Liu YiFei ឬគ្រប់គ្នាស្គាល់ថាជាតួស្រី សៀវ ឡុងនី ជាតារាស្រីចិនដ៏មានប្រជាប្រិយភាពទាំងក្នុងប្រទេស និងក្រៅប្រទេស។ ក្រៅពីមានសមត្ថភាពខាងសម្ដែងយ៉ាងល្អ នាងក៏ត្រូវបានប្រជាជនក្នុងប្រទេសចិនចាត់ទុកជាតារាស្រីម្នាក់ដែលមានសម្រស់ស្អាតស្ទើរគ្មានតារាស្រីជំនាន់ក្រោយណាអាចប្រៀបាន ដោយសារតែមើលពីជ្រុងណាក៏ស្រស់ស្អាត។



តែយ៉ាងណាមិញ តារាស្រីរូបនេះក៏ធ្លាប់មានអតីតកាលជូរចត់ផងដែរទម្រាំមានភាពល្បីល្បាញដូចសព្វថ្ងៃ ដោយនាងក៏ធ្លាប់ត្រូវបានគេ bully ធ្វើបាបកាលពីនៅក្មេង។
ថ្មីៗ នេះ មហាជនជាច្រើនហាក់មានការភ្ញាក់ផ្អើលក្រោយមានអ្នកបញ្ចេញមតិម្នាក់លើបណ្ដាញសង្គមថា រូបនាងធ្លាប់ធ្វើបាប និងវាយតារាស្រី Liu YiFei កាលពីនៅក្មេង។ ចំពោះមូលហេតុវិញគឺដោយសារតែនាងមានរូបសម្រស់ស្អាតពេកតាំងពីនៅក្មេង ថែមទាំងពូកែរាំទៀត។ អ្វីដែលធ្វើឱ្យមហាជនហួសចិត្តនោះ អ្នកដែលបញ្ចេញមតិនោះហាក់ដូចជាគ្មានអារម្មណ៍ខុសឆ្គងសោះបែរជាមើលទៅសប្បាយចិត្តខ្លាំងពេលដែលបានធ្វើរឿងបែបនេះ។




មែនទែនទៅ បកត្រលប់ទៅកាលពីច្រើនឆ្នាំមុន តារាស្រី Liu YiFei ពិតជាធ្លាប់បានលើកឡើងក្នុងបទសម្ភាសថា រូបនាងធ្លាប់ត្រូវគេ bully ធ្វើបាបកាលពីនៅក្មេងនៅពេលនាងកំពុងសិក្សានៅឯប្រទេសអាមេរិក។ Liu YiFei បានលើកឡើងថា៖ កាលនោះមានក្មេងស្រីមួយក្រុមបានព្រួតគ្នាវាយធ្វើបាបនាងដោយចាប់បោចសក់ និងគូររូបលើខ្លួនរបស់នាង ប៉ុន្ដែសំណាងល្អមិត្ដភ័ក្ដិរបស់នាងបានមកជួយទាន់ពេលវេលា និងរាយការណ៍រឿងនេះដល់សាលា។ ហេតុការណ៍នេះធ្វើឱ្យនាងមានស្រមោលខ្មៅ និងមានអារម្មណ៍បាក់ទឹកចិត្ដខ្លាំង។

ថ្វីបើរឿងហួសហើយក្ដី ប៉ុន្ដែអ្នកគាំទ្រជាច្រើនក៏បានទៅបញ្ចេញមតិល្អៗ លើបណ្ដាញសង្គមរបស់តារាស្រី Li YiFei ដើម្បីជាការលើកទឹកចិត្តចំពោះនាង៕


























Account
Security
Favourite Content