ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
យោងតាម សន្ទស្សន៍លិខិតឆ្លងដែន Henley ឬ Henley Passport Index ប្រចាំឆ្នាំ ២០២៥ បានបង្ហាញពីចំណាត់ថ្នាក់នៃលិខិតឆ្លងដែនជិត ២០០ប្រទេស ដោយអាស្រ័យទៅលើចំនួនប្រទេសដែលលិខិតឆ្លងដែនពីប្រទេសនីមួយៗអាចធ្វើដំណើរទៅបានដោយមិនចាំបាច់មានទិដ្ឋាការ តាមព័ត៌មានពី International Air Transport Association ជាមួយនឹងការធ្វើបច្ចុប្បន្នភាពជាប្រចាំខែ។
នៅក្នុងឆ្នាំ ២០២៥ ចំណាត់ថ្នាក់លេខ ១បានទៅលើប្រទេស សិង្ហបុរី ដោយអាចប្រើប្រាស់លិខិតឆ្លងដែនទៅកាន់ ១៩៣ប្រទេសមិនចាំប្រើប្រាស់ទិដ្ឋាការ ដោយឆ្នាំនេះ ប្រទេសពីអាស៊ីអាគ្នេយ៍ បានយកឈ្នះប្រទេសដទៃ ព្រោះកាលពីឆ្នាំ ២០២៤ កន្លងទៅ លិខិតឆ្លងដែនរបស់សិង្ហបុរីធ្លាប់ទទួលបានតំណែងលេខ ១រួម ជាមួយនឹង ៥ប្រទេសផ្សេងទៀត រួមមានប្រទេសជប៉ុន បារាំង អាល្លឺម៉ង់ អ៊ីតាលី និងអេស្ប៉ាញ។
ចំណាត់ថ្នាក់លេខ ២ គឺបានទៅលើប្រទេសជប៉ុន និងកូរ៉េខាងត្បូង ដោយអាចធ្វើដំណើរទៅកាន់ ១៩០ប្រទេសដោយមិនទាមទារទិដ្ឋាការ ខណៈប្រទេសដាណឺម៉ាក ហ្វាំងឡង់ បារាំង អាល្លឺម៉ង់ អៀរឡង់ អ៊ីតាលី និងអេស្ប៉ាញ អាចធ្វើដំណើរទៅ ១៨៩ប្រទេស រាប់ថាច្រើនបំផុតលំដាប់លេខ ៣។
ទន្ទឹមគ្នានេះប្រទេសអូទ្រីស បែលហ្ស៊ិក លុចសំបួ ហូឡង់ ន័រវេស ព័រទុយហ្គាល់ និងស៊ុយអែត ទទួលបានចំណាត់ថ្នាក់លេខ ៤ ជាមួយទិសដៅមិនទាមទារទិដ្ឋាការចំនួន ១៨៨ប្រទេស ប្រកៀកគ្នានឹងចំណាត់ថ្នាក់លេខ ៥ ដែលអាចធ្វើដំណើរក្នុងលក្ខខណ្ឌតែមួយទៅកាន់ ១៨៧ប្រទេស រួមមាន ប្រទេសក្រិក នូវែលសេឡង់ និងស្វីស។
ឯលិខិតឆ្លងដែលរបស់អង់គ្លេសអាចធ្វើដំណើរមិនបាច់មានទិដ្ឋាការទៅកាន់ ១៨៦ប្រទេស ទទួលបានចំណាត់ថ្នាក់លេខ ៦ ក្នុងឆ្នាំនេះ ស្របពេលដែលប្រទេសអូស្ត្រាលី ឆេក ហុងគ្រី ម៉ាល់តា និងប៉ូឡូញ អាចធ្វើដំណើរទៅកាន់ ១៨៥ ប្រទេស ស្ថិតនៅក្នុងចំណាត់ថ្នាក់លេខ ៧។
បន្តពីនេះ គឺចំណាត់ថ្នាក់រៀងគ្នាពីលេខ ៨ លេខ ៩ និងលេខ ១០ ដោយប្រទេសដូចជា កាណាដា អេស្តូនី អារ៉ាប់រួម អាចធ្វើដំណើរទៅកាន់ ១៨៤ប្រទេស ខណៈដែលប្រទេសក្រូអាត ឡាតវី ស្លូវ៉ាគី និងស្លូវេនី អាចធ្វើដំណើរទៅកាន់ ១៨៣ ប្រទេស ដូចគ្នាដែរ ប្រទេសអ៊ីស្លង់ លីទុយអានី និងសហរដ្ឋអាមេរិក អាចធ្វើដំណើរទៅកាន់ ១៨២ប្រទេស ដោយមិនចាំបាច់ស្នើសុំទិដ្ឋាការ៕
Account
Security
Favourite Content