ទម្លាប់ល្អទាំង ៧ ជួយបង្រួមរន្ធញើស និងកម្ចាត់មុន

ការថែទាំសុខភាពស្បែកមុខត្រឹមផលិតផលថែរក្សាសម្រស់គឺមិនទាន់គ្រប់គ្រាន់នៅឡើយទេ។ ក្នុងនោះក៏ត្រូវរួមបញ្ចូលជាមួយទម្លាប់នៃការរស់នៅមួយចំនួនផងដែរ។ ដូច្នេះថ្ងៃយើងនឹងចែករំលែកពីទម្លាប់ល្អខ្លះៗដែលជួយបង្រួមរន្ធញើស និងកម្ចាត់មុនតាមបែបធម្មជាតិ៖

១. ឧស្សាហ៍លាងសម្អាតមុខ៖ យោងតាមអ្នកជំនាញ ការលាងមុខគឺជាជំហានថែរក្សាស្បែកដ៏សំខាន់បំផុតដើម្បីបង្រួមរន្ធញើស និងកាត់បន្ថយការឡើងមុន។ ដូច្នេះយើងគួរតែលាងមុខជាមួយប្រភេទសាប៊ូដែលមានសាច់ស្រាល ២ ដងក្នុងមួយថ្ងៃ។ ជាពិសេសនៅពេលយប់មុនចូលគេង ដើម្បីកម្ចាត់ភាពកខ្វក់បានជ្រៅ បង្រួមរន្ធញើស និងធ្វើឱ្យស្បែកភ្លឺរលោង។

២. ជម្រុះកោសិកា ២ ដងក្នុងមួយសប្ដាហ៍៖ ទម្លាប់នៃការជម្រុះកោសិកាចាស់ៗក៏មិនអាចបានដែរ បើមិនដូច្នោះស្បែកនឹងឡើងខ្មៅស្រអាប់ ហើយរន្ធញើសច្បាស់ជារីកកាន់តែធំជាមិនខាន។ ដូច្នេះប្រសិនបើចង់ឱ្យស្បែកកាន់តែឆាប់ស្អាតយើងអាចធ្វើស្រ្កាប់ជម្រុះដោយខ្លួនឯង ឬជ្រើសរើសផលិតផលណាដែលត្រូវជាមួយប្រភេទស្បែក។

៣. ថ្នមកម្លាំងដៃ៖ ការលុបលាងមុខ ឬ​ជម្រុះកោសិកាគឺ​សំខាន់​ទាំង​ពីរ​ក្នុង​ការ​បង្រួម​រន្ធ​ញើស និងធ្វើ​ឱ្យ​ស្បែក​រលោង​ជាង​មុន។ ប៉ុន្តែប្រសិនបើយើងប្រើកម្លាំងដៃខ្លាំងពេកនឹងធ្វើឱ្យស្បែកទទូលរងកម្លាំងកកិត ជាពិសេសប៉ះពាល់ដល់រន្ធញើសតែម្ដង។ អ្នកជំនាញក៏បានណែនាំដែរថាមិនត្រឹមតែកត្តាសំខាន់ពីរនេះនោះទេ សូម្បីតែការប្រើប្រាស់ផលិតផលថែរក្សាសម្ផស្សក៏ត្រូវថ្នមដៃដើម្បីឱ្យកាន់តែមានភាពភ្លឺរលោង និងក្មេងជាងវ័យ។

៤. ប្រើផលិតផលផ្ដល់សំណើម៖ ការផ្ដល់សំណើមគ្រប់គ្រាន់ដល់ស្បែកពិតជាមានសារៈសំខាន់ ដោយសារវាអាចជួយកាត់បន្ថយហានិភ័យលើផ្ទៃមុខដូចជាស្ងួត ប្រេះ និងរលាកជាដើម។ ជាពិសេសនៅពេលស្បែកឡើងស្ងួត វានឹងផលិតជាតិប្រេងច្រើនខ្លាំងដែលធ្វើឱ្យងាយកើតមុន។ ដូច្នេះយើងគួរតែផ្ដល់សារធាតុចិញ្ចឹមដល់ស្បែកឱ្យបានគ្រប់គ្រាន់ទាំងព្រឹក និងយប់ដោយប្រើប្រាស់ផលិតផលដែលត្រូវនឹងប្រភេទស្បែក។

៥. លាបក្រែមការពារកម្ដៅថ្ងៃ៖ ព្រះអាទិត្យអាចបណ្តាលឱ្យមានស្នាមជ្រួញ និងស្នាមអុជខ្មៅលើស្បែក។ ខណៈកាំរស្មី UV នឹងបំបែកអេឡាស្ទីន និងខូឡាជែនដែលធ្វើឱ្យរន្ធញើសកាន់តែធំ។ ដូច្នេះទើបគ្រូពេទ្យជំនាញខាងសើស្បែកផ្ដល់យោបល់ឱ្យប្រើក្រែមការពារកម្តៅថ្ងៃដែលមាន SPF 30 ឡើងនឹងជួយឱ្យស្បែករឹងមាំ ពន្យឺតភាពចាស់មុនអាយុ និងការពារការរីកឡើងនៃរន្ធញើស។

៦. ផឹកទឹក៖ ការផឹកទឹកឱ្យច្រើន ឬគ្រប់គ្រាន់គឺជាទម្លាប់ដ៏ល្អសម្រាប់ទាំងសុខភាពរាងកាយទាំងមូល និងសុខភាពស្បែក។ ទឹកដើរតួបានយ៉ាងល្អក្នុងការផ្ដល់សំណើមពីខាងក្នុង និងជួយបង្រួមរន្ធញើសបែបធម្មជាតិទៀតផង។ បន្ថែមពីលើទឹក យើងក៏អាចបំពេញជាតិសំណើមឱ្យស្បែកតាមរយៈការទទួលទានបន្លែបៃតង និងផ្លែឈើស្រស់ឱ្យបានច្រើនផងដែរ។

៧. ប្រើប្រាស់ម៉ាស៖ បើនិយាយដល់ការថែរក្សាស្បែកមុខ យើងមិនអាចរំលងម៉ាសបានឡើយ។ ដោយសារម៉ាសគឺជាមធ្យោបាយដ៏មានប្រសិទ្ធភាពក្នុងការធ្វើឱ្យស្បែករលោង និងស្រស់ស្អាតជាងមុន។ ដូច្នេះយើងត្រូវជ្រើសរើសម៉ាសណាមួយដែលសក្ដិសមជាមួយប្រភេទស្បែកដើម្បីឱ្យកាន់តែឆាប់មានប្រសិទ្ធភាព។ ជាពិសេសអ្នកមានស្បែកខ្លាញ់ មានរន្ធញើសធំគួរជ្រើសយក clay mask ដែលអាចស្រួបយកជាតិខ្លាញ់បានល្អ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

កូនខ្មែរកាត់រុស្ស៊ី ឌៀប សុហ្វៀរ៉ា សិល្បករស្រករក្រោយ កំពុងត្រូវប៉ាន់ការងារសិល្បៈ

ប្រិយមិត្តអ្នកនិយមតាមដានរឿងរ៉ាវសិល្បៈពិតជាបានស្គាល់ កូនខ្មែរកាត់រុស្ស៊ី យុវតី ឌៀប សុហ្វៀរ៉ា ដែលនាងជាសិល្បករ​ស្រករក្រោយម្នាក់ កំពុងផ្ទុះការចាប់អារម្មណ៍យ៉ាងខ្លាំង​ក្រោយឈ្នះ

មកស្គាល់បុរសនៅពីក្រោយ ការបង្កើតតុក្កតាចម្លែក Labubu ដែលកំពុងពេញនិយម

ប្រិយមិត្ដជាច្រើនប្រហែលជាបានឃើញតុក្កតាបិសាចចម្លែកមួយប្រភេទ ដែលកំពុងពេញនិយមលើបណ្ដាញសង្គមមានឈ្មោះថា Labubu។ Labubu ជាតួអង្គតុក្កតាមួយ​បង្កើត​ឡើងដោយ

សិក្ខាសាលាផលិតវីដេអូកុមារលើកទី១ របស់ SEAVFC ២០២៤ បញ្ចប់ដោយក្ដីរីករាយពីឪពុកម្ដាយ

កាលពីថ្ងៃទី១៦ ខែមិថុនាកន្លងទៅនេះ «មហោស្រពភាពយន្តវីដេអូសម្រាប់កុមារអាស៊ីអាគ្នយ៍» (Southeast Asia Video Festival for Children - SEAVFC) បានរៀបចំ

សន្ទុះគាំទ្រខ្លាំង! ភាពយន្តខ្មែររឿង «​បណ្ដាសានាងរាត្រី» រកចំណូលបានច្រើនបំផុតនៅតៃវ៉ាន់

សន្ទុះ​នៃ​ការ​គាំទ្រ​​ភាពយន្ត​ខ្មែរ​រឿង​ «​​បណ្ដាសា​នាង​រាត្រី​» បាន​បំបែក​កំណត់​ត្រា​ប្រវត្តិសាស្ត្រ​ក្នុង​ប្រទេស​តៃវ៉ាន់ ​​ក្លាយជាភាពយន្តដែល​រក​ចំណូល​បាន​ច្រើន​បំផុត​ពី​ការ​លក់​សំបុត្រ​ចូល​

Stray Kids ត្រៀមវាយលុកតារាងតន្ត្រីកូរ៉េ និងពិភពលោកជាមួយអាល់ប៊ុមទី៩

កាលពីថ្ងៃ១៩ ខែមិថុនា ផលិតកម្ម JYP Entertainment បានប្រកាសឱ្យដឹងថា អាល់ប៊ុមទី៩ របស់ក្រុម Stray Kids មានចំណងជើងថា "ATE" ដោយនឹងបង្ហាញពីថាមពលរីករាយរបស់

សុភាពនារីមាន ៣ ចំណុចនេះ អាចដាក់ពាក្យចូលប្រកួតកម្មវិធី Miss Cambodia 2024 បានហើយ!

ស្របពេលដែលកម្មវិធីប្រកួត Miss Cambodia 2024 នៅបន្តបើកទទួលពាក្យជ្រើសរើសបេក្ខនារី រហូតដល់ចុងខែកក្កដា ឆ្នាំ ២០២៤ សំណាង អេលីណា Miss International Cambodia

ទម្លាយគម្រោងបន្តរបស់សមាជិក BLACKPINK ក្រោយរកទ្រនំបានរៀងៗខ្លួន

បន្ទាប់ពីចែកផ្លូវគ្នាដើម្បីផ្ដោតលើការងារទោលរៀងៗខ្លួនជាង១ឆ្នាំ នៅពេលនេះមានសេចក្ដីរាយការណ៍ថាសមាជិកទាំង ៤ របស់ក្រុម BLACKPINK មានគម្រោងជួបជុំគ្នាម្តងទៀតសម្រាប់

គូស្នេហ៍ យ៉ាងគួ សៀវឡុងនី កំពុងត្រូវសង្ស័យដើរដល់ផ្លូវបញ្ចប់ ក្រោយរៀបការ ៨ ឆ្នាំ

កាលពីឆ្នាំ ២០១៤ រឿងភាគល្បី The Romance Of The Condor Heroes បានធ្វើឲ្យតារាសម្ដែងប្រុសចិន Chen Xiao និងតារាស្រី Michelle Chen ដែលជាតួឯក បានលង់ស្រឡាញ់គ្នា និងចាប់ដៃគ្នាចូលរោងមង្គលសាងគ្រួសារយ៉ាងមានសុភមង្គល។

បាត់មួយរយៈ ពេលនេះ Kara ប្រកាសត្រលប់មកឆាកតន្ត្រីវិញនៅខែក្រោយ

ក្រុមចម្រៀងស្រីខេប៉ុបជំនាន់ទី២ដ៏ល្បីល្បាញ Kara បានប្រកាសត្រលប់មកឆាកតន្ត្រីវិញក្នុងខែកក្កដា ដែលជាការ Comeback លើកដំបូងក្នុងរយៈពេលមួយឆ្នាំ និងប្រាំបីខែ

Fan Page ទទូចឱ្យ ឈុំ ចាន់ដារ៉ា ចូលប្រកួត Miss Cambodia 2024 ក្រោយខកឱកាសទៅប្រកួតនៅប៉ូឡូញ

បវរកញ្ញារូបស្រស់ ឈុំ ចាន់ដារ៉ា បានខកខានឱកាសតំណាងកម្ពុជាទៅប្រកួតកម្មវិធី Miss Supranational 2024 នៅប្រទេសប៉ូឡូញ បាត់ទៅហើយ ធ្វើឱ្យហ្វេនៗ និងអ្នកនិយមគាំទ្រ

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *