សមាជិកក្រុមចម្រៀងល្បី BigBang គឺ Taeyang និងតារាស្រី Min Hyo Rin ជាគូស្វាមីភរិយាផ្អែមល្ហែមមួយក្នុងប្រទេសកូរ៉េខាងត្បូង អ្នកទាំងពីរបានចាប់ដៃគ្នាចូលរោងមង្គលសាងគ្រួសារក្នុងឆ្នាំ ២០១៨។ ក្រោយមកអ្នកទាំងពីរក៏ទទួលបានកូនប្រុសម្នាក់។ បើទោះជារៀបការអស់រយៈពេល ៥ ឆ្នាំទៅហើយក្ដីប៉ុន្ដែចំណងស្នេហារបស់អ្នកទាំងពីរនៅតែរឹងមាំ។


កាលពីថ្ងៃទី ២២ ខែ វិច្ឆិកា ឆ្នាំ ២០២៣ Taeyang និងតារាស្រី Min Hyo Rin ត្រូវបានគេប្រទះឃើញនាំកូនប្រុសរបស់ខ្លួនចេញដើរលេងកម្សាន្ដក្នុងតំបន់មួយ នៅទីក្រុង សេអ៊ូល។ នេះជាលើកទី ១ ដែលគូស្វាមីភរិយាមួយគូនាំកូនតូចរបស់ខ្លួនចេញដើរជាសាធារណៈ។ បច្ចុប្បន្ន កូនប្រុសរបស់អ្នកទាំងពីរទើបតែមានអាយុជិត ២ ខួបប៉ុណ្ណោះ ប៉ុន្ដែរូបគេមានកម្ពស់ខ្ពស់ និងអាចដើរបានយ៉ាងស្ទាត់។ មួយគ្រួសារតូចមានគ្នា ៣ នាក់ និងគួរឲ្យស្រឡាញ់បែបនេះពិតជាធ្វើឲ្យអ្នកគាំទ្រជាច្រើនលួចច្រណែន។


បើតាមបទសម្ភាសរបស់ Taeyang បានឲ្យដឹងថា៖ កូនប្រុសរបស់លោកពិតជាមានមុខមាត់គួរឲ្យស្រឡាញ់ ហើយកាត់ទៅរកភរិយារបស់លោកច្រើន។ រូបគេស្អាតរហូតដល់គ្រប់គ្នាច្រឡំថាជាក្មេងស្រីទៀតផង។ លោកធ្លាប់បញ្ជាក់ទៀតថា ការបានជួបភរិយារបស់លោកគឺរឿងល្អមួយដែលកើតឡើងក្នុងជីវិតរបស់លោក ព្រោះបើគ្មានវត្ដមាននាងទេលោកគឺមិនដែលគិតពីរឿងបង្កើតគ្រួសារ និងរៀបការឡើយ។
គួរបញ្ជាក់ថា Taeyang និងតារាស្រី Min Hyo Rin ត្រូវគេចាត់ទុកជាគូស្នេហ៍គម្រូមួយក្នុងប្រទេសកូរ៉េខាងត្បូង រីឯប្រវត្ដិស្នេហាក៏ផ្អែមល្ហែមមិនធម្មតាមុនចាប់ដៃគ្នាចូលរោងមង្គលគឺធ្លាប់បែកបាក់គ្នាទើបត្រឡប់មកត្រូវរូវគ្នា។ ចាប់តាំងពីរៀបការមក តារាស្រី Min Hyo Rin ផ្ដោតលើជីវិតគ្រួសារច្រើន និងមិនទាន់វិលត្រឡប់ចូលសិល្បៈវិញនោះទេ ៕

























Account
Security
Favourite Content