ព្រះនាង នរោត្តម ជេនណា ក៏មិនខុសពីមហាជនខ្មែរទូទៅ តែងឈឺឆ្អាលនឹងសុខទុក្ខប្រជាជនខ្មែរ ព្រមទាំងវីរកងទ័ពខ្មែរដែលឈរជើងនៅសមរភូមិជួរមុខឡើយ។ ទ្រង់បានប្រមែប្រមូលចូលរួមក្នុងមូលនិធិ ក៏ដូចជាចូលរួមផ្សព្វផ្សាយឲ្យសកលលោកបានឃើញពីភាពព្រៃផ្សៃរបស់ថៃ និងផ្ដល់ព័ត៌មានពិតប្រាកដរបស់ខ្មែរ ដែលឈឺចាប់ដោយសារសៀម។

ក្រៅពីប្រើប្រាស់បណ្ដាញសង្គមដ៏មានឥទ្ធិពលរបស់ខ្លួនហើយ ព្រះនាង ជេនណា ព្រះជន្ម ១៣ ព្រះវស្សាអង្គនេះ ក៏បានបញ្ចេញកម្លាំងកាយពលជួយរៀបចំចាត់ចែងហើយនោះ ទ្រង់ក៏បានយាងញាតិវង្សានុវង្សមករួមគ្នា សម្រាប់រួមជាតិដែលបានបង្ខំចិត្តចាកចេញពីលំនៅឋាន ដែលត្រូវបានសៀមឈ្លានពាន និងវីរកងទ័ពជួរមុខ។
ព្រះនាង នរោត្តម ជេនណា និងអ្នកឧកញ៉ា Nito H Lim ប្រធានសមាគម CCDYA បានប្រមូលកម្លាំងមកជួយរៀបចំស្បៀង និងសម្ភារៈមកជាច្រើនថ្ងៃហើយ។ ក្នុងនោះដែរ សម្ដេចក្រុមព្រះ នរោត្តម ច័ក្រពង្ស់ ឧត្ដមប្រឹក្សាផ្ទាល់ព្រះមហាក្សត្រ ក៏បានយាងទៅលើកទឹកចិត្ត ក៏ដូចជាថ្លែងអំណរគុណដល់មហាជនមកពីគ្រប់ទិសទីជួយគ្នារៀបចំ។
ទ្រង់ នរោត្តម អេមម៉ា ដែលជាព្រះរៀមព្រះនាង ជេនណា ក៏បានបង្ហាញវត្តមាននៅកន្លែងរៀបចំនោះដែរ។ ក្រោយឃើញបែបនេះអ្នកលេងបណ្ដាញសង្គមបានកោតសរសើរសែរាជវង្ស ដែលបានស្វះស្វែងជួយដល់ប្រជាពលរដ្ឋខ្មែរដែលខ្វះខាត ដោយសារសង្គ្រាមឈ្លានពានពីសំណាក់សៀម៕














រូបភាព៖ Jenna Norodom























Account
Security
Favourite Content