ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
តារាចម្រៀងខេប៉ុប Rain និងភរិយា Kim TaeHee បានរៀបការសាងគ្រួសារយ៉ាងមានសុភមង្គល។ កន្លងផុតជិត ៧ ឆ្នាំចំណងស្នេហារបស់អ្នកទាំងពីរនៅតែមានភាពរឹងមាំខ្លាំង បើទោះមិនសូវបង្ហោះរូបជុំគ្នាផ្អែមល្ហែម តែតារាប្រុស Rain មិនភ្លេចឡើយតែងរំឭកពីភរិយារបស់ខ្លួន។
ជាមួយគ្នាដែរ តារាប្រុស Rain ធ្លាប់ត្រូវមហាជនជាច្រើនចោទសួរលើបណ្ដាញសង្គម ដោយសារលោកមិនដែលត្រូវគេប្រទះឃើញពាក់ចិញ្ចៀនគូស្នេហ៍ក្រោយរៀបការ។ ស្របពេលដែលលោកក៏ធ្លាប់ទទួលបានពាក្យរិះគន់ដោយសារតែរឿងមួយនេះផងដែរ។ ថ្មីៗ នេះ លោកក៏បានទម្លាយពីហេតុផលដែលខ្លួនមិនព្រមពាក់ចិញ្ចៀនគូស្នេហ៍។
ថ្មីៗ នេះ តារាប្រុស Rain បានបង្ហោះវីដេអូក្នុងយូធូបផ្ទាល់ខ្លួនរបស់លោក ដោយមានតារាចម្រៀង KCM ជាភ្ញៀវកិត្ដិយសចូលរួមផងដែរ។ ក្នុងវីដេអូនោះ អ្នកទាំងពីរជជែកពីរឿងគ្រួសារ និងការរៀបការ។ ស្របពេលជាមួយគ្នានោះ Rain បានកត់សម្គាល់ថា តារាប្រុស KCM និងក្រុមការងារៗ ប្រុសៗ ដែលរៀបការរួចភាគច្រើនសុទ្ធតែមិនពាក់ចិញ្ចៀនគូស្នេហ៍ក្រោយរៀបការ។ លោកក៏បានចោទសួរអំពីមូលហេតុដែលគ្រប់គ្នាមិនព្រមពាក់ចិញ្ចៀន។ ជាការឆ្លើយតប៖ តារាប្រុស KCM បានលើកឡើងថាចំពោះមូលហេតុដែលលោកមិនព្រមពាក់ចិញ្ចៀន ដោយសារតែម្រាមដៃរបស់លោកមានបញ្ហាឆាប់ហើយ ដូច្នេះលោកមិនអាចពាក់ចិញ្ចៀនបានយូរឡើយទើបសម្រចចិត្ដមិនពាក់តែម្ដង។
ចំណែកឯអ្នកផ្សេងៗ វិញ ក៏លើកឡើងក្រោយហេតុផលស្រដៀងៗ គ្នាថា ការពាក់ចិញ្ចៀនគឺមានភាពទើសទែង និងពិបាកក្នុងការធ្វើការ។ ក្រឡេកមកមើលតារាប្រុស Rain វិញ លោកក៏មិនបានពាក់ចិញ្ចៀនដូចគ្នា។ សម្រាប់មូលហេតុរបស់តារាប្រុស Rain វិញគឺ លោកមិនពាក់មិនមែនដោយសារមានការលាក់បាំង ឬអ្វីឡើយ មនុស្សដែលស្គាល់លោកសុទ្ធតែដឹងថាលោករៀបការរួចទៅហើយ មិនពាក់ចិញ្ចៀនរៀបការក៏មិនបញ្ហា។
បើទោះជាមិនពាក់ចិញ្ចៀនគូស្នេហ៍ជាមួយភរិយា តែចំណងស្នេហ៍របស់អ្នកទាំងពីរនៅតែមានភាពរឹងមាំ និងយល់ពីគ្នា វាមិនអាស្រ័យលើការពាក់ចិញ្ចៀន ឬអត់នោះឡើយ។ គូស្នេហ៍មួយគូនេះ បានប្រកាសពីទំនាក់ទំនងស្នេហារបស់ខ្លួនក្នុងឆ្នាំ ២០១២ បន្ទាប់ពីសេពគប់គ្នាអស់រយៈពេល ៥ ឆ្នាំ អ្នកទាំងពីរក៏សម្រេចចិត្ដដឹកដៃគ្នាចូលរោងមង្គលក្នុងឆ្នាំ ២០១៧។ បច្ចុប្បន្ន អ្នកទាំងពីរមានចំណងដៃកូនស្រី ២ នាក់៕
Account
Security
Favourite Content