ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
ទូកងមានឈ្មោះបោះសំឡេង នរិន្ទរង្សីពិជ័យចិត្របុត្រ ដែលកំពុងតែវាយលុក New Feed ទាំងហ្វេសប៊ុក និង Tik Tok របស់វត្តឯករង្សី ស្រុកឯកភ្នំ នឹងបង្ហាញខ្លួន ចូលរួមការប្រកួតប្រណាំង ក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅរាជធានីភ្នំពេញ។
ទូកនរិន្ទរង្សីពិជ័យចិត្របុត្រ ក្រោយទទួលបានជ័យជម្នះលើផ្ទៃទឹកក្នុងកម្មវិធីបុណ្យអុំទូក នាថ្ងៃចេញព្រះវស្សា កាលពីសប្ដាហ៍មុន បានផ្ទុះការចាប់អារម្មណ៍ខ្លាំងម្ដងទៀត ដោយសារល្បឿនទូកលឿនខ្លាំង ព្រមជាមួយអ្នករាំក្បាលទូលដ៏មានឥទ្ធិពល។ មួយវិញទៀតចំណុះទូក ភាគច្រើនគឺជាយុវជនក្មេងៗជំនាន់ក្រោយដែលស្រលាញ់ និងចង់ថែរក្សាវប្បធម៌ ជាង ៧០ នាក់។
នេះលេខ១ របស់ខេត្តបាត់ដំបងមួយនេះ មានឈ្មោះបោះសំឡេង និងល្បីល្បាញតាំងពីឆ្នាំមុនមកម្ល៉េះ ហើយឆ្នាំនេះអ្នកគាំទ្រការប្រណាំងទូក បានកត់សម្គាល់ឃើញថា នរិន្ទរង្សីពិជ័យចិត្របុត្រ អាចនឹងបន្តក្នុងចំណាត់ថ្នាក់កំពូល ឬយ៉ាងហោចណាស់ក៏ Top 3 ដែរ។ ទូករបស់វត្តឯករង្សី ស្រុកឯកភ្នំ មួយនេះបានយកជ័យជម្នះ ក្នុងល្បឿនដ៏អស្ចារ្យ ធ្វើឲ្យអ្នកទស្សនាផ្ទាល់ពិតជាជក់ចិត្ត និងកោតស្ញប់ស្ញែងពីការខិតខំប្រឹងប្រែង។
បើតាមការឲ្យដឹងពីរដ្ឋបាលខេត្តបាត់ដំបង បានឲ្យដឹងថា បន្ទាប់ពីផ្ដួលដៃគូប្រកួត រហូតទទួលបានជោគជ័យលើដងស្ទឹងសង្កែ ក្នុងពិធីប្រណាំងទូក ខេត្តបាត់ដំបង កាលពីថ្ងៃ ១៦ និង ១៧ ខែតុលា កន្លងទៅ និងជាប់ជ័យលាភីលេខ១ ទូកនរិន្ទរង្សីពិជ័យចិត្របុត្រ របស់វត្តឯករង្សី ស្ថិតក្នុងឃុំព្រែកនរិន្ទ ស្រុកឯកភ្នំ នឹងចូលរួមប្រកួតនាពេលដ៏ខ្លីខាងមុខនេះ នៅក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅរាជធានីភ្នំពេញនាថ្ងៃ ១៤ ១៥ ១៦ ខែវិច្ឆិកា ឆ្នាំ ២០២៤។
ក្នុងឱកាសនៃការចុះជួបសំណេះសំណាលជាមួយក្រុមកីឡាករ ចំណុះទូកនរិន្ទរង្សីពិជ័យចិត្របុត្រ កាលពីថ្ងៃ ២១ ខែតុលា ឆ្នាំ ២០២៤ ឯកឧត្ដម សុខ លូ អភិបាល នៃគណៈអភិបាលខេត្តបាត់ដំបង និងក្រុមការងារ បានអញ្ជើញ ជួបសំណេះសំណាល សួរសុខទុក្ខ និងនាំយកអំណោយឧបត្ថម្ភជូនកីឡាករ ចំណុះទូកង” នរិន្ទរង្សីពិជ័យចិត្របុត្រ” នៅវត្តឯករង្សី ស្ថិតក្នុងភូមិព្រែកនរិន្ទ ឃុំព្រែកនរិន្ទ ស្រុកឯកភ្នំ ខេត្តបាត់ដំបង ដែលកំពុងហ្វឹកហាត់ ដើម្បីត្រៀមឡើងមកប្រកួតនៅរាជធានីភ្នំពេញ៕
រូបភាព៖ រដ្ឋបាលខេត្តបាត់ដំបង
Account
Security
Favourite Content