ចូលឆ្នាំហើយខ្លោចស្បែក សាកមកមើលពី ៧ វិធីដើម្បីថែស្បែកឡើងវិញ

ក្នុងរដូវកាលចូលឆ្នាំខ្មែរនេះគឺជាពេលដែលប្រជាជនយើងធ្វើដំណើតកម្សាន្ត លេងល្បែងប្រជាប្រិយ លេងបាញ់ទឹក ឬប៉ាតម្សៅ ហើយក៏ជាខែក្ដៅផងដែរ។ ស្រប់ពេលនេះវាអាចធ្វើឱ្យស្បែករងផលប៉ះពាល់យ៉ាងខ្លាំងដល់ស្បែកដូចជារលាកជាមួយពន្លឺថ្ងៃ ឡើងស្ងួត របក ឬក្ដៅក្រហាយជាដើម។ ដូច្នេះថ្ងៃនេះ AMS នឹងចែករំលែកនូវ ៧ វិធី ដើម្បីថែរក្សាស្បែកឡើងវិញក្រោយដើរលេងចូលឆ្នាំ៖

១. ព្យាយាមកុំឱ្យត្រូវពន្លឺព្រះអាទិត្យ៖ ក្រោយដើរលេងហើយ យើងគួរជៀសវាងកុំស្បែកស្បែកត្រូវពន្លឺព្រះអាទិត្យ ជាពិសេសចន្លោះម៉ោង ១០ ព្រឹកដល់ម៉ោង ៥​ ល្ងាចដែលវាអាចធ្វើឱ្យស្បែកកាន់តែខ្មៅខ្លាំងជាងមុនទៀត។ ដូច្នេះប្រសិនបើចង់ចេញទៅក្រៅត្រូវលាបឡេការពារកម្ដៅថ្ងៃ ពាក់អាវដៃវែង ឬបាំងឆ័ត្រដើម្បីការពារកាំរស្មី UVA និង UVB។

២. ប្រើជែលប្រទាលកន្ទុយក្រពើ៖ ប្រទាលកន្ទុយក្រពើត្រូវបានគេចាត់ទុកជាឱសថដែលអាចជួយព្យាបាលការរលាកដោយសារកម្ដៅថ្ងៃបានយ៉ាងល្អ។ មិនត្រឹមតែជួយព្យាបាលស្បែកពីការរលាក វាក៏អាចជួយបន្ថែមសំណើមផងដែរ។ ដូច្នេះយើងគ្រាន់តែលាបជែលប្រទាលកន្ទុយក្រពើចោលលើស្បែកប្រហែល ១៥ ទៅ ២០​ នាទីរួចលាងទឺកចេញ ហើយប្រើឱ្យញឹកញាប់នឹងជួយកាត់បន្ថយអារម្មណ៍ក្រហាយ និងស្បែកឆាប់ ស ភ្លឺថ្លាមកវិញ។

៣. ប្រើផលិតផលមានវីតាមីន E៖ ក្នុងអំឡុងពេលនេះយើងគួរជៀសវាងប្រើប្រាស់ផលិតផលដែលមានតួនាទីជម្រុះកោសិកាព្រោះវាអាចធ្វើឱ្យស្បែកកាន់តែរលាកខ្លាំងជាងនេះ។ ដូច្នេះយើងគួរប្រើផលិតផលណាដែលមានផ្ទុកនូវវីតាមីន E ព្រោះវិតាមីនមួយនេះនឹងជួយឱ្យព្យបាលស្បែកខ្មៅ និងរលាកឱ្យប្រែមកមានសុខភាពល្អវិញ។

៤. ហាមខាត់ស្បែករយៈពេល ២ សប្ដាហ៍៖ ក្នុងរយៈពេល ១ ទៅ ២ សប្ដាហ៍ដំបូងគឺហាមខាត់ស្បែក ឬប្រើផលិតផលជម្រុះកោសិកាផ្សេងៗដូចជា AHA BHA ឬ Glycolic Acid ព្រោះវាអាចធ្វើឱ្យស្បែកកាន់តែងាយរលាក និងខូចលឿនជាងមុន។  ប៉ុន្តែក្រោយរយៈពេល ២ សប្តាហ៍ យើងអាចចាប់ផ្តើមខាត់ស្បែកដោយជ្រើសរើសគ្រឿងផ្សំធម្មជាតិដូចជាម្សៅរមៀត អំពិលទុំ ទឹកឃ្មុំ ឬប្រេងដូងបានដោយសារ​នឹងជួយឱ្យ​ប្រែ​ជា​ភ្លឺ​ថ្លា​បន្តិចម្តងៗ។

៥. ញ៉ាំបន្លែ ផ្លែឈើ៖ ការថែទាំពីខាងក្រៅមានសារៈសំខាន់ ប៉ុន្តែការថែទាំពីខាងក្នុងក៏យើងមិនអាចរំលងបានដែរ។ ការញ៉ាំបន្លែផ្លែឈើក៏មានអត្ថប្រយោជន៍ជួយព្យាបាលស្បែកពីខាងក្នុងដែរដូចជាបន្លែស្លឹកបៃតងអាចជួយឱ្យកោសិកាធ្វើការបានល្អប្រសើរ បន្លែពណ៌លឿង និងទឹកក្រូចសម្បូរដោយសារធាតុបេតការ៉ូទីន។ លើសពីនេះ​បន្លែ​ផ្លែឈើ​ពណ៌​ក្រហមក៏​មាន​សារធាតុ​ប្រឆាំង​អុកស៊ីតកម្ម និង​វីតាមីន C ដែលជួយ​ស្តារ និង​ចិញ្ចឹម​ស្បែក​ឱ្យ​មាន​សុខភាព​ល្អ ភ្លឺថ្លាពីខាងក្នុង ក៏ដូចជាដើរតួជារបាំងការពារស្បែកផងដែរ។

៦. ញ៉ាំទឹកឱ្យច្រើន៖ ការដើរលេង ឬលេងទឹកក្រោមពន្លឺព្រះអាទិត្យមិនត្រឹមតែអាចធ្វើឱ្យស្បែករលាកនោះទេ ប៉ុន្តែវាក៏អាចស្រូបយកជាតិទឹកយ៉ាងច្រើនពីក្នុងស្បែកផងដែរ។ ដូច្នេះយើងគួរតែផឹកទឹកឱ្យច្រើនដើម្បីបំពេញជាតិទឹកដែលបានបាត់បង់ ឬយ៉ាងតិចបំផុត ៨ ទៅ ១០​ កែវក្នុងមួយថ្ងៃ។ ប៉ុន្តែយើងក៏អាចផឹកទឹកដូងជំនួសព្រោះវាមានអរម៉ូនអឹស្រ្តូសែនដែលអាចជួយឱ្យស្បែកភ្លឺថ្លា និងរលោងតាមបែបធម្មជាតិ។

៧. ញ៉ាំវីតាមីន C សម្រាប់​អ្នកដែល​ចង់​បាន​ស្បែក​ស្អាត​ឆាប់ ការទទួលទានតែបន្លែផ្លែឈើគឺមិនទាន់គ្រប់គ្រាន់នោះទេ។ ដូច្នេះការទទួលទានវីតាមីន C បន្ថែមពីលើគឺជាជម្រើសមួយដ៏ល្អព្រោះវាអាច​ជួយ​ស្ដារ​ស្បែក​ដែល​ខូច​ឲ្យ​មាន​សុខភាព​ល្អ រួមទាំងជួយកាត់បន្ថយស្នាមអុចខ្មៅ អាចម៍រុយ និងធ្វើអោយស្បែកស ភ្លឺថ្លាលឿនជាងមុន៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ស្ត្រីខ្មែរម្នាក់នេះជាម្ចាស់ quote ក្នុងរឿង «​រាជិនី​សារព័ត៌មាន​» របស់ TVB ហុងកុង

សម្រង់​សម្ដី​របស់​អ្នក​សារព័ត៌មាន​កម្ពុជា​ម្នាក់​ត្រូវ​បាន​ដាក់​បញ្ចូល​នៅ​ក្នុង​​ខ្សែ​ភាពយន្ត​រឿង​«​រាជិនី​សារព័ត៌មាន​» ឬ Queen of News ។ ខ្សែ​ភាព​យន្ត​ដែល​លាត​ត្រដាង​ពី​វិស័យ​សារព័ត៌មាន​មួយ​

បវរកញ្ញា-បុរសឯកកម្ពុជា ២ រូប ឈ្នះជយលាភីពីអន្តរជាតិថែមទៀតហើយ!

បវរកញ្ញា-បុរសឯកកម្ពុជា ២ រូបទៀតរួមមានលោក ធិ ធារ៉ា និង កញ្ញា ម៉ៅ នីង បានសាងមោទនភាពថ្មី សម្រាប់ប្រទេសកម្ពុជាលើឆាកអន្តរជាតិ ក្រោយអ្នកទាំង ២ បានឈ្នះតំណែងជយលាភី

ចាប់ដៃសហការគ្នាម្ដងទៀត! ត្រលប់មកវិញលើកនេះ Kim Woobin និង Suzy សម្ដែងបែបរឿងកំប្លែង

ក្រោយសម្ដែងរឿងរួមគ្នាក្នុងឆ្នាំ ២០១៦ “Uncontrollably Fond” តារាប្រុស Kim Woobin និងតារាស្រី Suzy កាន់តែទទួលបានការចាប់អារម្មណ៍ខ្លាំង។ ប៉ុន្ដែអ្វីដែលធ្វើឲ្យមហាជនហាក់មិនអស់ចិត្ដនោះ គឺចុងបញ្ចប់នៃរឿងមិនបានជួបជុំគ្នា ដែលធ្វើឲ្យអ្នកទស្សនាខ

ស៊ីន ជេននី បកស្រាយរឿងបានទៅដើរលើកម្រាលព្រំក្រហមមហោស្រព Cannes

ឆ្នាំ​នេះ​មហាជន​ពិតជា​ភ្ញាក់ផ្អើល​ពេល​ឃើញ​វត្តមាន​តារា​ស្រី​ជើង​ថ្មី ស៊ីន ជេននី ដែលជា​ប្អូន​ស្រី​របស់​កំពូល​តារា​ស្រី​ប្រចាំ​កម្ពុជា ស៊ីន យូប៊ីន ក៏​បាន​ដើរ​លេង​កម្រាល​ព្រំ​ក្រហម​នៃ​មហោស្រព​ភាព

មិនធម្មតា! សិល្បករខ្មែរប៉ុន្មានរូបនេះ មានវត្តមានក្នុងកម្មវិធីកម្រាលព្រំក្រហមនៅបារាំង

សិល្បករ​វ័យ​​ក្មេង​ច្រើន​រូប​របស់​កម្ពុជា ​បាន​បង្ហាញ​វត្តមាន​នៅ​ក្នុង​​​មហោស្រព​ភាពយន្ត​ Cannes លើក​ទី​៧៧ នៅ​ឯ​ប្រទេស​បារាំង​​។​ នេះ​ជា​មោទកភាពកម្ពុជា ​ចំពោះ​ការ​បង្ហាញ​គ្រាប់​ពេជ្រ​

ចប់មង្គលការ Tempo Tris បង្ហោះសារមានន័យ ដើម្បីបញ្ជាក់ភាពច្បាស់លាស់ចំពោះគូស្នេហ៍

សិល្បករមួយរូបទៀតហើយ ដែលបានដឹកដៃគូស្នេហ៍ចូលរោងជ័យក្នុងឆ្នាំ ២០២៤ នេះ នោះគឺតារាចម្រៀង និងជាអ្នកនិពន្ធទំនុកច្រៀង Tempo Tris ដែល​មាន​ឈ្មោះពិតថា ដួង រស្មី។ មង្គលការ

ស្អាតដូចព្រះនាង! Yoona និង Han SoHee បង្អួតសម្រស់ក្នុងកម្មវិធីមហោស្រពភាពយន្ដ Cannes

នៅថ្ងៃទី ២០ ខែ ឧសភា ឆ្នាំ ២០២៤ តារាសម្ដែងស្រីកូរ៉េល្បី ២ រូបគឺ Yoona និង Han SoHee បានបង្ហាញវត្ដមាននៅក្នុងកម្មវីធីមហោស្រពភាពយន្ដ Cannes លើកទី ៧៧ នៅឯទឹកដីប្រទេស បារាំង។ វត្ដមានរបស់តារាស្រីឆ្នើមទាំងពីរបានក្លាយ

ជីវិតតួស្រីរឿង F4 និងអតីតស្វាមី ក្រោយលែងលះ ប្រែប្រួលខ្លាំងសឹងមិនគួរឱ្យជឿ

យោងតាមប្រភពព័ត៌មាន Nate បានឲ្យដឹងថា ជីវិតរបស់អតីតគូស្វាមីភរិយាកូរ៉េ តារាស្រី Goo HyeSun និងតារាប្រុស Ahn JaeHyun គឺមានការប្រែប្រួលខ្លាំងស្ទើរមិនជឿ ជាពិសេសទាក់ទិននឹងបញ្ហាហិរញ្ញវត្ថុ។ ស្របពេលដែលការរស់នៅប្រចាំថ្ងៃក៏មើលទៅហាក់មានការលំបាក និងស្មុគស្មាញផងដែរ។

តារាចម្រៀង កែវ ច័ន្ទដាលីន ស្អាតខ្លាំងក្នុងពិធីភ្ជាប់ពាក្យលក្ខណៈគ្រួសារ!

អតីតបេក្ខភាព X-Factor Cambodia  រដូវកាលទី១  និងជាអតីតបេក្ខភាព I Am A Singer Cambodia  រដូវកាលទី​២ បានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង ក្រោយភ្ជាប់ពាក្យស្ងាត់ៗ

២ ឈុត ស៊ីន យូប៊ីន បញ្ចេញភាពទាក់ទាញ និងភាពទំនើប នៃមហោស្រពភាពយន្ត Cannes

តារា​សម្ដែង​ជួរ​មុខ​កម្ពុជា ស៊ីន យូប៊ីន កំពុង​មាន​វត្តមាន​ក្នុង​កម្មវិធី​មហោ ស្រពភាពយន្ត Cannes លើក​ទី​៧៧។ យូប៊ីន ពិតជា​មិន​ធ្វើឲ្យ​អ្នក​គាំទ្រ​ភ្ញាក់ផ្អើល​នឹង​សម្រស់ ព្រម​ទាំង​ការ​តុប