តារាវ័យក្មេងរបស់ផលិតកម្ម បារមី វណ្ណថាន និង វណ្ណដា បានដឹកដៃគ្នាហោះទៅកោះតៃវ៉ាន់ ដើម្បីចូលរួមការប្រគំតន្ត្រីដ៏ធំមួយឈ្មោះថា Takao Rock 打狗祭 ដែលមានតារាចម្រៀង និង Rapper ល្បីៗមកពីបណ្តាប្រទេសផ្សេងៗជាច្រើនមកចូលរួម។ ក្នុងនោះផងដែរ Rapper វ័យក្មេងកម្ពុជា វណ្ណដា បានឡើងបកស្រាយចម្រៀងជាច្រើនបទរួមមាន «Time To Rise», «អីតែមិនអី», «J + O» និងបទ «កំលោះស្រុកខ្មែរ» ជាដើម នៅចំពោះមុខអ្នកចូលរួមរាប់ពាន់នាក់ដែលបានមកចូលរួមលេងការប្រគំតន្ត្រីដ៏ធំនេះ។







រូបភាព៖ FB pgae Takao Rock 打狗祭
តាមរយៈវីដេអូបង្ហោះលើគណនី Tik Tok @vannda_26 បង្ហាញឱ្យឃើញថា អ្នកចូលរួមយ៉ាងច្រើនកុះករបានចូលរួមរាំលេងកម្សាន្តតាមចង្វាក់ភ្លេងរបស់សិល្បករខ្មែរទាំងពីររូប និងបានលើកទូរស័ព្ទថតសកម្មភាពច្រៀងរបស់ វណ្ណដា និង វណ្ណដា យ៉ាងព្រោងព្រាតតែម្តង។
ឆ្លៀតពេលកំពុង perform លើឆាកដ៏អស្ចារ្យ វណ្ណដា បានប្រាប់ឈ្មោះរបស់លោកទៅកាន់អ្នកចូលរួម ដើម្បីឱ្យពួកគេចងចាំសិល្បករខ្មែរដែលបានឡើងសម្តែងលើឆាកដ៏អស្ចារ្យនេះ និងបានប្រាប់ឱ្យគ្រប់គ្នាដឹងថា លោកជាសិល្បករមកពីកម្ពុជា មកទីនេះដើម្បីចែករំលែកឱ្យគ្រប់គ្នាដឹងពីបទចម្រៀង តន្រ្តី និងសិល្បៈរបស់ខ្មែរ។ អ្នកចូលរួមច្រើនកុះករ នាំគ្នាស្រែកហ៊ោរាំច្រៀងតាមចម្រៀងរបស់សិល្បករខ្មែររូបនេះ ថែមទាំងមានអ្នកស្រែកហៅឈ្មោះ វណ្ណដា ថែមទៀតផង។

រូបភាព៖ FB pgae Takao Rock 打狗祭
ពេលឃើញ idol វណ្ណដា និង វណ្ណថាន ស្រែកច្រៀងផ្អើលឆាកTakao Rock 打狗祭 នៅតៃវ៉ាន់ ហ្វេនៗម្ចាស់បទ «កំលោះស្រុកខ្មែរ» បានបង្ហាញអារម្មណ៍រំភើប និងមានមោទនភាពជំនួស idol របស់ពួកគេ ដែលតែងតែនាំយកទង់ជាតិកម្ពុជាទៅឆាកអន្តរជាតិ ពិសេសគឺលើកតម្កើងសិល្បៈវប្បធម៌ និងតន្ត្រីខ្មែរទៅកាន់ពិភពលោក។
ក្រោយចប់ការសម្តែង វណ្ណដា & វណ្ណថាន រួមទាំងក្រុមការងារបារមីដែលបានទៅបំពេញបេសកម្មនៅតៃវ៉ាន់ បានកំពុងធ្វើដំណើរត្រឡប់មកព្រះរាជាណាចក្រកម្ពុជាវិញហើយ នៅថ្ងៃទី៩នេះ។ នេះបើយោងតាមការបង្ហោះ Story របស់ វណ្ណថាន រយៈពេល៣ម៉ោងមុន។

គួររំលឹកផងដែរថា ថ្មីៗនេះ វណ្ណដា និងសិល្បករ បារមី ផ្សេងទៀត ទើបបង្ហោះឱ្យដឹងដំណឹងរីករាយមួយ ដែលពួកគេនឹងចេញទៅច្រៀងសម្តែងនៅសហរដ្ឋអាមេរិកលើកដំបូង ក្នុងមហោស្រពតន្ត្រី Sabaidee Fest នៅ Prado Park ទីក្រុង Chino, Southern California នាថ្ងៃ ១៤ ដល់ ១៦ មិថុនា ឆ្នាំ ២០២៤ ខាងមុខនេះ។ ដូច្នេះ ពុកម៉ែបងប្អូនប្រជាជនខ្មែររស់នៅទីនោះកុំភ្លេចមកចូលរួមលេងកម្សាន្តជាមួយគ្នាឱ្យបានច្រើនកុះករ៕
























Account
Security
Favourite Content