកនាង ទេព បូព្រឹក្ស ទទួលបានពីថ្នាក់ដឹកនាំតំបន់នៅទីនោះ។ យ៉ាងណាមិញ លោក ជី ដេវីត បានបញ្ជាក់បន្ថែមនៅក្នុងវីដេអូយ៉ាងដូច្នេះថា៖ «មិនខ្វល់ថាចំនួនប៉ុន្មាននោះទេ យើងនឹងចែកជូនពួកគាត់រហូតដល់អស់ស្បៀង ហើយយើងក៏បន្តនូវការផ្ដល់ជាស្បៀងបន្ថែមទៀតទៅកាន់តំបន់ភៀសសឹកផ្សេងៗទៀតនៅតាមខេត្តរងគ្រោះជាច្រើនទៀតផងដែរ»។
គួរឱ្យដឹងថា មូលនិធិ «អ្នកចម្បាំងឈាមខ្មែរ» ដែលផ្ដួចផ្ដើមរៀបចំដោយតារាចម្រៀង ជី ដេវីត និងភរិយានាពេលនេះពិតជាបានផ្ដល់ជំនួយដល់ជនភៀសសឹកកម្ពុជាដោយផ្ទាល់ដៃ និងដល់ទីតាំងផ្ទាល់ៗតែម្ដង។ គិតត្រឹមថ្ងៃនេះដែលជាថ្ងៃទី២នៃដំណើរការបេសកកម្មអ្នកទាំងពីរបានចុះផ្ដល់ជំនួយដល់ពលរដ្ឋភៀសសឹកប្រមាណ ១ ៦០០ គ្រួសារហើយ៕






ចុចទីនេះសម្រាប់ទស្សនា វីដេអូ ៖ https://www.facebook.com/reel/1441383764076376
រូបភាព ៖ Tep Boprek

























Account
Security
Favourite Content