តារាចម្រៀងស្រីខេប៉ុបល្បី IU បានក្លាយជាប្រធានបទត្រូវបានគេលើកយកមកពិភាក្សាជាថ្មីម្ដងទៀតលើបណ្ដាញសង្គមអ៊ីនធើណេត ដោយសារតែសន្ដានចិត្ដដ៏ល្អរបស់នាង។



Fanclub IUAENA ដែលតំណាងឲ្យតារាស្រី IU បានប្រកាសកាលពីថ្ងៃទី ៥ ខែ ឧសភា ឆ្នាំ ២០២៤ ពីការបរិច្ចាគប្រាក់ប្រមាណ ១០០ លានវ៉ុន ឬប្រហែល ៧៣ ៥០០ ដុល្លារអាមេរិកទៅកាន់មូលនិធិកុមារកូរ៉េ ដើម្បីអបអរថ្ងៃទិវាកុមារ ក្នុងប្រទេសកូរ៉េខាងត្បូង។ គោលបំណងក្នុងការបរិច្ចាគគឺដើម្បីជួយដល់កុមារដែលខ្វះខាត និងត្រូវការជំនួយ។ តារាស្រី IU ក៏សង្ឃឹមថា កុមារទាំងអស់នឹងទទួលបានក្ដីស្រឡាញ់ និងធំធាត់មានសុខភាពល្អ។


ចាប់តាំងពីតារាស្រី IU បង្ហាញខ្លួនក្នុងពិភពសិល្បៈ នាងតែងតែបង្ហាញក្ដីស្រឡាញ់ និងជួយជ្រោមជ្រែងដល់សង្គមតាមរយៈការបរិច្ចាគប្រាក់ផ្ទាល់ខ្លួនយ៉ាងច្រើន។ ជារឿយៗ នាងបានបរិច្ចាគប្រាក់ជួយដល់កុមារ ស្រីមានផ្ទៃពោះ មន្ទីរពេទ្យកូរ៉េ កន្លែងមើលថែទាំក្មេងៗ ជនរងគ្រោះដោយសារគ្រោះធម្មជាតិ និងកូវីដ១៩ជាដើម។ គិតមកទល់បច្ចុប្បន្ន រូបនាងត្រូវបានគេរាយការណ៍ថា បានបរិច្ចាគប្រាក់ជួយដល់សង្គមយ៉ាងហោចណាស់ជាង ៥ ពាន់លានវ៉ុន ឬប្រហែល ៣,៦ លានដុល្លារអាមេរិក។


ក្រៅពីមានទឹកចិត្ដល្អប្រពៃ និងតែងបរិច្ចាគប្រាក់ IU ក៏ត្រូវបានគេរាយការណ៍ថា ជាតារាស្រីម្នាក់ដែលមានទឹកចិត្ដល្អចំពោះមនុស្សជុំវិញ និងក្រុមការងារផងដែរ។ នាងធ្លាប់បានស្នើសុំ ការដំឡើងប្រាក់ខែ ជូនដល់ក្រុមការងារ ៤០ នាក់ ដើម្បីឲ្យពួកគេទទួលបានប្រាក់គ្រប់គ្រាន់សម្រាប់ការចាយវាយប្រចាំថ្ងៃ។ នាងធ្លាប់បានទម្លាយពីជំងឺ និងផលលំបាក ដែលខ្លួនបានឆ្លងកាត់ ទាក់ទងនឹងរូបរាង ដោយសង្ឃឹមថា សំឡេងរបស់នាងអាចជួយដល់មនុស្សផ្សេងទៀតដែលកំពុងប្រឈមនឹងបញ្ហាលំបាកដូចនាង ឲ្យមានភាពក្លាហាន។ មូលហេតុនេះហើយ ទើប IU ក្លាយជាតារាស្រីឆ្នើមម្នាក់ដែលត្រូវប្រជាជនកូរ៉េស្រឡាញ់ និងគោរពយ៉ាងខ្លាំង៕























Account
Security
Favourite Content