ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
ទឹកភ្នែកស្រក់ដោយក្ដីរំភើប លាយឡំអារម្មណ៍ក្ដុកក្ដួល ក្នុងថ្ងៃផ្ទេរតំណែង Miss Grand Cambodia ពីម្ចាស់មកុដឆ្នាំ ២០២២ ពេជ្រ វត្តីសារ៉ាវឌ្ឍី បានធ្វើឱ្យទស្សនិកជនរាប់ពាន់នាក់ក្នុងសាលមហោស្រព បានស្រក់ទឹកភ្នែក ដោយក្ដីអាណិតស្រលាញ់ និងពោរពេញដោយមោទកភាពបំផុត ចំពោះបវរកញ្ញារូបនេះ បានលើកមុខមាត់ប្រទេសកម្ពុជា លើឆាកអន្តរជាតិ។
ក្នុងវគ្គឡើងថ្លែងពីចំណាប់អារម្មណ៍របស់ខ្លួនលើដំណើរវិថី នៃបវរកញ្ញាកម្ពុជា និងបវរកញ្ញាអន្តរជាតិ លំដាប់រងទី៥ នៃ MGI 2022 ពេជ្រ វត្តីសារ៉ាវឌ្ឍី បានរៀបរាប់ដោយក្ដីរំភើប ក្ដុកក្ដួល ពីអ្វីដែលខ្លួនបានឆ្លងកាត់កន្លងមក ទម្រាំបានទទួលនូវភាពជោគជ័យដូចបច្ចុប្បន្ន ដែលទទួលបាននូវក្ដីស្រលាញ់ដ៏ច្រើនលើសលប់ ពីប្រជាជនកម្ពុជា។ ឧបសគ្គតាំងពីកើតរហូតដល់ធំពេញវ័យ ក្មេងស្រីម្នាក់នេះ បានឆ្លងកាត់ឧបសគ្គ រាប់មិនអស់ ក្នុងនាមជាកូនស្រី ដែលកើតក្នុងគ្រួសារខ្វះភាពកក់ក្ដៅ ផ្ញើវាសនានឹងអង្គការ ត្រូវឃុំគ្រងជីវិត ត្រួសត្រាយផ្លូវដោយខ្លួនឯង ដំណើរជីវិតដ៏លំបាកនេះ បានជំរុញឱ្យនាងក្លាយជាមនុស្សស្រីដ៏រឹងមាំ និងជាគំរូដល់ស្ត្រីក៏ដូចជាមនុស្សរាប់លាននាក់នៅលើពិភពលោកនេះ។
ទឹកភ្នែករមៀលស្រក់តក់ៗ អមដោយការរៀបរាប់ពីជីវិតពីមួយដំណាក់កាល ទៅមួយដំណាក់កាល រហូតក្លាយជាម្ចាស់មកុដនេះ បានធ្វើឱ្យទស្សនិកជន មិនអាចទប់ទឹកភ្នែកបានឡើយ។ អ្វីដែលគួរឱ្យរំជួលចិត្តនោះ គឺ វត្តី បានរៀបរាប់ពីឈុតពណ៌ទឹកប៊ិក រំលេចដោយពន្លឺចែងចាំងផ្លេកៗពណ៌ប្រាក់ ដែលនាងបានគ្រងក្នុងថ្ងៃផ្ទេរតំណែង។
វត្តី រៀបរាប់ថា៖ ឈុតដែលនាងគ្រង គឺជាឈុតដែលបង្កប់អត្ថន័យបញ្ជាក់ពីស្រុកកំណើតនាង ខេត្តព្រះសីហនុ ជា Concept មួយដែលឈ្មោះថា «ប្លង់តុង» ហើយអត្ថន័យដ៏ជ្រាលជ្រៅនៃឈុតមួយនេះ គឺ ប្លង់តុង ជារបស់មួយដែលស្ថិតនៅទីងងឹត ហើយជះពន្លឺយ៉ាងស្រស់ស្អាត ប្រៀបបាន ពេជ្រ វត្តីសារ៉ាវឌ្ឍី ព្រោះតែឧបសគ្គជាច្រើន ទើបធ្វើឱ្យនាង កាន់តែមានពន្លឺស្រស់ស្អាត ដែលជាទីស្រលាញ់របស់ប្រជាជនកម្ពុជា។
ម្ចាស់មកុដឆ្នាំ ២០២២ ក៏បានផ្ដាំផ្ញើទៅកាន់សិស្សប្អូនជំនាន់ក្រោយថា៖ «ពាក្យថាបវរកញ្ញា មិនមែនជាមនុស្សស្រីម្នាក់ដែលកើតមក Perfect ឥតខ្ចោះ តែជាមនុស្សស្រីម្នាក់ ដែលប្រើប្រាស់នូវបទពិសោធ មេរៀនជីវិត ដែលខ្លួនមានផ្ដល់ទៅកាន់មនុស្សដទៃទៀត ដែលកំពុងជួបបញ្ហាដូចជាយើង»៕
Account
Security
Favourite Content