ចង់​ចិញ្ចឹម​កូន​ឆ្កែ​ពូជ​ថ្លៃ​គួរ​យល់​ដឹង​ពី​ចំណុច​ទាំង​នេះ​សិន

សុនក​គឺ​ជា​សត្វ​ចិញ្ចឹម​ដែល​គេ​និយម​ខ្លាំង​បំផុត​។ វា​មិន​ត្រឹម​តែ​ជា​សត្វ​ចិញ្ចឹម​តែ​វា​ក៏​ប្រៀប​បាន​ដូច​ជា​សមាជិក​ម្នាក់​នៅ​ក្នុង​គ្រួសារ​របស់​យើង។ កាល​ពី​សម័យ​មុន​សុនក​ត្រូវ​បាន​គេ​ចិញ្ចឹម​​ទុក​សម្រាប់​យាម​ផ្ទះ​ និង​ធ្វើ​ជា​ដៃ​គូ​ក្នុង​ការ​ដើរ​ព្រៃ​។ សម្រាប់​ប្រជាជន​នៅ​ខាង​ប៉ែក​អឺរ៉ុប​គេ​មិន​បាន​ចិញ្ចឹម​សុនក​ទុក​សម្រាប់​យាម​ផ្ទះ​ឡើយ​គឺ​គេ​ចិញ្ចឹម​មើល​ថែ​ឲ្យ​ដេក​ក្នុង​ផ្ទះ​ប្រៀប​ដូច​ជា​កូន​មនុស្ស​អញ្ចឹង។

បច្ចុប្បន្ន​នេះ​របៀប​នៃ​ និង​ទម្លាប់​នៃ​ការ​ចិញ្ចឹម​សុនក​របស់​ជន​ជាតិ​អឺរ៉ុប​ក៏​បាន​សាយ​ភាយ​គ្រប​ដណ្ដប់​មក​ដល់​បណ្ដា​ប្រទេស​អាស៊ី​របស់​យើង​ដូច​គ្នា​ដែរ។​ ជាក់​ស្ដែង​នៅ​ក្នុង​ប្រទេស​កម្ពុជា​យើង​សព្វ​ថ្ងៃ​មាន​ដាក់​លក់​ប្រភេទ​ពូជ​សុនក​ដែល​នាំ​ចូល​ពី​បរទេស​ និង​ប្រទេស​ជិត​ខាង​ក្នុង​តំបន់​អាស៊ី​យ៉ាង​ច្រើន​សន្ធឹក​សន្ធាប់​។

សម្រាប់​អ្នក​ដែល​ស្រឡាញ់​គឺ​ហ៊ាន​ចំណាយ​ថវិកា​យ៉ាង​ច្រើន​ដើម្បី​ទិញ​កូន​សុនក​ទាំង​នោះ​មក​ចិញ្ចឹម​។ អ្នក​ខ្លះ​គិត​ថា​សុនក​ទាំង​នេះ​មាន​របៀប​រស់​នៅ​និង​ របប​អាហារ​ដូច​គ្នា​ទៅ​ហ្នឹង​សុនក​ពូជ​ក្នុង​ស្រុក​ដែរ។​ ការ​គិត​ខុស​ និង​មិន​បាន​សិក្សា​ស្វែង​យល់​ពី​របៀប​នៃ​ការ​ចិញ្ចឹម​ឲ្យ​បាន​ច្បាស់​លាស់​អាច​ធ្វើ​ឲ្យ​អ្នក​ខាត​បង់​ទាំង​កម្លាំង​ និង​ថវិកា។ ថ្ងៃ​នេះ​ លោក​ ចាន់​ តារា​ អ្នក​ជំនាញ​ខាង​ចិញ្ចឹម​សត្វ​សុនក​ និង​ជា​អ្នក​ចែក​ចាយ​ពូជ​សុនក​ ផ្លូវ​ ១១០​ សហព័ន្ធ​រុស្សី​ ជិត​ផ្សា​ទឹក​ថ្លា​ បាន​មក​ចែក​រំលែក​បទ​ពិសោធ​មួយ​ចំនួន​អំពី​ការ​ជ្រើស​រើស​ និង​ការ​ចិញ្ចឹម​មើល​ថែ​សត្វ​ចិញ្ចឹម​របស់​អ្នក។ លោក​ តារា​បានឲ្យ​ដឹង​ថា​៖

មុន​នឹង​អ្នក​ចង់​ចិញ្ចឹម​សុនក​អ្នក​គួរ​យល់​ដឹង​ពី​ចំណុច​សំខាន់​មួយ​ចំនួន​ដូច​ជា ៖

១.​ យល់​ដឹង​ពី​របៀប​ចិញ្ចឹម​

សម្រាប់​អ្នក​ដែល​ចង់​ចិញ្ចឹម​សុនក​ពូជ​ថ្លៃ​ៗ​ អ្នក​គួរ​តែ​ប្រៀប​ខ្លួន​ដោយ​បាន​ស្រេច​ទាំង​ថវិកា​ និង​កម្លាំង​ចិត្ត​។ ចំពោះ​របៀប​នៃ​ការ​ចិញ្ចឹម​សុនក​នីមួយ​មាន​របៀប​ខុសៗ​ពី​គ្នា​ទៅ​តាម​ប្រភេទ​ពូជ​ដែល​អ្នក​គិត​ចង់​យក​មក​ចិញ្ចឹម​។​ ដូច​នេះ​អ្នក​គួរ​យល់​ពី​ទម្លាប់​ ការ​រស់​នៅ​ និង​អត្តចរិត​របស់​វា​ឲ្យ​បាន​ច្រើន​ជា​មុន​សិន។​

២.​ យល់​ដឹង​ពី​ការ​ថែ​ទាំ

​​​​​​បន្ទាប់​ពី​ទម្លាប់​នៃ​ការ​រស់​នៅ​ ការ​ថែទាំ​គឺ​ជា​រឿង​សំខាន់​ព្រោះ​ពូជ​សុនក​ដែល​នាំ​ចូល​ពី​បរទេស​មិន​ងាយ​ចិញ្ចឹម​ដូច​ជា​សុនក​ក្នុង​ស្រុក​ឡើយ​។​ ទាំង​ការ​ថែទាំ​ និង​ការ​ផ្ដល់​វ៉ាក់សាំង​ និង​ចំណី​អាហារ​អ្នក​គួរ​តែ​សួរ​នាំ​ពី​អ្នក​ចែក​ចាយ​សុនក​ឲ្យ​បាន​ច្បាស់​ជា​មុន​សិន។

៣.​​យល់​ដឹង​ពី​ប្រភេទ​ពូជ​សត្វ​ និង​តម្រូវ​ការ​របស់​អ្នក

មុន​នឹង​ទិញ​សត្វ​ចិញ្ចឹម​ចូល​ផ្ទះ​អ្នក​ត្រូវ​ដឹង​ច្បាស់​ពី​​តម្រូវ​ការ​របស់​ខ្លួន​អ្នក​ផ្ទាល់​ថា​ អ្នក​ចង់​បាន​ពូជ​កាច​សម្រាប់​ការពារ​ទ្រព្យ​ ឬ​ គ្រាន់​តែ​ចង់​បាន​កូន​តូច​គ្រាន់​តែ​លម្អ​ផ្ទះ​ ឬ​ដោយ​សារ​តែ​អ្នក​ឯកា​ហើយ​ចង់​ចិញ្ចឹម​សត្វ​ដើម្បី​ជា​គ្នា​កំដរ?​ ការ​បែង​ចែក​បែប​នេះ​បង្ក​ភាព​ងាយ​ស្រួល​ដល់​អ្នក​ដែល​ជា​ម្ចាស់​ និង​សុនក​ដូច​គ្នា។ ដោយ​សារ​តែ​សុនក​ពូជ​នី​មួយៗ​ មាន​អត្តចរិត​ខុស​ពី​គ្នា​។ ពូជ​ខ្លះ​ចូល​ចិត្ត​ប្រឡែង​លេង​​ពូជ​ខ្លះ​គិត​តែ​ដេក​ ពូជ​ខ្លះ​ចូល​ចិត្ត​ការ​ថ្នាក់​ថ្នម​ និង​ ពូជ​ខ្លះ​ទៀត​ចូល​ចិត្ត​បញ្ចេញ​កម្លាំង​។​

៤.​ ទីធ្លា​

បរិវេណ​សម្រាប់​សត្វ​ចិញ្ចឹម​គឺ​ជា​រឿង​សំខាន់​។ បើ​ផ្ទះ​របស់​អ្នក​មាន​ទីធ្លា​ធំ​ទូលាយ​នោះ​មិនមែន​ជា​បញ្ញា​ចោទ​អ្វី​ឡើយ​។​ តែ​សម្រាប់​អ្នក​ដែល​មាន​ទីធ្លា​តូច​អ្នក​គួរ​តែ​ជ្រើស​រើស​ពូជ​សុនក​សម​ស្រប​ទៅ​តាម​ទី​កន្លែង​របស់​អ្នក​ដូច​គ្នា។ ក្រៅ​ពី​នេះ​ការ​រៀប​ចំ​ពេល​វេលា​សម្រាប់​មើល​ថែ​ និង​លេង​ជា​មួយ​សត្វ​ចិញ្ចឹម​ក៏​ជា​រឿង​មួយ​ដែល​អ្នក​ត្រូវ​យក​ចិត្ត​ទុក​ដាក់​។ នៅ​ពេល​ដែល​អ្នក​ដាក់​ចិត្ត​ថា​ចង់​ចិញ្ចឹម​ពួក​គេ​អ្នក​ក៏​ត្រូវ​តែ​ត្រៀម​គ្រប់​យ៉ាង​ឲ្យ​ដូច​ជា​ការ​ត្រៀម​សម្រាប់​យក​កូន​ម្នាក់​ចូល​មក​នៅ​ក្នុង​ផ្ទះ​ដែរ។

៥.​ ចិត្ត​អំណត់

ការ​ចិញ្ចឹម​សត្វ​ប្រៀប​ដូច​ជា​ការ​មើល​ក្មេង​ម្នាក់​។​ ទាំង​រពឹស​ ទាម​ទារ​ចំណាប់​អារម្មណ៍​ ច្រណែន​គ្នា​ ពេល​ឃ្លាន​ក៏​យំ​ ទៅ​ណា​ក៏​តាម​គ្រប់​ជំហាន​។ សកម្មភាព​ទាំង​នេះ​អ្នក​នឹង​បាន​ជួយ​ជា​រៀង​រាល់​ថ្ងៃ​នៅ​ពេល​ដែល​អ្នក​មាន​សត្វ​ចិញ្ចឹម​នៅ​ក្នុង​ផ្ទះ។​ ដូច្នេះ​អ្នក​ត្រូវ​មាន​ចិត្ត​អំណត់​ កុំ​ឆេវឆាវ​ ព្យាយាម​ បង្ហាត់​បង្រៀន​ពួក​គេ​បន្តិច​ម្ដង​ ទោះ​ជា​ពួក​គេ​ដូច​កូន​ក្មេង​តែ​ពួក​គេ​ក៏​ឆ្លាត​​ បង្រៀន​ឆាប់​ចេះ​ និង​ស្តាប់​បង្គាប់​អ្នក​ណាស់។

ជាក់​ស្ដែង​ពូជ​សុនក​​ប្រភេទ​បរទេស​ គឺ​មាន​ការ​និយម​ចិញ្ចឹម​ច្រើន​ជាង​ពូជ​ស្រុក​ធម្មតា​ ដោយ​សារ​តែ​វា​មាន​រូប​រាង​ស្អាត​និង​មាន​ច្រើន​​បែប​ទៅ​តាម​តម្រូវ​ការ​របស់​ឪពុក​ម្ដាយ​សម័យ​ថ្មី។ លោកបាន​បន្ត​ទៀត​ថា​ “ចំពោះ​ពូជ​ដែល​មាន​ការ​និយម​យក​ទៅ​ចិញ្ចឹម​ខ្លាំង​ជាង​គេ​ គឺ​ពូជ​ Pom Pom , Mini Poodle និង​ Tiny Pub ។ ​ក្រៅ​ពី​ពូជ​ទាំង​បី​នេះ​ នៅ​ហាង​របស់​លោក​ក៏​មាន​សុនក​ពូជ​ដទៃ​ជាង​១០​ប្រភេទ​ទៀត​សម្រាប់​ចែក​ចាយ​​ ព្រម​ទាំង​ឧបករណ៍​សម្រាប់​ផ្គត់ផ្គង់​ដល់​កូន​ៗ​គ្រប់​ប្រភេទ​ផង​ដែរ។

ការ​ចិញ្ចឹម​សុនក​មិន​ខុស​អ្វី​ពី​ការ​បន្ថែម​សមាជិក​គ្រួសារ​ម្នាក់​ទៀត​នោះ​ទេ​ ។ មិន​ថា​អ្នក​ជ្រើស​រើស​ពូជ​អ្វី​មក​ចិញ្ចឹម​ឡើយ​ អ្នក​គួរ​តែ​ផ្ដល់​ក្ដី​ស្រឡាញ់​ ការ​ថែទាំ​ ដល់​គេ​ឲ្យ​បាន​ស្មើ​គ្នា ព្រោះ​សុនក​គឺ​ជា​សត្វ​ដែល​ស្រឡាញ់​ និង​ស្មោះ​ត្រង់​ជា​មួយ​ម្ចាស់​ខ្លាំង​បំផុត។ គ្រប់​គ្នា​នៅ​ជុំ​វិញ​ខ្លួន​របស់​អ្នក​អាច​ក្បត់​អ្នក​ តែ​សត្វ​ចិញ្ចឹម​គឺ​គ្មាន​ថ្ងៃ​ក្បត់​អ្នក​ជា​ដាច់​ខាត​ ៕


តារាល្បីៗ, ព័ត៌មានកម្សាន្ត, ព្រឹត្តិការណ៍

ធ្វើរឿងងាយ ២ យ៉ាងនេះ ទទួលបានរាងស្រឡូនស្អាតដូចអ្នកម៉ាក់សម័យថ្មី សិទ្ធី នីកា

ថ្វី​បើ​កំពុង​មមាញឹក​ខ្លាំង​ជាមួយ​ការងារ​សិល្បៈ និង​មាន​កូន​ប្រុស​គួរ​ឱ្យ​ស្រលាញ់​ម្នាក់​ហើយ​ក៏​ពិត​មែន ក៏​អ្នក​ម៉ាក់​សម័យ​ថ្មី អ្នកនាង សិទ្ធី នីកា នៅតែ​ស្រស់​ស្អាត​ខ្លាំង និង​មាន​រាង​ស្លីម​ស្រឡូន ចង្កេះ​មួយ​ក្តាប់
ទស្សនាចរ, ព័ត៌មានរសនិយម, ព្រឹត្តិការណ៍

តំបន់ទេសចរណ៍ ៥ ក្នុងខេត្តរតនគិរី ដែលកំពុងតែមានសក្ដានុពល

ចង់​ទៅ​លេង​ខេត្ត​រតនគិរី តែ​មិន​ដឹង​ថា​គួរ​ទៅ​លេង​នៅ​កន្លែង​ណា​ត្រូវ​អត់​? មិន​បាច់​បារម្ភ​ទៀត​ទេ សម្រាប់​ប្រិយមិត្ត​ដែល​ចូលចិត្ត​ធ្វើ​ដំណើរ​កម្សាន្ត​ទៅ​កាន់​កន្លែង​ថ្មី​ៗ ប្លែកៗ បែប​ធម្មជាតិ​ៗ AMS សូម​ណែនាំ​
ព័ត៌មានរសនិយម, ព្រឹត្តិការណ៍, ស្នេហានិងទំនាក់ទំនង

វិធីថែរក្សាទំនាក់ទំនងមិត្តភាព កុំឲ្យក្លាយជាស្នេហា

តើ​មាន​មនុស្ស​ប៉ុន្មាន​អ្នក​ដែល​ធ្លាក់​ក្នុង​អន្លង់​ស្នេហ៍​មិត្តភ័ក្ដិ​ខ្លួនឯង ហើយ​បាន​សារភាព តែ​ត្រូវ​ម្ខាង​ទៀត រហូត​ធ្វើឲ្យ​មើល​មុខ​គ្នា​លែង​ចំ។ ជា​ដំបូន្មាន សម្រាប់​អ្នក​ដែល​មាន​មិត្តភក្ដិ​ខ្លួនឯង គួរ​មក​ដឹង​ពី​៥
តារាល្បីៗ, ព័ត៌មានកម្សាន្ត, ព្រឹត្តិការណ៍

សេង រដ្ឋា ពីតួឯក មកនៅត្រឹមតួរងក៏បាន ឱ្យតែថ្មី ប្លែក សម្រាក់ទស្សនិកជន

អតីត​បវរកញ្ញា​រាង​ខ្ពស់​ស្រឡះ សម្បុរ​ស្រអែម​ស្រស់ សេង រដ្ឋា ត្រូវ​គេ​ដឹង​ថា ទើប​បោះ​ជំហាន​ចូល​វិស័យ​ភាពយន្ត​កាល​ពី​ពេល​ថ្មី​ៗ​នេះ​ដែរ​ទេ តែ​ក្តោប​បាន​តំណែង​តួឯក​ស្រី​ជា​ក្នុង​រឿង «បាប​ស្នេហ៍​អតីត»
ព័ត៌មានរសនិយម, ព្រឹត្តិការណ៍, ស្នេហានិងទំនាក់ទំនង

បើ​​ឆ្លង​ផុត​ការ​ឈឺ​ចាប់​​ ៣​ ​យ៉ាង​នេះ​បាន អ្នក​នឹង​ក្លាយ​ជា​មនុស្ស​រឹងមាំ​អាច​ទប់ទល់​បាន​គ្រប់​ឧបសគ្គ​

នារីៗ​ដែល​បាន​ឆ្លងកាត់​ភាព​ឈឺចាប់​ទាំង​ ៣​ ខាង​ក្រោម​នេះ​ហើយ​ នឹង​ដឹង​ថា​ខ្លួន​មាន​ភាពរឹងមាំ​កម្រិត​ណា។​ ពេល​ឆ្លងកាត់​លើក​ដំបូង​ពិត​ជា​ឈឺចាប់​ និង​ធ្ងន់ធ្ងរ​ណាស់​សម្រាប់​យើង​ជា​មនុស្ស​ស្រី
ព័ត៌មានកម្សាន្ត, ព្រឹត្តិការណ៍, ភាពយន្តនិងតន្រ្តី

ផលិតករ ហ៊ុយ យ៉ាឡេង ពេញចិត្តឱ្យគេហៅថា «ផលិតករសុំទាន»

មាន​ការ​ភ្ញាក់ផ្អើល​មួយ​បាន​កើតឡើង ដោយ​ថ្មី​ៗ​នេះ​គេ​បាន​ឃើញ លោក ហ៊ុយ យ៉ាឡេង ដែល​ជា​ផលិតករ និង​ជា​អ្នក​ដឹក​នាំ​រឿង បាន​ហៅ​ខ្លួនឯង​លើ​បណ្តេញ​សង្គម​ហ្វេសប៊ុក​ថា «ខ្ញុំ​ជា​ផលិតករ​សុំ​ទាន»។
ចង់ដឹងរឿងគេ, ព័ត៌មានកម្សាន្ត, ព្រឹត្តិការណ៍

គួរឲ្យស្ដាយ! យឹម តាស្រង់ សម្រេចចិត្តដើរចេញពី Galaxy

លោក យឹម តាស្រង់ ដែល​ជា​អ្នក​និពន្ធ​បទ​ចម្រៀង ហើយ​ក៏​ជា​អ្នក​គ្រប់គ្រង​ផលិតកម្ម Galaxy បាន​សម្រេចចិត្ត​ចាកចេញ​ពី​ផលិតកម្ម ដើម្បី​ឈាន​ទៅ​បើក​អាជីវកម្ម និង​បើក​ជា​ក្រុមហ៊ុន​ផ្ទាល់​ខ្លួន។ នេះ​បើ​
ព័ត៌មានកម្សាន្ត, ព័ត៌មានកម្សាន្តប្លែកៗ, ព្រឹត្តិការណ៍

មក​ស្គាល់​សត្វ​មួយ​ប្រភេទ ដែល​ដេក​បើក​ភ្នែក​មួយ​ចំហៀង

សត្វ Dophins ត្រូវ​បាន​គេ​ស្គាល់​ថា​ជា​សត្វ​ដ៏​ឆ្លាត​វៃ​បំផុត​មួយ​នៅ​លើ​ភព​ផែនដី ​ដោយ​សារ​តែ​ពួក​វា​មាន​សមត្ថភាព​រក្សា​ថាមពល​ក្នុង​ខួរក្បាល​របស់​ពួកវា។ សត្វ Dophins មាន​របៀប​ដេក​ខុស​គ្នា​ឆ្ងាយ​ពី​របៀប​ដែល…
DIY, ព័ត៌មានរសនិយម, ព្រឹត្តិការណ៍

ការ​ពិត​មួយ​ដែល​អ្នក​គួរ​ដឹង បើ​ដាក់​អីវ៉ាន់​ពេញៗ​ទូ​ទឹកកក

ទូទឹកកក​គឺ​ជា​ឧបករណ៍​ប្រើប្រាស់​ថាមពល​ដ៏​ច្រើន​បំផុត​មួយ​នៅ​ក្នុង​ផ្ទះ ខណៈ​បច្ចុប្បន្ន​នេះ​ក្រុមហ៊ុន​ផលិត​ទូរ​ទឹកកក​ម៉ាក​ថ្មីៗ​កំពុង​ច្នៃ​ប្រឌិត​ឥត​ឈប់ឈរ​​ដើម្បី​សន្សំ​សំចៃ​ថាមពល​តាម​ដែល​អាច​ធ្វើ​ទៅ​បាន។ ទូរ​ទឹកកក​​មិន​ត្រឹមតែ…
ព័ត៌មានរសនិយម, ព្រឹត្តិការណ៍, សុខភាពនិងសម្រស់

ទម្លាប់​អាក្រក់​ទាំង ៤ ដែល​ធ្វើ​ឱ្យ​អ្នក​តែងតែ​អស់​កម្លាំង

ការ​ហត់​នឿយ​ផ្លូវ​ចិត្ត និង​ផ្លូវ​កាយ និង​ភាព​នឿយហត់​គឺ​ជា​រឿង​ធម្មតា​សម្រាប់​មនុស្ស​គ្រប់​គ្នា ដែល​វា​កើត​ឡើង​ពី​ទង្វើ​មិន​ល្អ​មួយ​ចំនួន​ដែល​អ្នក​បាន​ធ្វើ។ តែ​យ៉ាង​ណា​បើ​ទង្វើ​មួយ​នោះ​ក្លាយ​ទៅ​ជា​ទម្លាប់​វិញ…