ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
កាលពីពេលថ្មីៗនេះ ក្រុមអ្នកវិទ្យាសាស្ត្របានថតវីដេអូ ត្រីហែលក្នុងទឹកជម្រៅជាង ៨គីឡូម៉ែត្រ ដែលបង្កើតបានជាបង្កើតកំណត់ត្រាថ្មីបំផុត មិនធ្លាប់មាន។ សត្វ ឬត្រីខ្យងក្នុងវីដេអូជាសត្វដែលគេមិនទាន់បានកំណត់អត្តសញ្ញាណនៅឡើយ ប៉ុន្តែវាស្ថិតក្នុងអំម្បូរ Pseudoliparis ដែលរស់នៅជម្រៅ ៨ ៣៣៦ ម៉ែត្រនៅក្នុងលេណដ្ឋាន Izu-Ogasawara ភាគអាគ្នេយ៍ប្រទេសជប៉ុន។
ប៉ុន្មានថ្ងៃបន្ទាប់ពីត្រីខ្យងខាងលើត្រូវបានថត អ្នកវិទ្យាសាស្ត្របន្តចាប់បានត្រីខ្យងពីរប្រភេទទៀតគឺ Pseudoliparis belyaevi នៅក្នុងលេណដ្ឋានប្រទេសជប៉ុនដូចគ្នាតែស្ថិតនៅជម្រៅត្រឹម ៨ ០០២ ម៉ែត្រ។ ក្រុមការងារបាននិយាយថា ត្រីទាំងនេះជាត្រីដំបូងបង្អស់ដែលគេចាប់បានពីក្នុងទឹកជម្រៅជាង ៨ ពាន់ម៉ែត្រនេះ។
តាមពិតទៅ ត្រីខ្យងមានរហូតដល់ទៅជាង ៣០០ ប្រភេទ ហើយភាគច្រើនជាសត្វទឹករាក់ដែលគេអាចឃើញនៅតាមទន្លេ។ ប៉ុន្តែមានក្រុមត្រីខ្យងមួយចំនួនក៏បានសម្របខ្លួនទៅនឹងជីវិតនៅក្នុងទឹកត្រជាក់នៃតំបន់អាក់ទិក និងអង់តាក់ទិក ហើយក៏អាចរស់នៅក្រោមលក្ខខណ្ឌសម្ពាធខ្លាំងដែលមាននៅក្នុងលេណដ្ឋានជ្រៅបំផុតរបស់ពិភពលោកផងដែរ។
ចំពោះចំណីរបស់ត្រីដែលរស់នៅជម្រៅជ្រៅបំផុតទាំងនេះ ត្រូវបានអ្នកវិទ្យាសាស្ត្របានឲ្យដឹងថាពួកវា ជញ្ជក់ និងស៊ីសត្វសម្បករឹងតូចៗ (ក្ដាម ខ្យង បង្គា…) ដែលមានច្រើននៅក្នុងលេណដ្ឋាន បាតសមុទ្រ។
សាស្ត្រាចារ្យ Jamieson និយាយថា ការរកឃើញវត្តមានត្រីដែលរស់នៅជម្រៅ ជ្រៅជាងត្រីដែលរកឃើញនៅក្នុងទន្លេ Mariana Trench អាចប្រហែលកត្តាកម្តៅទឹកនៃលេណដ្ឋាន Izu-Ogasawara ។ លោកបានឲ្យដឹងដែរថា ក្នុងដំណើរនៃការស្រាវជ្រាវនេះ ក្រុមអ្នកវិទ្យាសាស្ត្របានប្រើប្រាស់នាវាមុជទឹកប្រភេទ DSSV Pressure Drop និងនាវាមុជទឹកដែលមានសមត្ថភាពផ្ទុកនាវិក មានឈ្មោះថា Limiting Factor ដែលត្រូវបានប្រើប្រាស់ដោយអ្នកផ្សងព្រេងជនជាតិអាមេរិក Victor Vescovo ក្នុង ២០១៨ និង ២០១៩ ដើម្បីរុករកផ្នែកជ្រៅបំផុតនៃមហាសមុទ្រធំៗទាំងប្រាំរបស់ផែនដី។
គួរបញ្ជាក់ថា ការស្រាវជ្រាវនេះធ្វើឡើងដោយការសហការគ្នារវាងអ្នកវិទ្យាសាស្ត្រមកពីសាកលវិទ្យាល័យ Western Australia និងសាកលវិទ្យាល័យ Tokyo University of Marine Science and Technology របស់ប្រទេសជប៉ុនផ្ទាល់តែម្តង៕
Account
Security
Favourite Content