ទឹកដីរុនតាឯក និងពាក់ស្នែង ដែលជាតំបន់ថ្មីមួយ ត្រូវបានរាជរដ្ឋាភិបាលរៀបចំ សម្រាប់ការស្វាគមន៍ប្រជាជនដែលចាកចេញពីតំបន់អង្គរ ដើម្បីមកចាប់ផ្ដើមជីវិតថ្មី លើទឹកដីប្រកបដោសក្ដានុពល ជាក្ដីសង្ឃឹមថ្មីរបស់ប្រជាជនទាំងអស់ ដែលបានសម្រេចចិត្តមកតាំងពីលំនៅទីនេះ។
តាមប្រភពពីឯក សាយ សំអាល់ រដ្ឋមន្ត្រីក្រសួងរៀបចំ ដែនដី នគរូបនីយកម្ម និងសំណង់់ បានបង្ហោះរូបភាព ពីទឹកដីរុនតាឯក និងពាក់ស្នែងថា៖ «សូមចូលរួមអបអរសាទរដោយស្មោះ ចំពោះបងប្អូនប្រជាពលរដ្ឋទាំងអស់ ដែលបានធ្វើការសម្រេចចិត្តដ៏ត្រឹមត្រូវ ស្ម័គ្រចិត្តមកតាំងទីលំនៅថ្មីក្នុងតំបន់អភិវឌ្ឍន៍រុនតាឯក និងពាក់ស្នែង ដែលជាទីតាំងដ៏វិសេសវិសាល ប្រកបដោយក្តីសង្ឃឹម ត្រូវបានយកចិត្តទុកដាក់ខ្ពស់ពីរាជរដ្ឋាភិបាល ក្នុងការអភិវឌ្ឍតំបន់ទាំងពីរនេះ ឱ្យក្លាយជាកូនទីក្រុងដ៏តូចច្រឡឹង អំណោយផលដល់ការរស់នៅដ៏សុខសាន្ត និងអនាគតបវររុងរឿង សមដូចបំណងប្រាថ្នាដ៏បរិសុទ្ធរបស់ សម្តេចអគ្គមហាសេនាបតីតេជោ ហ៊ុន សែន ក្នុងការផ្តល់ជូនប្រជាពលរដ្ឋកម្ពុជាគ្រប់រូបទទួលបាននូវការរស់នៅមួយប្រកបដោយភាពសុខដុមរមនា»។
ទឹកដីរុនតាឯក និងពាក់ស្នែងក៏ត្រូវបានអ្នកជំនាញអចលនទ្រព្យរំពឹងទុកថា នឹងក្លាយជាតំបន់អភិវឌ្ឍន៍ប្រកបដោយសក្ដានុពល ព្រោះនៅទីនោះ អំណោយផលសម្រាប់ការវិនិយោគ និងការរស់នៅ ជាតំបន់ទេសចរណ៍ មានប្រព័ន្ធធារាសាស្ត្រ ហេដ្ឋារចនាសម្ព័ន្ធ ដែលកំពុងរៀនចំឡើងយ៉ាងសស្រាក់សស្រាំពីប្រមុខរាជរដ្ឋាភិបាលកម្ពុជា ៕