១. នៅក្បែរអ្នកជានិច្ច
បុរសម្នាក់នេះនឹងនៅក្បែរអ្នកគ្រប់ស្ថានការណ៍ទាំងអស់ មិនថាសុខឬទុក្ខ។ អ្នកនឹងដឹងខ្លួនថាគេគឺជាកម្លាំងចិត្តដ៏សំខាន់សម្រាប់អ្នក។ ចំណែកឯគេវិញក៏ត្រៀមខ្លួនក្នុងការតស៊ូទៅមុខជាមួយអ្នកដែរ។
២. ធ្វើឱ្យអ្នកមានអារម្មណ៍កក់ក្តៅ
គេនឹងធ្វើឱ្យអ្នកកក់ក្តៅចិត្ត មានសុវត្ថិភាព និងតែងតែនៅក្បែរអ្នកជានិច្ច។ អ្នកនឹងមិនមានអារម្មណ៍ថាកណ្តោចកណ្តែង ឬខ្វះភាពជឿជាក់លើសេចក្តីស្រឡាញ់របស់គេឡើយ សូម្បីតែបន្តិច។ គាត់អាចបោះបង់ចោលរឿងសំខាន់របស់ខ្លួនបាន បើវាធ្វើឱ្យអ្នកសប្បាយចិត្ត។ ព្រោះគេដឹងថារឿងរបស់អ្នកគឺជាអាទិភាពដំបូង ទោះបីជាពេលខ្លះវាធ្វើឱ្យខ្លួនគេពិបាកក៏ដោយ។
៣. មិនក្បត់ចិត្តអ្នក
គេមិនដែលគិតថាចង់ក្បត់អ្នក សូម្បីតែមួយដង ទោះបីជាមានឱកាសក៏ដោយ។ មិនដែលធ្វើឱ្យអ្នកចេះប្រច័ណ្ឌហួងហែងរឿងមនុស្សទីបីឡើយ។ អ្វីគ្រប់យ៉ាងដែលទាក់ទងនឹងរូបគេគឺសុទ្ធតែជាភាពស្មោះស។ គេស្មោះត្រង់ចំពោះអ្នក និងបង្ហាញភាពស្មោះត្រង់ឱ្យអ្នកបានដឹងយ៉ាងច្បាស់។
៤. អាចទទួលយកចំណុចខ្វះខាតរបស់អ្នកបាន
គេបើកចិត្តទទួលយកគុណវិបត្តិរបស់អ្នកបាន ទោះបីពេលខ្លះវាបង្កបញ្ហាដល់ស្នេហាអ្នកទាំងពីរក៏ដោយ។ អ្នកនឹងទទួលអារម្មណ៍ថា គេទទួលយកអ្នកទាំងដែលរឿងខ្លះសូម្បីតែអ្នកខ្លួនឯងក៏មិនចូលចិត្តផង។
៥. ចាំស្តាប់ការរៀបរាប់របស់អ្នកជានិច្ច
គេតែងតែស្តាប់ការយល់ឃើញរបស់អ្នក ទោះបីជាពេលខ្លះវាផ្ទុយពីគំនិតរបស់គេក៏ដោយ តែគេនៅតែស្តាប់ហើយយល់ពីអ្នក។ គេមិនដែលមើលងាយបំណងល្អរបស់អ្នកឡើយ។
៦. បង្ហាញថាអ្នកជាផ្នែកមួយនៃជីវិតរបស់គេ
គេនឹងមិនធ្វើឱ្យអ្នកមានអារម្មណ៍ថាជាចំណែកលើសរបស់ជីវិតគេទេ។ អ្នកបានដឹងពីរឿងគេគ្រប់យ៉ាង មិនថារឿងការងារ គ្រួសារ មិត្តភក្តិ និងរឿងសម្ងាត់ផ្ទាល់ខ្លួនរបស់គេ។
៧. ចាំគាំទ្រអ្នក
គេនឹងធ្វើជាអ្នកគាំទ្រដ៏ល្អសម្រាប់អ្នក ជាកម្លាំងជម្រុញឱ្យអ្នកធ្វើតែរឿងល្អៗ។ នៅក្បែរអ្នក ចាំផ្តល់ដំបូន្មាន ហើយពេលខ្លះក៏ស្តាប់ការរំសាយអារម្មណ៍របស់អ្នកដែរ។
៨. មិនចង់យកឈ្នះអ្នក
គាត់មិនប្រកាន់ខ្លួន មិនព្យាយាមនៅពីលើអ្នក មិនចង់យកឈ្នះអ្នកគ្រប់រឿង។ ប៉ុន្តែគេនឹងធ្វើឱ្យអ្នកមានស្នេហាដែលស្មើភាពគ្នា រស់នៅជាមួយគ្នាយ៉ាងសុខស្រួល។
៩. គេបារម្ភ និងចាំមើលថែអ្នកជានិច្ច
គេតែងតែគិតពីសុខសុវត្ថិភាពរបស់អ្នកជានិច្ច បារម្ភ ខ្វាយខ្វល់ ចាំមើលថែ យកចិត្តទុកដាក់។ ជាពិសេសនៅពេលអ្នកឈឺ គេព្រម ហើយរីករាយនឹងនាំទៅពេទ្យគ្រប់ពេលដែលអ្នកត្រូវការ។ គេនឹងចាំសួរសុខទុក្ខអ្នករហូត មិនបណ្តោយឱ្យអ្នកមានអារម្មណ៍កណ្តោចកណ្តែង។ គេធ្វើឱ្យអ្នកមានថាមពលទាំងកម្លាំងកាយ និងចិត្តក្នុងការរស់នៅ។ ធ្វើឱ្យអ្នកចង់អភិវឌ្ឍន៍ឱ្យល្អឡើងជានិច្ច។
១០. គោរពអ្នក និងក្រុមគ្រួសារអ្នក
គេរីករាយនឹងបង្ហាញខ្លួនចំពោះក្រុមគ្រួសារអ្នក និងផ្តល់ការគោរពយ៉ាងល្អ។ ទន្ទឹមនឹងនេះ គាត់ក៏សប្បាយចិត្តក្នុងការនាំអ្នកទៅជួបក្រុមគ្រួសារគាត់ដែរ។
ជាចុងក្រោយ ប្រសិនបើអ្នកបានជួបមនុស្សប្រុសដូចដែលបានរៀបរាប់ខាងលើមកនៅក្បែរខ្លួនហើយ ត្រូវមើលថែ និងរក្សាទុកគេឱ្យបានល្អ។ ព្រោះថាគេនេះហើយ ដែលនឹងរស់នៅជាមួយអ្នកយូរអង្វែង ឬអាចហៅថាគូព្រេងក៏បាន៕