ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
តារាសម្ដែងជួរមុខ ស៊ីន យូប៊ីន បានចេញប្រឡូកការងារសិល្បៈវិញពេញដៃហើយ ក្រោយចេញពីបួសកាលពីចុងខែមករាកន្លងទៅ។ នេះជាការឲ្យដឹងក្នុងថ្ងៃ Fan Meeting របស់តារាស្រីសាច់ខ្ចី ដល់ក្រុមអ្នកសារព័ត៌មានក្នុងស្រុកជាច្រើនរូប។
យូប៊ីន បានទម្លាយឲ្យដឹងថា ការងារជា BA ដែលធ្លាប់តែកាន់កាលពីឆ្នាំកន្លងទៅ មកដល់ ២០២៥ ក៏នៅតែបានបន្តកុងត្រាមិនបានបាត់ របូតតំណែងណាមួយទេ។ ក្នុងនោះមានប្រេនទូរស័ព្ទ Samsung ផ្សារទំនើប ជីបម៉ុង និងប្រេនសម្លៀកបំពាក់ជាច្រើនបន្ថែមទៀត ដែលកញ្ញាវ័យ ២៩ ឆ្នាំរូបនេះមានក្នុងដៃ។
មិនអស់ប៉ុណ្ណោះឡើយ តារាសម្ដែងមានទីផ្សារទាំងក្នុងស្រុក និងក្រៅស្រុករូបនេះបានធ្លោយមាត់ទាក់ទងការងារ Brand Ambassador កញ្ញា និងក្រុមការងារកំពុងចរចាជាមួយខាងក្រុមហ៊ុន ២ ថ្មីទៀត ដែលចូលមកចែចូវ។ ប៉ុន្តែ យូប៊ីន មិនប្រាប់ថាជាប្រេនអ្វី ឬផ្នែកអ្វីឡើយ ដោយសង្កត់ធ្ងន់ថាពេលចរចាបានសម្រេច និងអញ្ជើញអ្នកកាសែត និងហ្វេនទៅកម្មវិធីប្រកាស BA ទាំងអស់គ្នា។
សម្រាប់ឆ្នាំ ២០២៥ នេះដែរ ចក្ខុវិស័យរបស់ យូប៊ីន គឺធ្វើឲ្យខ្លួនឯងស្អាតជាងមុន ក្មេងជាងមុន និងពង្រឹងសមត្ថភាពផ្នែកសម្ដែងឲ្យកាន់តែខ្លាំងជាងមុន ដើម្បីឲ្យវិស័យភាពយន្តខ្មែរកាន់តែល្អជាងមុន ហើយត្រូវបានគេទទួលស្គាល់ទាំងក្នុង និងក្រៅប្រទេស។ ឆ្នាំនេះសង្សាររបស់ ខាត់ វ៉ៃហាំង មិនបានចូលរួមសម្ដែងឡើយ តែនាងនៅពីការការផលិត។
ក្រោយតារាស្រីរូបនេះបញ្ជាក់ថា នាងមានការងារជាអ្នកតំណាងឲ្យក្រុមហ៊ុនជាច្រើនដដែល អ្នកកាសែតក៏បន្តសំណួរទាក់ទងនឹងប្រេន BVLGARI ថាមានទទួលបានការងារ BA ជាមួយ ឬយ៉ាងណា? ស៊ីន យូប៊ីន បានបញ្ជាក់ខ្លីៗថា ម៉ាក BVLGARI មិនទាន់មាននៅស្រុកខ្មែរនៅឡើយទេ ដូចនេះហើយការងារធ្វើឲ្យប្រេនគ្រឿងអលង្ការ BVLGARI ដ៏ល្បីនោះ នៅបន្តដូចឆ្នាំមុន ពោលគឺ KOL នៅដដែល៕
រូបភាព៖ Shin Yubin និង Samsung
Account
Security
Favourite Content