ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
ដូចដែលគ្រប់គ្នាបានដឹងហើយថាវិស័យសិល្បៈចិនគឺពោរពេញទៅដោយតារាសម្ដែងដែលមានរូបសម្រស់ ព្រមជាមួយទេពកោសល្យខ្ពស់ ខណៈការប្រកួតប្រជែងក៏ខ្ពស់ខ្លាំងដូចគ្នា។ សម្រាប់តារាជួរមុខ គឺអាចរកចំណូលបានរាប់សែនដុល្លារពីការសម្ដែងភាពយន្តខ្នាតធំមួយរឿង។ ជាក់ស្ដែងកាលពីពេលថ្មីៗ គេហទំព័រ Tonboriday បានបង្ហាញបញ្ជី “តារាស្រីចិនទាំង ៦ រូបដែលមានតម្លៃខ្លួនខ្ពស់បំផុតប្រចាំឆ្នាំ ២០២៥” ដែលធ្វើឲ្យអ្នកគាំទ្រទាំងនៅក្នុងប្រទេសចិន និងក្រៅប្រទេសភ្ញាក់ផ្អើល ខណៈតារាស្រីម្នាក់ៗក្នុងបញ្ជីនេះសុទ្ធតែស្រស់ស្អាត មានទេពកោសល្យ និងរកចំណូលបានយ៉ាងច្រើន។
ចំណាត់ថ្នាក់លេខ ៦ – Dilraba Dilmurat
តារាស្រីដ៏ពេញនិយមពីរឿងភាគល្បី “Eternal Love” ដែលនៅតែបន្តមានប្រជាប្រិយភាពមិនឈប់។ ទោះបីជាស្ថិតនៅលេខចុងគេក្នុងបញ្ជីនេះ ក៏ប៉ុន្តែនាងនៅតែទទួលបានប្រាក់ចំណូលដ៏ច្រើនសន្ធឹកសន្ធាប់ចំនួន ១៤៩ ០០០ ដុល្លារក្នុងការសម្ដែងភាពយន្តមួយរឿង។
ចំណាត់ថ្នាក់លេខ ៥ – Yang Mi
សិស្សច្បងរួមផលិតកម្មរបស់ Dilraba ក៏នៅតែមានប្រជាប្រិយភាពមិនចាញ់គ្នា ដោយអាចរកបាន ១៨០ ០០០ ដុល្លារសម្រាប់ការសម្ដែងភាពយន្តមួយរឿង។ ស្នាដៃល្បីៗដូចជា “Palace” និង “Eternal Love” នៅតែបន្តពង្រឹងឋានៈរបស់នាងក្នុងនាមតារាជួរមុខ ខណៈបានវិវត្តខ្លួនក្លាយជាអ្នកផលិតស្រីដ៏ជោគជ័យម្នាក់ផងដែរ។
ចំណាត់ថ្នាក់លេខ ៤ – Sun Li
រាជិនីនៃរឿងភាគបុរាណចិន ដែលសម្តែងក្នុងរឿង The Legend of Zhen Huan និង Empresses in the Palace អាចរកចំណូលបានប្រមាណ ៤០០ ០០០ ដុល្លារសម្រាប់ការសម្ដែងភាពយន្តមួយរឿង។
ចំណាត់ថ្នាក់លេខ ៣ – Zhao Liying
ពីក្មេងស្រីជនបទម្នាក់ដែលបានខិតខំតស៊ូរហូតក្លាយជាតារាចិនលំដាប់កំពូល ជាមួយស្នាដៃសម្ដែងល្បីៗជាច្រើនដូចជា Boss & Me និង The Story of Minglan បច្ចុប្បន្ន Zhao Liying អាចរកចំណូលបានជាមធ្យម ៥៣៣ ០០០ ដុល្លារសម្រាប់ការសម្ដែងភាពយន្តមួយរឿង។
ចំណាត់ថ្នាក់លេខ ២ – Zhou Xun
តារាសម្តែងជើងចាស់ដ៏ល្បីល្បាញ ដែលមានរហស្សនាមថា “National Treasure” នៅតែអាចរកចំណូលបានជាមធ្យម ៦៣១ ០០០ ដុល្លារសម្រាប់ការសម្ដែងភាពយន្តមួយរឿង ខណៈឈានចូលវ័យ ៥១ ឆ្នាំហើយនៅឆ្នាំនេះ។
ចំណាត់ថ្នាក់លេខ ១ – Zhou Dongyu
ជាតារាសម្ដែងម្ចាស់ពាន “Triple Best Actress” វ័យក្មេងបំផុតក្នុងវិស័យភាពយន្តចិន ដោយបានឈ្នះពានរង្វាន់តួឯកស្រីឆ្នើមពីកម្មវិធីប្រគល់រង្វាន់ធំៗទាំងនៅក្នុងប្រទេសចិន ហុងកុង និងតៃវ៉ាន់ សម្រាប់ខ្សែភាពយន្តល្បីៗដូចជា Better Days និង Under the Hawthorn Tree នៅឆ្នាំ២០២៥នេះ Zhou Dongyu បានជាប់ចំណាត់ថ្នាក់លេខ ១ ជាមួយនឹងប្រាក់ចំណូលខ្ពស់រហូតដល់ ៦៦៦ ០០០ ដុល្លារសម្រាប់ការសម្ដែងភាពយន្តមួយរឿង ៕
Account
Security
Favourite Content