ដូចប្រិយមិត្តអ្នកស្នេហាវិស័យបវរកញ្ញានៅកម្ពុជាបានជ្រាបស្រាបហើយ ថ្មីៗនេះស្ថាប័ន Miss Grand Cambodia 2023 បានប្រកាសដកតំណែង កញ្ញា កែវ ស្រីលីន បេក្ខភាពតំណាងខេត្តកំពត ដោយជំនួសវិញដោយស្រីស្អាតកូនកាត់ខ្មែរ-អាមេរិក សំ ស្រីម៉ី វ័យ ១៩ ឆ្នាំ។


តាមការប្រកាសរបស់ទំព័រហ្វេសប៊ុក Miss Grand Cambodia ស្រីម៉ី អាយុ ១៩ ឆ្នាំ ជាកូនកាត់ខ្មែរ-អាមេរិក សញ្ជាតិខ្មែរ កម្ពស់ 1.73cm រៀនចប់ទី១២ និង រៀនចប់ flight attendant អាចប្រើប្រាស់បាន ៣ ភាសា ខ្មែរ វៀតណាម,អង់គ្លេស (ល្អ)។ ការងារបន្ថែមរបស់នាងគឺ នារីអាកាសចរណ៍ (flight attendant )។
ផ្តល់បទសម្ភាសន៍ជាមួយអ្នកសារព័ត៌មានសិល្បៈក្នុងស្រុកកាលពីពេលថ្មីៗ សំ ស្រីម៉ី ថា នាងសប្បាយចិត្តណាស់ដែលត្រូវបានជ្រើសរើសឱ្យក្លាយជា Miss Grand កំពត ថ្មីជំនួសឱ្យបេក្ខភាពចាស់។ កន្លងមកនាងក៏ធ្លាប់ចូលរួមប្រកួតកម្មវិធី Miss Aura Cambodia តែមិនទទួលបានជោគជ័យនោះឡើយ ទើបពេលនេះនាងមានឱកាសចូលប្រកួត Miss Grand Cambodia 2023 ដូច្នេះ នាងនឹងយកឱ្យនេះបង្ហាញឱ្យគ្រប់គ្នាឃើញថា នាងពិតជាមានសមត្ថភាពអាចធ្វើបាន។


កូនកាត់ខ្មែរ-អាមេរិករូបនេះបន្តថា ដើម្បីក្លាយជាបេក្ខភាពលេចធ្លោម្នាក់ក្នុងចំណោមបេក្ខភាពទាំង ២៥ រូប នាងនឹងព្យាយាមហ្វឹកហាត់បន្ថែមលើការដើរ ការនិយាយស្តី ក៏ដូចជា Q&A ផងដែរ។ ស្រីស្រស់សោភាមានប្រភពមកពីខេត្តតាកែវរូបនេះ ជឿជាក់ថា នាងនឹងធ្វើបានល្អក្នុងការប្រកួតនាពេលខាងមុខនេះ។
គួររំលឹកផងដែរថា បច្ចុប្បន្ន កញ្ញា សំ ស្រីម៉ី កំពុងខិតខំប្រឹងប្រែងពង្រឹងសមត្ថភាពខ្លួនឯង និងបាន update សកម្មភាពខ្លួនឯងលើបណ្តាញសង្គមជាប្រចាំ ថែមទាំងបញ្ចេញសិល្បៈនៃការថតរូបប្លែកៗមិនចាញ់បេក្ខភាពផ្សេងទៀតនោះឡើយ។ ដោយហេតុថានាងជាបេក្ខភាពដែលទើបផ្លាស់មកថ្មី ស្រីម៉ី ទាក់ទាញក្រសែភ្នែកហ្វេន និងបណ្តាហ្វេនផេកធំៗជាច្រើ ដោយសាររូបសម្រស់ សមត្ថភាព និងភាពជឿជាក់របស់នាង៕



























Account
Security
Favourite Content