ថ្ងៃទី១៧ ខែវិច្ឆិកា ខាងមុខនេះ ក្រុមចម្រៀងខេប៉ុបនារី Aespa នឹងបញ្ចេញចម្រៀងទោល ៤បទ ៤រសជាតិ បង្ហាញពីរសនិយមរបស់សមាជិកម្នាក់ៗ ដែលជាផ្នែកមួយនៃអាល់ប៊ុម 2025 Special Digital Single “SYNK: aeXIS LINE”។
បទចម្រៀងទោលដែលសមាជិកម្នាក់ៗបានចូលរួមនិពន្ធរៀងៗខ្លួននេះ អ្នកទាំង ៤បានបកស្រាយជូនអ្នកគាំទ្រម្ដងរួចមកហើយ នៅក្នុងកម្មវិធីប្រគំតន្ត្រីលើកទី ៣ ឯទីក្រុងសេអ៊ូល កាលពីខែសីហា កន្លងទៅ។


ជាក់ស្ដែង Winter នឹងមកជាមួយនឹងបទ BLUE ដែលជាចម្រៀងចង្វាក់ប៉ុបរ៉ុក ខណៈបទនេះនឹងបង្ហាញអត្ថន័យនៃការពុះពារអត់ធ្មត់ និងតស៊ូ ក្នុងគ្រាដែលជីវិតកំពុងជួបរឿងហត់នឿយ។ ទន្ទឹមគ្នានេះ NingNing នឹងបកស្រាយបទ Ketchup And Lemonade ក្នុងចង្វាក់ R&B ដែលចម្រៀងមនោសញ្ចេតនានេះ នឹងបង្ហាញពីអារម្មណ៍ឈឺចាប់ និងភាពប្រេះស្រាំក្នុងដួងចិត្ត ដែលមនុស្សគ្រប់គ្នាចង់បំភ្លេច តែបំភ្លេចមិនបាន។


ដោយឡែកបទ Tornado គឺជាបទទោលរបស់ Giselle ដោយបទចម្រៀងចង្វាក់ Tropical Dance នេះ នឹងដាស់អារម្មណ៍អ្នកស្ដាប់ឱ្យពុះកញ្ជ្រោលដូចជាព្យុះ Tornado នៅក្នុងក្ដីសុបិនរបស់នាង។ មកដល់សមាជិកចុងក្រោយគឺ Karina នាងនឹងមកជាមួយនឹងបទចម្រៀងចង្វាក់ហ៊ីបហប ចំណងជើងថា Good Stuff ដែលបង្កប់កម្លាំងនៃភាពជឿជាក់ និងក្លាហានជូនអ្នកគាំទ្រ។
មុននឹងអាល់ប៊ុមថ្មីចេញផ្សាយជាផ្លូវការ នៅថ្ងៃទី១៣ នេះ Aespa ក៏នឹងបង្ហាញវត្តមានចូលរួមក្នុងកម្មវិធីប្រចាំឆ្នាំ Amazon Music Live ផងដែរ ខណៈអ្នកទាំង ៤ ក៏នឹងឡើងសម្ដែងនៅក្នុងកម្មវិធីនេះដូចគ្នា៕

























Account
Security
Favourite Content