CAMBODIA BEER និងទឹកពិសាកម្ពុជា របស់ ខ្មែរ ប៊ែវើរីជីស បន្តឧបត្ថម្ភផ្តាច់មុខដល់កម្មវិធីប្រកួតធ្វើម្ហូបលំដាប់ពិភពលោក MasterChef Cambodia រដូវកាលទី ៤ ដែលលើកស្ទួយវិស័យម្ហូបអាហារខ្មែរកាន់តែទូលំទូលាយនិងសម្បូរបែប ហើយក៏ផ្សារភ្ជាប់ជាមួយទំនៀមទម្លាប់ម្ហូបអាហារខ្មែរទៀតផង។
ឆ្លើយតបនឹងសំណួរពីសារព័ត៌មាន AMS ក្នុងសន្និសីទសារព័ត៌មាននៅផ្សារទំនើប ជីបម៉ុង ២៧១ មេហ្គា ម៉ល កាលពីថ្ងៃទី ០៩ ខែមករា អ្នកឧកញ៉ា លាង ម៉េង សហស្ថាបនិកក្រុមហ៊ុន ជីប ម៉ុង និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស បានចែករំលែកថា កត្តាសំខាន់ដែលជំរុញឱ្យក្រុមហ៊ុន ខ្មែរ ប៊ែវើរីជីស នៅតែបន្តឧបត្ថម្ភផ្ដាច់មុខដល់កម្មវិធីប្រកួតម្ហូបលំដាប់ពិភពលោកមួយនេះ ខណៈដែលធ្លាប់បានឧបត្ថម្ភផ្តាច់មុខក្នុងរដូវកាលមុន និងបានឧបត្ថម្ភដល់កម្មវិធីក្នុងវិស័យកីឡា និងសិល្បៈជាច្រើនរួចមកហើយនោះ គឺដោយសារតែ ខ្មែរ ប៊ែវើរីជីស មានគោលបំណងចង់ពង្រីកការផ្សព្វផ្សាយលើគ្រប់វិស័យ ក៏ដូចជាដើម្បីលើកស្ទួយ និងលើកកម្ពស់ការយល់ដឹងអំពីវិស័យម្ហូបអាហារទៅដល់ប្រជាជនកម្ពុជាឱ្យបានទូលំទូលាយ។
ខណៈដែលវិស័យមួយនេះគឺជាសសរគ្រឹះដ៏សំខាន់សម្រាប់ទេសចរណ៍ ក៏ដូចជាសេដ្ឋកិច្ចជាតិ។ ខ្មែរ ប៊ែវើរីជីស មានគោលបំណងចង់ពង្រីកការផ្សព្វផ្សាយលើគ្រប់វិស័យ ក៏ដូចជាដើម្បីលើកស្ទួយ និងលើកកម្ពស់ការយល់ដឹងអំពីវិស័យម្ហូបអាហារទៅដល់ប្រជាជនកម្ពុជាឱ្យបានទូលំទូលាយ។
កត្តាមួយទៀតគឺលោកចង់ផ្ដល់វេទិកាសម្រាប់កូនខ្មែរដែលមានទេពកោសល្យក្នុងវិស័យធ្វើម្ហូបអាចមានឱកាសបានបញ្ចេញស្នាដៃ រៀនសូត្រ និងទទួលបានភាពជោគជ័យក្នុងអាជីពដោយមានការទទួលស្គាល់ទាំងក្នុងប្រទេស និងលំដាប់អន្តរជាតិ។
ទន្ទឹមនេះដែរ Chef ណារ៉ា ដែលជា Judge មួយរូបក្នុងកម្មវិធីបានបន្ថែមថា តាមរយៈកិច្ចសហការរវាងក្រុមហ៊ុន ខ្មែរ ប៊ែវើរីជីស និងកម្មវិធី MasterChef បេក្ខជនដែលទទួលបានជ័យលាភី មិនត្រឹមតែទទួលបានប្រាក់រង្វាន់ដ៏ច្រើននោះទេ ប៉ុន្តែក៏អាចក្លាយជាអ្នកមានកេរ្តិ៍ឈ្មោះល្បីក្នុងវិស័យម្ហូបអាហារ ទទួលបានបទពិសោធន៍ ចំណេះដឹងថ្មីៗ ជាពិសេសគឺឱកាសក្លាយជាចុងភៅនៅក្នុងសណ្ឋាគារលំដាប់ផ្កាយប្រាំ។
ជាក់ស្ដែង លោក ឃួន សំអន ម្ចាស់ជយលាភី MasterChef Cambodia រដូវកាលទី៣ ក៏បានចែករំលែកផងដែរថាការឈានជើងចូលទៅកាន់ HYATT លោកមិនត្រឹមតែទៅចម្អិនម្ហូបធម្មតានោះទេ ប៉ុន្តែវាក៏ជាឱកាសឱ្យលោកបានចូលទៅសិក្សា និងរៀនអំពីម្ហូបនៅសណ្ឋាគារមួយដែលមានស្តង់ដារខ្ពស់ ស្របតាមគោលបំណងរបស់លោកក្នុងការកែច្នៃម្ហូបខ្មែរឱ្យក្លាយជាមុខម្ហូប Fine Dining ប៉ុន្តែនៅតែរក្សាបានរសជាតិដើម។
គួរបញ្ជាក់ថា បេក្ខជន-បេក្ខនារីដែលទទួលបានជយលាភីក្នុងរដូវកាលនេះ នឹងទទួលបានទឹកប្រាក់សុទ្ធចំនួន ២០០ លានរៀល ហើយកាន់តែពិសេសជាងនេះទៀតនោះ គឺឱកាសក្លាយជាចុងភៅប្រចាំសណ្ឋាគារលំដាប់ស្តង់ដាអាមេរិកនៅកម្ពុជា HYATT REGENCY PHNOM PENH។ រង្វាន់លើកទឹកចិត្តសម្រាប់ជយលាភីរងទី ១ នឹងទទួលបានម៉ូតូ Vespa មួយគ្រឿង និងជយលាភីរងទី ២ ទទួលបានទូរស័ព្ទ Samsung Galaxy Z Fold 6 មួយគ្រឿង។ លោកអ្នកអាចចូលរួមដាក់ពាក្យប្រកួតជាមួយលក្ខខណ្ឌងាយៗ ដោយគ្រាន់តែយកម្ហូបមួយចានដែលអ្នកបានចម្អិនដោយផ្ទាល់ដៃ រួចយកមកដាក់ពាក្យនៅផ្សារទំនើប ជីប ម៉ុង ២៧១ មេហ្គា ម៉ល រាជធានីភ្នំពេញ ថ្ងៃទី ១១-១២ ខែមករា ឆ្នាំ ២០២៥ ចាប់ពីម៉ោង ៨ព្រឹកតទៅ។
:: រួមគ្នាលើកស្ទួយវប្បធម៌ម្ហូបអាហារជាមួយ ខ្មែរ ប៊ែវើរីជីស !សមត្ថភាពពិត ចេះច្នៃប្រឌិត ជយលាភីដល់ដៃ!
:: CAMBODIA PREMIUM កាន់តែប្រណិត កាន់តែស្និទ្ធស្នាល!
:: ទឹកពិសាកម្ពុជា បន្សុទ្ធគ្រប់តំណក់ជាមួយបច្ចេកវិទ្យា SMART TRIPLE FILTER!